الموقع يقسط من تابي وتمارا وعلى استضافة سلة معقول يكون نصاب!

المنصة يشيكون على سجله التجاري واوراقه الرسمية، وحساباته حقت تابي وتمارا برضوا بيكون عليها تشييك

اما ان المتجر خدمته سيئة وصاحب الموضوع يبالغ شوي، او انه يدار من عصابه مستغلين اسم مواطن ويسرقون باسمه

سلة منصة حمايتها صفر كل همهم تشري الاشتراك
كثير مواقع عليها نصب واحتيال اقسم بالله العظيم لزم يتخذون اجراء لحماية مستخدمين المنصة ماهو معقول كذا

اتحداك والله ماهم دارين
انا زرفني موقع بعد التشييك والفحص اتضح ان رخصته مستحضرات تجميل ويبيع اشتراكات كيف سمحو له ببمارسة نشاط ثاني
منصة سلة همها الكسب المادي فقط مادرو عنك

المشكلة رحت حسابات التواصل الاجتماعي لقيت الكل يتشكى ومنسرقين منه ولما واجهت صاحب الموقع على طول راح مسح التعليقات السلبيه سرقة عيني عينك ولاحسيب ولارقيب

طيب ماجربت ترفع لنزاهه

إذا هو مسجل تابي وتمارا . وفي سله بالكلام الي انت قلته حل معاه سهل مره ارفع ل تابي وتمارا اخبرهم انه نصاب يقوم بالاستغلال ارفع فيه في سله شكوى رسميه .+ بلغ في وزاره تجاره طبعا كالعاده بيقولون مالنا شغل اطلبهم رقم سجل تجاري و اسمه إذا مو ظاهره لك وترفع عليه في صحيفه دعوى في ناجز يجيبونه طرق

شفت موقعه ترتيبه حلو وعنده مواقع تواصل
وصراحة غريبة انه ماسوى اي اعلانات فيها

والغريب اني لقيت ان عنده محل تجاري
فمن المستحيل احد ينصب على الناس
ويحط لك محله في بيانات الاستقرام

طبعا في التجارة بصفة عامة مبالغة في الأسعار
لكن عمليات نصب او احتيال مالي او بنكي
لا اعتقد او يستحيل تلقاها عن طريق محلات

ممكن سمعنا او حتى حنا جتنا عن طريق الاتصال
وسمعنا فيها بالانترنت بشكل كبير الايام هذه

بل زادت سرقة واستغلال الناس والنصب عليهم
سواء بعمليات المكالمات او الحسابات والجوائز


و شفنا مثلا تطبيقات التمويل اللي انتشرت مؤخرا
واللي للاسف كثير منها تابعة لبنوك معروفة
استغلت بل تجاوزت النسب القانونية المعروفة

ولو جينا عاد للمكاتب اللي تقول لك تقسيط او تسليف
يعطيك الف مقابل الفين يعني المجموعة ثلاثة الاف
او يقول لك اقسط لك بطاقات شحن وترهن لي حياتك


قابلت مرة شايب يبني بيته وكان ماخذ قرض 60 الف
20 الف المبلغ اللي عطوه وطلعت الفوائد 40
لما سألته قال والله لو قالوا بيعطوني 10 اخذتها

ومشكلة الناس انها مطره ومنجبرة اللي عمر وبنى
وما قدر يكمل فيبغى يبنى باي طريقة لأجل يسكن او يأجر
وخصوصا اللي تورطوا بالقروض فلازم يسدد لاجل ياخذ قرض
او انه ياخذ قرض ويتجاوز شروط القروض مقابل فوائد تكسر الظهر


والباقي اللي ينظر الى المدة وليس الى المبلغ
واللي عاد ماخذ السالفة من اسمها " قسط "
بل واحد يقول لك اشتري لك جوال ايفون مقابل 15 الف
وكثير شفتهم اهم شيء اكشخ مع العالم ما همني كيف
دامت ان الدفع تقسيط




https://www.google.com/maps...