وعليكم السلام
وش نوع مذربورد ؟ سويت تحديث بايوس وبعد تحديث سويت default ؟
فعلت رام XMP ؟
وش موديل كرت الشاشة اللي عندك ؟
نبي مواصفات كامله
ويندوز اي اصدار ؟ اصلي والا مكرك ؟

اخر شيء فيه ملف ارسلها لي تلقاه في C:\Windows\Minidump بعد ماتلعب واكرش اللعبه

على فكره مشكله من لعبه نفسها كلن يعاني منه حتى لو غيرت قطع بتعاني من كراشات , جرب العاب ثانيه شف يجيك كراش او لا

وعليكم السلام ورحمة الله وبركاته
عندك امر ما سويته بعد الفورمات وهو إعادة ضبط المصنع للبايوس وايضاً تحدثه وجرب بعدها

المذربورد GIGABYTE Z790 AORUS Elite AX
سويت تحديث للبايوس آخر اصدار بتاريخ 12MAY
ال XMP ماكان يضبط معي من اول ماسويت البلد طبعا أنا حاط رام 7500 ميقا ومقلل السرعه ل 6000 ميقا لكن بعد الكراشات نزلته ل 4800 وماضبط معي
كرت الشاشة TUF 5080
طبعا حصلت المشكلة وانا كنت مشغل ويندوز 11
وسويت كلين فورمات وحملت ويندوز 10
كلها اصلية اشتريت الكي من eBay
وحملت برنامج intel XTU ونزلت السرعه حقت المعالج الأقل شي ماضبطت معي

صارت لي نفس المشكلة قبل مع كود اول ما انزل من الطيارة تكرش مع شوية اعدادات بالبايوس ضبطت
وفعلا كثير ناس يشتكون من العاب اونريل انجن لكن مب لهالدرجة 😅 بالنسبة للملف الي طلبته ماحصلته عندي



سويته ورجعت كل شي طبيعي وحدثت لكن ماضبط

ضبط المصنع عبر زر في المذبورد او من خلال البايوس يرجع كل شي الى طبيعته اليدوي لا
وجرب
لكن كم للمعالج عندك ومتى حدثت البايوس
ممكن يكون المعالج ودع رجع كل شي نفس ما قلت وفرمت مره ثانيه ونزل ويندوز 11 وثبت التحديثات كلها
وبعدها نزل تعريف كرت الشاشه ولا تنزل شي اخر حتى برنامج اللوحة احذفه

انت الان على ويندوز 11 ؟ سويت تحديثات ؟

اذا جاك كراش بتحصله في C:\Windows\Minidump

المشكلة معروفة بمعالجات انتل الأخيرة وتتعلق بإدارة الكاش والطاقة



بعض الحلول اللي ممكن تفيدك:

1. تحديث BIOS لأحدث إصدار
2. تعطيل خاصية Enhanced Thermal Velocity Boost من البيوس
3. ضبط إعدادات الطاقة في Windows على "متوازن" بدل "أداء عالي"
4. خفض التردد الأقصى للمعالج بنسبة 5% من برنامج Intel XTU


ماشاء الله استقرار الجهاز على حد 75 بالميه هذا اللي يطول عمر الجهاز
https://youtu.be/9K_IFx4PiV...

تصدق عاد سويت الي قلت لي عليه وانا ماتوقعت ابداً انه يضبط بس قلت اجرب مب خسران شي 😅
المهم سويت استعادة الاعدادات الأصلية بالبايوس والتحديث حق البايوس جديد ماله اكثر من اسبوع نازل وهو آخر اصدار لذلك ماسويت فيه شي

بعدها فرمت الجهاز من جديد ورقيته لويندوز 11 وحملت التحديثات ودرايفر كرت الشاشة بس وسويت ريستارت . وحملت مارفل رايفلز من جديد .

كان قبل ادخل التدريب واخليه كم دقيقه ويكرش لكن امس بالليل انتظرت اللعبة تكرش وتأخر الوقت وانا مانمت جت الساعه 2 نمت ورحت داومت وانا كل تفكيري ضبط ماضبط 😅

عاد قبل شوي ابشرك لعبت ثلاث أقيام ورا بعض بدون مشاكل 😎

اعتقد سبب المشكلة عندي انه قبل كان يكرش معي ومغير بإعدادات البايوس وكان تمام معي فتره طويلة . لكن يبدولي انه خلال الويكند حملت تحديث فيه تعديل وتصحيح لعمل المعالج وتعارض مع الاعدادات الي كنت مسويها وهذا سبب المشاكل إذا احد مسوي زيي قبل يسوي اي شي يشيل اعدادات البايوس الي غير عليها والأفضل استعادة للإعدادات الأصلية ويجرب ضبط بها ماضبط يسوي فورمات والأشياء الثانية


الف شكر لكل من رد وكل من تفاعل شاكر ومقدر جهودكم ✌🏽

مبروك تتهنا الجهاز