ممكن تكون البطاقة مسروقة ولاتتبع له او مزوره وهذا اللي طايحين فيه حالياً النصابين , مافيه شي اسمه تمويل او غيره إلا من مواقع البنوك نفسهااو الجهات الرسمية فقط.

لو صحيح هو موظف بجهه حكومية تمويلية وين يصير البلاغ تبع اي جهه؟.

لو صحيح مسروقة بطاقتة اكيد مسوي فيها بلاغ فقدان

كلم الجهة اللي هو تبعها

تقدر تبلغ في تطبيق كلنا امن ( جرائم معلوماتية - نصب واحتيال - نوع برنامج التواصل ) وترفق جميع الصور وتشرح الموضوع .. بما ان الموضوع فيه صورة هوية ولامانع تتواصل مع الجهة الحكومية وتشرح لهم الوضع

وحسب خبرتي مع النصابين يرسلك اي اثبات عشان بس تصدقة مره واحد تواصل مع نصاب وعرفنا انه نصاب تخيل ارسل صورة هوية وطلبنا اثبات ثاني وارسل سند قبض وطلبنا اثبات ثالث وارسل لدرجة قلنا له صورلنا وجهك وانت في المكتب عشان نتأكد ارسل صورة من النت تختلف عن صورة الهوية قلنا له وجهك في المكتب مو نفس صورة الهوية ارسل ضحكة وقال كبرت في العمر هههههههههههه والاكيد انه ناصب على واحد ثاني بطريقة ثانية وطاح بالفخ وارسله صورة الهوية لذلك انتبهو ترسلون اي وثائق تخصكم لاي واحد :)

كلمت نزاهه مرة وحدة الي هي مكافحة الفساد قالو لي ارسل لنا محادثتك معة وارسلت كل المعلومات لهم

ياخي والله هالحرامية مالهم ضمير؟
ويكلمونك ويراسلونك برقم جوال سعودي بعد
ياليت ننظف هالاشكال منهم احس عصابات ومتمكنين

مافيه جهه حكومية تمويلية الا بنك التنمية الاجتماعيه
حراج والمواقع مليان اعلانات من ها انصابين وللاسف اكثر المتورطين معهم حريم
والمصيبه الكبرى انه يسرقك وتجد قضيه ضدك في التنفيذ

اسمع بودكاستات احتيال
وتعرف طريقتهم كيف يحصلون على الارقام السعودية
ثم كيف يبدون يستخدمونها في الاحتيال

في تطبيق التيليجرام تتفاجاء انه مدخلك قروب وحاط لك قائمة تدفع الف ريال تحصل على 700 ربح يومي لمدة شهر وهكاذ ثم يدهر ينشر صور ايصالات مموه عميل اشترك ب 2000 ريال عميل اشترك ب10 الاف ريال الله يرزقه وهكذا
ماخلو طريقه للنصب الا سلكوها ولللاسف احنا المستهدفين بشكل فضيع

ابشرك انه من بنك التنمية

ايه لان بنك التنمية له عدة مجالات
قروض اسريه قروض اجتماعيه قروض مشاريع فاستغلو الشي اللي الناس تبحث عنه

اخوي

هو حاط اعلان و انت قمت تواصلت معاه وبغيت القرض … مش هو اللي تواصل معك

لانه فرق شاسع بين الاثنين …

ترا حتى بطاقة ائتمانية تقدر تطلعها عن طريق شخص مسوي اعلان
تعطيه البيانات

- و اخر شي يرسلك اتفاقية من الموقع الرسمي حق الشركة او البنك و تقدر تتاكد من الموقع بقوقل و تطابقه او بجيك اشعار بتطبيق البنك و توافق عليه
- و سند لامر من موقع نافذ
- و رسالة من بنك "الفلاني" و مصدر الرسالة مسجل باسم البنك ، انه تمت الموافقة على الطلب لاعتماد الطلب لاضافة بطاقة ائتمانية
- و تجيك رسالة أو إشعار من ملم انه الشركة او البنك قاعد يشيك على إئتمانك أو تشوفها بالتطبيق

و هذا غير الآن صار كل شي و التوثيق إلكتروني

هذه كلها امور مؤكدة و لا تقبل بالشك

ليش يستخدمون الاعلانات عشان يغطون اعلى شريحة ممكنة تدور لانه مثل منت عارف ممكن العميل عنده ارتباطات و شغل و ممكن صعب انه يروح البنك و يدري انه احتمال يقبلونه او لا … فيتواصل معاهم عشان يخلصون موضوعه بسرعة واذا جاله قبول يجيله دايركت من دون مايطق مشاوير لهم

طيب راح تسال ليش مايبيك ترفع الطلب عن طريق الموقع ؟؟
ممكن لانه جيت عن طريقه و تعتبر عميل له و عنده تارقيت فيستفيد و مؤظفين البنوك يسوون نفس هالشي

بس افضل تسال كذا واحد منهم بطريقة غير مباشرة
لكن أؤكد لك أنه البنوك و الشركات 100% يسوونها

تبلغ اذا انته متاكد و متيقن من الاحتيال و هذه تبين مع الوقت.…

ممكن تجاريه و تمشي معاه اذا بغيت
ممكن تطلبه يرسلك الايميل الرسمي له و لجهته عشان تتوثق أكثر

@ الجهة الرسمية
بعد ماتتأكد من المصدر و بعدها تزوده بالطلبات اللي يبيها بإيميله الرسمي فقط
و اذا ماعطاك فهذا يفتح مجال الشك أكثر


و تأكد أنه أي طلبات بسيطة مالها قيمة بالنسبة لك. هذه عشان يفتح الملف عندهم ، و اذا عرفها مامنها فايدة له … الله و المعلومات يعني ، اسم و رقم حساب و شهادة مدد و تعريف بالراتب و عمليات الحساب آخر ثلاث شهور و الشغلات هذه كل البنوك و الجهات التمويلية تطلبها …

المشكلة اذا ارسلك موقع بالواتساب او رسالة من مصدر مجهول او طلب منك طلب غريب البنوك أو شركات التمويل ماتطلبه منك او ماطلب منك الطلبات اللي تطلبها شركات التمويل و البنوك.

حتى لو انا رايح له ارسلت فيه شكوى وهم بدورهم يتخذون الاجراء المناسب

ياخي قله ارسللي ايميل رسمي من جهتك و يطلب من الطلبات هذه , و علمه و اقنعه أنك بترسله البيانات ...

عشان أقلها تعطيه فرصة أخيرة و تريح ضميرك و تتأكد من وضعه قبل لا تبلغ ...

بدون مااقولة هي واضحة اصلا البنك نفسة مانزل نفس برنامج الاقساط الي هو عارضة بالمواقع يعني البنك بالموقع حقهم ماعندهم نظام تقسيط مبالغ مالية واضحة انه نصاب ويستاهل البلاغ فية

اخي الكريم مواضيعك وردودك دايما تكون منطقيه وعقلانيه
غريبه ردك هذا هل انت عايش معنا ولا تعيش في كوكب اخر وتناظرنا عن بعد
حتى هذه اللحظه لم نصل مرحلة ان جهة حكومية وحتى خاصه تاخذ وتعطي معك عن طريق الايميل
النقطه الثانيه الحكومة وفرت خدمات الكترونيه
بنك التنمية الاجتماعيه قد اخذت منه 3 قروض بين كل واحد وواحد فترة زمنيه بدون ما اروح لهم
ادخل موقعهم واشوف المستندات المطلوبه وارفعها وحتى ردهم او طلبهم يكون في نفس التطبيق او الموقع مايرسلون ايميل ولا شي
اكتملت الاوراق وانطبقت الشرط نزلو المبلغ بحسابك

فاي واحد يسوي اعلان انه بيجيب لي شي ماهو موجود فهو محتال ماتحتاج تخمين

كلامك منطقي و اصح اخوي ، و الاخ ماذكر الجهة الحكومية او ممكن تكون شبه حكومية و الموضوع كان بشكل عام

لكن البنوك ياما تحصل اعلانات سواءا تمويل ، تأجير سيارات ، اصدار بطاقات إئتمانية و هذه فيه منها اعلانات صحيحة و فيه ناس طلعو عن طريقهم و يشتغلون بالبنوك. لكن بعد ما الواحد يتأكد و الامور اللي فوق بتبين له

ترى فيه بطاقة منتشره لموظف سعودي على مااظن بصندوق التنمية الاجتماعي دايما يستخدمونها المحتالين للاسف