لاحظت نفس الشي صدقت

يمكن عشان إسم اليوزر اللي مسجل فيه

الله يستر خوفتونا
طلبت منهم سماعة سوني xm5 لقيتها عندهم بسعر حلو والبائع أمزون.
عسى ما تجي فيها عيب او شيء

صادق لكن مب دايم

طيب بسالك انت لو انك تاجر وبعت لزبون وفتح المنتج ومااعجبه ورجعه هل بتبيعه كجديد والا كمستخدم ؟ لو امازون حطوا كل المرتجعات مستعمله بيقفل على كذا صح ودي بالجديد ومحد فتحه قبلي لكن مالوم امازون بنفس الوقت الواحد يكون واقعي ومنطقي شوي
اكسترا اشوفهم مسوين حركه بالنسبة لي اعتبرها دنيئة يخصمون 30% من قيمة المنتج على فتحتك للكرتون

المسألة فيها تفتيت عظام. وأمازون راح يغير من سياسة الأرجاع غصب عنه. وهناك مستغلين وهناك لصوص يبيعون الابتكارات في علي اكسبرس بسعر أقل من التكلفة بالنسبة للمطورين والشركات والتجار خارج الصين.

هناك مميزات للبيع الإلكتروني أونلاين وعيوب وأكبر مشكلة تواجهها المتاجر الالكترونية وهو الفارق أنه الزبون يعتمد أعتماد كلي على وصف السلعة والصور. هو لا يرى الشيء اللي بيدفع فيه فلوس بشكل مباشر قبل الشراء. مره من المرات (قبل يفتح امازون السعودية) لقيت واحد يشتري سماعات سبيكرز صغيرة للكمبيوتر من مكتبة جرير. هذه السماعات كانت معروضة على الأرفف ولونها الأصلي كان أبيض. ولكن تحول لونها لبني غامق مائل للأسود في أماكن من لمس أيادي الناس وأماكن ثانية يظهر اللون الأصلي للسماعة اللون الأبيض. والشبك حق السماعات فيه طعجات ومخلوع من أحد الزوايا. جاء زبون اشترى السماعات بسعر كامل بدون أي خصومات. وجلس العامل ينظف السماعات ووضعها في كيس لأن الكرتون حقها مفقود. وسلمها للزبون. هذه أكبر نعمة للمتاجر التقليدية.

لكن أمازون ما يقدر يسوي هذا الشيء. لأن توصيل السلعة وإعادتها للمتجر مكلف قد يصل في أحيان لأكثر من سعر السلعة. أمازون يعطي المشتري أمتيازات لدرجة أنه لو أنت جربت المنتج وما أعجبك أو حتى غيرت رأيك وحسيت أنك تبغا الفلوس يعطيك فرصة تعيد المنتج. طيب هل هناك مستغلين لأمازون؟ نعم. حتى السائق اللي يستلم السلعة المرتجعة يستغل هذه المزايا وبشراسة. وسبق وأن كتبت موضوع عنوانه "خلل في أمازون السعودي"


بالنسبة لي: إذا لم يأتي المنتج بحسب الوصف. فهو راجع راجع. إذا كان في الوصف أنه جديد. لازم أستلمة جديد بتغليف المصنع. إذا كان المنتج عائد. إذكر في الوصف أنه معاد. واعطني الخيار أنا أختار. آخذ منتج معاد أو جديد. فيه ناس ما تفرق معاهم. طيب تخيل وصلني منتج من أمازون الألماني وهو منتج معاد. هل أكسر ظهر أمازون وأقوله خذ السلعة رجعها لألمانيا؟ راح أسويها المره الجايه. سواء كان أمازون الألماني أوالياباني أو الانجليزي. لازم يرجع أمازون للمنطق السليم. ويعدل في سياسة الارجاع. ويوصف السلع بشكل صحيح.

امازون السعودية سيئ جدا
امازون البريطاني يبيعها على انها مثل الجديد وسعرها اقل

انا عن نفسي وكأغلب المتسوقين جرننا علي اكسبريس وعلي بابا ونون وقبلها متاجر اظن قفلت متاجر قيمنق والكترونيات في دبي وامريكا
يظل امازون نعمة وحبة البركة مقارنه بجميع المتاجر

انا اتعامل مع امازون بشكل دوري من بدايته وهو منصتي الاولى بالطلبات لكن في الاونة الاخيرة فيه ملاحظات مزعجة :

1- تسليم منتج مختلف عن المطلوب للأمانة تم حل المشكلة مباشرة لكن أحد الاخوة في التلجرام ذكر انه طلب ايفون وسلموه كرتون ايفون داخله حجر وامازون ما تعامل مع الامر بشكل جيد.

2- اذا طحت بعرض اسطوري غالباً ماراح يتم شحنه ثم يتم الغاءه !!

3- بعض المنتجات وصفها غير صحيح وحتى اذا نبهتهم ما يتم تعديل الوصف ابداً

لكن للامانة رغم هذه المساوء هو أفضل بمراحل من بقية المواقع الآخرى

لاحظت نفس الشي