قواعد بيانات للتجارة؟
لسى ما وصلنا هالتطور...
عموماً التجارة تعتمد على علاقات بالموردين ومستقدمين العمالة وجهات التدريب..الخ.
اصعب مرحلة هي البداية مرحلة التأسيس وبعدها خلاص تكون عارف الطريق وتعرف تجيب اللي تبيه.. عشان كذا الفروع الاولى دايم اصعب شيء تأسيسها واذا نجحت خلاص يسوو كوبي بيست للعمل حقهم.
بخصوص السوق ودراسته فيه ناس عندها معلومات استشاريين او شركات تسوي لك خدمة دراسة جدوى ودراسة السوق وايش يحتاج ويعطونك توصيات لكن مو مضمونه وكلها دراسات وكلام نظري.

وبخصوص تقليل التكاليف هي تكون على مراحل:
المرحلة الاولى في بداية المشروع تحاول تقلل التكاليف بدون ما تأثر على جودة المنتج النهائي.
المرحلة الثانية خلال العمل لأن فيه تكاليف خفية وفيه اشياء ما حسبت حسابها راح تطلع لك ف انت تجلس تقلل هالتكاليف
والمرحلة الأخيرة تكون بعد استقرار المشروع وهي تغيير مصادر الموردين الى خيارات ارخص بنفس الجودة، إشتراك مثلاً في باقات
محدودة على قد احتياجكم، تغيير البرنامج المحاسبي الى خيار اقل سعر ومميزات -بعض البرامج مميزاتها فوق حاجتكم وتستنزف الميزانية بسعرها الغالي- وطرد العمالة الزائدين عن الحاجة او خلق وظائف اخرى لهم في نفس المشروع بحيث ترفع الإنتاجية اكثر..الخ.

وعليكم السلام،

أنصحك تشوف لك قروبات تجارية على الإنترنت عشان تستفيد وتتبادل الخبرات مع ملاك المطاعم. بعدين، حاول تتواصل مع الموردين المحليين بشكل مباشر عشان تحصل على أفضل الأسعار والعروض. تقدر بعد تستخدم منصات إلكترونية تعطيك معلومات عن الموردين وأسعارهم. بالتوفيق في مشروعك.

فيه دراسات الجدوى بعضها معتمد بالتمويل عند البنوك

اذا كان مشروعك مطعم اعاشة فغالبا انت تستهدف شركات العمالة، قبل تبدأ في المشروع هل عندك فكرة عن الشركات الي تقدم خدمات الاعاشة؟
فيه شركات يقدمون 3 وجبات بسعر 16 ريال لليوم وفيه شركات اقل وفيه شركات اكثر.

تحتاج دراسة ميدانية وجولات مكثفة واكيد الا ماتلقى راعي مطعم ويتمنى لك الخير اقعد معه واساله وجرب وروح وشوف بتنصدم كثير ما بيعطيك العلم لكن الا ما تطلع بكم واحد شف المطاعم المشهورة الشعبية مثلا محل بروستد معروف منهو المعلم اللي يملك المحل بالواقع او مثل محل مثلوثة او شواية له فروع محدودة لان الشركات الكبيرة لهم حسبه غير ولا بتلتقي بملاكها بسهولة