مافيه شي اسمه استثمار بعشره وعشرين
العشرة والعشرين انت اولى بها بحكم انك طالب جامعي
افضل استثمار الان تستثمر في نفسك وتركز في دراستك
هالمواقع عبث وجمع اموال والمردود لا يذكر
ويمكن يختفون بين عشية وضحاها
فخل فلوسك معك واصرف بالمعقول ولا تنثرها في كل موقع مدري محفظه وتشغل بالك عن دراستك
وفقك الله ومن يقراء

شيء جميل انك تبدأ استثمار من بدري وانا كنت مثلك يوم كنت جامعي بس كنت اغنى شوي والعب ب 10 الاف وفوق.. غالباً بالسوق الامريكي وتعلمت كثيير وربحت وخسرت كثيير برضه.
لو اقدر ارجع بالوقت واعطي نفسي نصيحه بتكون كالتالي:
اعظم استثمار هو استثمارك بنفسك, شراء كتب عن المالية وإدارتها وتطوير مهاراتي سواءً كانت في الجامعة او غيرها وبناء علاقات واتلعم كيف احلل شركات ومن هالأمور.
ووقت ما تتوظف تقدر تلعب بالألوف وتحقق ارباح فعلية لأنك متأسس صح ويصير تركيزك على الإستثمار وانتهاز الفرص.
وتذكر ان كل مرحلة لها وقتها ف الحين هذا وقت التعليم لأزم تعطي مرحلتك حقها ولاحق بعدين على باقي الأمور في حياتك ف نصيحة استغل هالوقت الفراغ اللي عندك في تعليمك لأن بعدين ما بيكون عندك الا وقت محدوووود.

ارشح لك كتاب القرن -من وجهة نظري- : سيكولوجية المال.
جداااً بيفيدك في بداياتك.

اذكر عندي صديق ثانوي
كان يشتغل من يوم هو طالب ثانوي يبيع تمر ورطب ما شاء الله عليه
الولد كان يشتغل واجد وبالجامعة ما كان مركز على الدراسة وبس يشتغل
هو انجز في بداية حياته اذكره شرا سيارة جديدة 2016 من فلوسه وكان موظف بارت تايم حارس امن ( كانت غلطة السيارة ) بس انا اذكر لك هالكلام عشان تعرف ان الولد اشتغل وكان سابق عمره

بس لكل شيء ضريبة تآثرت دراسته كثير واضطر يدخل تخصص بالجامعة نوعا ما بسوق العمل
الولد شاطر ومخه نظيف لكن اشغل نفسه بوقت المفروض بس يركز على دراسته

اذا تبي نصيحة اخوك
جب درجات عالية قدرات وتحصيلي وادخل تخصص جامعي مطلوب ومستقبله واضح
الان لو تبحث بالنت بتعرف وش هي التخصصات الي خريجها يتوظف بسرعة ولا يجلس عاطل

الفلوس بتجي لا تخاف بس اتعب الان
عمري ٢٨ وللحين ادرس وربما اقضي ساعات دراسة اكثر منك وانا موظف
عسا الله ييسر لنا ولك ولجميع المسلمين

الحين استثمر في نفسك احضر دورات او خذ شهادات معتمدة