يا شباب نصيحة محب
اللي عينه على الاجهزة الصينية لاينتظر لين ينزل عالمي ترا الاسعار فلكية اذا نزلت عندنا

يطلبها بنظامها الصيني

خصوصا اجهزة vivo و oppo

النظام فيها سلس ولايفرق عن الاصدار العالمي وتقدر تحذف البرامج الغير مرغوب فيها

بالنسبة لاجهزة شاومي بالاصدار الصيني كان ثقيل سابقا ومع الهايبرد صار خفيف وسلسل

لكن مو مثل سلاسة color os و orgin os

زبدة الكلام
اذا ناوي على جهاز من الشركتين اللي ذكرتها لك
خذها من علي اكسبريس ولاتنتظرها تنزل عندنا

المكسب نصف القيمة بمخباتك

مثال
vivo x200 pro واصل لباب البيت 2750
وعندنا فوق ال3000
iqoo 13 واصل لباب البيت ب2100

لاحظ الاسعار تراها من غير العروض والاكواد
يعني مع العروض اخصم 300-500

وبالتوفيق للجميع

مشكور على النصيحة
طيب كيف اركب روم عالمي على الصيني، سمعت ان شاومي صعبت العملية

هو المشكلة في اجهزة الشاومي حاليا
تركيب الروم مزعج شوي يبيله توسعة بال وانت ابخص
فالافصل تشوف البدائل مثل اوبو وفيفو او انك تركب روم اوروبي بس مشكلته يتأخر اصداره لكن هو الخيار الوحيد لأجهزة الالترا من شاومي اللي تعتبر محصورة في الصين

المهم اني ما ابي الروم الصيني. هل طرق تثبيت الروم الاوروبي تختلف مع اختلاف نسخ السكنات؟

هل معالج 9400 قريب من Elite؟
لان فيه جوال عجبني VIVO X200 Mini لكن معالج 9400

اختيار موفق وانصحك تشوف مراجعاته ومميزاته وهذا شي مايخفاك مشرفنا الغالي خصوصا مراجعات اخواننا العراقيين ماقصروا


معالجات الدايمنستي من ميديا تك تفوقت على معالجات سناب دراغون
9300 تفوق على sd8 gen3
9400 تفوق على sd8 Elite

كلام جميل
لكن القفزة من Gen 3 الى Elite كبيرة
فاتمنى ان 9400 قريب من Elite

هل هذا الجوال له روم عالمي/اوروبي اقدر اثبته بدلًا من الصيني؟

مشكور على المعلومات الطيبة وبما انك خبرة في الجوالات الصيينية نرجو المشاركة الدائمة على رابطة اجهزة الجولات الصيينية حتى تعم الفائدة ويكون هناك بدائل اخرى منافسة للجوالات الاكثر شهرة اللي اصبحت اسعارها مبالغ فيها

اعتقد نزل له اوروبي وقريبا عالمي وعينك عالسعر اهم حاجة

الله المستعان يوجد غيري الكثير ممن هم اخبر وافضل مني
الله يجعلني عند حسن ظن الجميع

هذه اخر تجربة للهواتف الصينية
https://www.adslgate.com/th...

وهذا ايضا قبل 5 سنوات تقريبا يمكنك الاطلاع عليه للاستزاده


https://www.adslgate.com/th...

بإمكانك الاطلاع على تجارب المستخدمين وايضا على اختبارات البنش مارك

انا انصحك بالنسخة العاديه


و بعد انصحك لا تشتري هاتف بروم صيني راح توجع راسك كثير خاصه لشاومي


و حتى شاومي ما انصح فيها سواء روم عالمي او روم صيني

و اظن ذكرت لك ون بلس من الهواتف الصينيه الطيبه سواء النسخه العاديه او النسخه ار طبعا تكون اقل و طبعا الهواتف المتوسطه منهم ما انصحك فيها بالنسبه لي


انا لما انصح في هاتف اهم شئ عندي النظام ما همتني ارقام بعدين على ارض الواقع ما تجمل خاصه بعد اول سنه او سنه و نصف اتكلم عن تجارب سابقه لبعض الهواتف سواء صيني و غير صيني




ما احطها في ذمتي


🦦🦦🦦🦦🦦🦦



سبحان الله

الحمد الله

الله اكبر

سبحان الله بحمده

سبحان الله بحمده سبحان الله العظيم

Xiaomi 15 Ultra

لي اسبوعين اتتبع اخباره لكن عجزت القى شي
لكن هالسنة شكله سنةالAI في الكاميرات وتحسينات طفيفه

سيتم الإعلان عن تاريخ الإطلاق العالمي لهاتف Xiaomi 15 Ultra في 2 مارس 2025. اكيد فيه معالج ايليت

اكيد مافيها شك معالج جديد هذا امر مفروغ منه في جميع الهواتف انه كل سنة تنزل بمعالجات جديدة

الله يعطيك العافية مواضيع مفيدة فعلا

السلام عليكم

خبراء الأجهزة الصينية محدثكم معه جالكسي S 22 العادي مبهذله بالبطارية افكر بجوال بنفس الحجم أو يكون صغير نسبيا بشاشة 6.3 أو بطول أقل من 153mm وبسعر معقول حدود 2500 ريال

مع استعباط سامسونق الأخير بالتحديثات والهاردوير الضعيف اتجهت للصيني لكن الجوالات الصغيرة قليلة أو غير متوفرة عالمياً
للعلم أنا مستخدم عادي جدا جدا جدا الكاميرا ماتهمني جودتها والألعاب آخر همي وقوة المعالج ليست بتلك الأهمية بحكم استخدامي اللي اغلبه تطبيقات تواصل واتصال وأمور اعتيادية
أكثر مايهمني هو البطارية والسوفتوير البسيط والسريع والأمور المحسوسة زي السماعات وقوتها والشاشة وجماليتها

حاليا خياراتي محصورة بـPixel 9 و Xiaomi 14

أي اقتراحات أخرى مانستغني عنها مشكورين

ياحياك الله بين ربعك واخوانك
بالنسبة لخياراتك حيث انك قيدته بشاشة لا تتجاوز ال6.3 او بفارق بسيط فأقترح عليك XiaomI 15
اعتقد شهر وينزل عندنا وسعره بيكون حدود ميزانيتك .

الخيار الثاني اللي اشوف انه الخيار الافضل والانسب لك

هو VIVO X200 PRO mini

رابط الطلب يطلع عليك واصل ب2300 من غير الضريبة
ولو اضفت اكواد الخصم بيطلع لك سعره بطل والضريبة ماراح يكون لها تأثير

https://ar.aliexpress.com/i...

رابط المواصفات

https://www.gsmarena.com/vi...

انصحك فيه وبقوة