الله يعينكم
حتى هذا اليوم
التعامل عن بعد في الأمور التجارية ما وصل للاحترام والرقي
اهم شي ادفع وبعدها مانعرفك

والله شيء يزعل
المشكلة الدنيا برد فحتى ترويش ما نقدر نتروش

لا خوف من الخالق ولا حياء من الناس
بابعينها ولا عليهم

وعليكم السلام

لاحول ولاقوة الا بالله

وثق كل شي بمقطع فيديو وبالصور

وقدم شكوى عى لوزارة السياحة

عبر موقعهم او الاتصال على رقم استقبال الشكاوي

وفي نفس الوقت ابحث عن شقة ثانيه

هو المفروض ما تدفع الا بعد المعاينه

فقط تدفع عربون للحجز لكن اذا شفته مستعجل على الدفع اعرف ان فيها مشكله

هو استغل انكم مستعجلين عليها لكن وين بيروح من رب العالمين

العقد عن طريق أي منصة ؟

اذا ايجار فمعك 7 ايام تسجل استلام الوحدة اذا هي سليمة او لا .. حط جميع الملاحظات وصور الاعلان مع رقم التواصل اللي تواصلت معه والمنشأة العقارية .. دامه جحدك واسلوبه معك كذا واجهه بالاعلان اللي جيت عشانه .. اذا قال ماعندي غير هالكلام قل ابي فلوسي ..

اذا منصة غير ايجار والمدة قصيرة زي ما افادوك الشباب وزارة السياحة والتطبيق اللي استاجرت عن طريقه والافضل دائما تبدا مع الشخص بالهداوة وتقول هذا المكتوب .. بعدها التطبيق .. واخر حل هو وزارة السياحة والله يعوضك خير

عن طريق ايجار
اذا كتبت الملاحظات ايجار راح يساعدوني ويعطوني حقي فورا؟ ولا يلطعوني شهور مثل لما نشتكي على تأخير الرواتب والمستحقات؟

تواصل مع ايجار وراح يفيدونك .. ادخل المنصة وبتلقى اول شي يطلع لك الاستلام واذا ماطلع تلقاها بالعقد تحت تفاصيل المستأجر مربع كامل اسمه نموذج الاستلام وخانة للمؤجر وخانة لك , ادخل خانتك وحط ملاحظاتك وصورها .. وكلمهم .. وزي ماقلت لك قبل كل شي تواصل معه ووضح له .. اذا قال اعلى ما بخيلك اركبه فانا عطيتك الخيل وتفاصيله

الحمد لله خلاص بيعطونا شقة ثانية انظف وافضل.

حسبي الله ونعم الوكيل
الرجال الي حل الموضوع ووراني الشقة بنفسه من غير ما اتكلم رجع بكلامه وبدأ يلف ويدور وانا ما قلت كذا وانا ما اقصد كذا...
وبدأ يلمح على موضوع العقد واني دفعت خمسية ريال بمعنى يبفاني ادفع خمسمية ثانية
راح اشتكي عليهم واتمنى اخذ حقي منهم
حسبي الله ونعم الوكيل عليهم

والله اني مغبون
حسبي الله ونعم الوكيل عليهم

وضعت نموذج استلام الوحدة انها بحالة سيئة ووضعت صور الشقة
لكن نسيت اضع رابط الاعلان وارقامهم

يوم تقول : وبدأ يلمح على موضوع العقد واني دفعت خمسية ريال بمعنى يبفاني ادفع خمسمية ثانية

هو مادفع شي .. العقد اذا نفسه فهو دافع 125 ريال فقط ولو ماغير العقد فهو ماراح يدفع شي ثانية ..
المفروض انك الان تواصلت مع ايجار ووضحت لهم كل شي .. لا تنتظر .. اذا استلمت الوحدة ومرت مدة راح يضعف موقفك كل يوم يمر .. اذا انت متأكد ان الحق معك كلمهم وقل الرجال لعب علي وانا ابي فلوسي وانتهى الموضوع .. وجهز البديل .. لاتكمل معه منت ملزوم فيه .. الا اذا نقلت عفشك وماتبي تغير فحاول زي ماقلت لك بالاول توصل لاتفاق وتفاهم معه .. وأهم نقطة هي تتأكد انك تتواصل مع المالك مهو عامل ولا موظف بالمكتب .. رقم المالك يكون مكتوب بالعقد تحت اسمه .. قل انا جيت بناء على اعلان فيه مواصفات معينة واللي لقيته شي ثاني ..

وبشكل عام اصلا احمد ربك انه طلع فيه شقة من الاساس لأن النصابين شغالين بنفس الطريقة ويعطيك شقة خمس نجوم بسعر مغري وهو مافيه شقة ولا شي .. ويسوي لك عقد ايجار وبالاخير مافيه شقة ولا شي ورح دور الشايب اللي مايدري عن شي وكلش تم باسمه .. لذلك لازم توقف على الوحدة قبل اسئجارها عشان تتجنب كل هالمشاكل .. حتى العربون تسترده اذا طلعت غير مطابقة للوصف ابد او غير الصور .. لذلك اقولك احتفظ بالاعلان وبرسايل الواتساب عشان اذا قال انك عارف الشقة بس هونت ومالك حق بالعربون يكون معك دليل على الشقة المقصودة ومواصفاتها.

لاحول ولاقوه الا بالله