ممكن تشرح لو سمحت السرقة الغير شرعية ؟

وأيضاً لو تتكرم تشرح السرقة الشرعية ؟

وشكراً .

الله يسلمك جنبنا مغسلة ملابس طلعو سارقين من المياة الي بالعمارة عن طريق ماصورة مادينها ويشفطون مننا وحنا نايمين لما كشفناهم
اما مسأله سرقة شرعية يعني لو قالو لنا ناخذ عليهم رسوم ولايقاسمونا الفاتورة

السرقة يعني سرقه مالها تصنيف اخر .
اي شي مؤجر لازم تتابعه
كنت زمان متابع لعماير حلال ناس مؤجرة على عماله ومحلات
وكنت اتابع كل شيء حرفيا
من اول ملاحظته نفضتهم وكانت انهم دقو مسامير في الجدار طبعا اول واحد سواها صحت عليه وبلغ الاخرين علاقات الملابس في ابوريالين اشكال وانواع اللي تتعلق عالباب واللي شماعات مستقله . وصحت عليهم على النظافه داخل غرفهم وشققهم والمداخل والدرج .
بعد مده حصلت خلافات لاصحاب الحلال فسلمتهم شغلهم ومشيت بعد فترة كلمني ويصور لي الوضع
بزابيز تهرب ومطنشين . اسلاك كهرب مسحبه شي في الارض وشي معلق . سوء نظافه البلاط صاير اسود والدرج صاير سكراب . طبعا حاول ارجع اتابع رفضت .
فلازم زيارة دوريه وراقب الوضع من السطح الى اخر نقطه في البيت

اي والله انك صادق مأجرين عمال مختلف الجنسيات لما ارقى لهم دايم احصل صنابير الماء مفتوحة والاوساخ بكل مكان والزقاير حتى بالمطبخ يطفونها اهمال مابعدة اهمال كانك حاس بالوضع ياصديقي لكن وش نسوي هذا مصدر رزقنا مع اني حاط عامل ينظف سبوعي للدرج فقط لكن الحمدلله بالنسبة للسرقه المياة حق المغسلة انا كلمت صاحب المغسله ننهي العقد معه قال ماقدر انهي العقد الا لما ينتهي نظاميا بعد اربع سنوات يقول من يشتري اغراضي وخسايري لكن الشكوى لله