السلام عليكم ورحمة الله وبركاته

من زمان ما كتبت موضوع في المنتدى D:

القصة وانا اخوكم شريت سيارة جديدة والي هي راف 4 الي هي قير اوتوماتيك 8 سرعات ومحرك 2.5 تنفس طبيعي موديل 2024 بعد سيارتي القديمة وبعد خدمة اكثر من 10 سنوات

السيارة الان ممشاها 4000 وشوي ووديتها صيانة ال1000 على الف كيلو وغيرت زيتها على 1000 كله في الوكالة

الان الملاحظات الي ودي استفسر عنها هي التالي للي يقدر يفيدنا:

1- لاحظت بعد ما تسخن السيارة وعداد الحرارة على النص بالضبط لو دعست بشكل فجائي (مثلا ابي اتسارع بسرعة من 80 الى 120) ان حرارة السيارة تنزل جهة البارد (ما توصل للاخر بس يعني تقدر تقول بداية الربع الاول زي ماهو في الصورة والمعذرة على عدم الوضوح في الصورة) طبعا بعد فترة بسيطة ترجع طبيعية لكن يعني تنزل وتطلع ما بين ان المحرك يبرد شوي او يكون طبيعي في النص

2- لاحظت نفس الملاحظة الاولى حتى على سرعات عالية او لو السيارة واقفة في حال ان المكيف على 24 وفوق لكن لو المكيف بارد يعني تقريبا 20 وتحت الحرارة تكون ثابتة على النص

3- الملاحظة الثالثة والاهم اني لاحظت موية الرديتر الي في خزان التوسعة (الي يكون باين فيه موية الرديتر الملونة) ناقص عن الfull(مع العلم انه الاجواء باردة هاليومين وتشيكي كان وقت ما السيارة تكون حارة بعد مشوار ومهي باردة مثلا وواقفة الصباح لان المستوى يكون اقل اذا السيارة باردة) وانا مستغرب لان السيارة مالها معي كثير وفي نفس الوقت حسب علمي الرديتر دائرة مغلقة تماما فاذا فيه نقص فهو احتمال من احتمالين لا ثالث لهما

يا انه فيه تسريب (بجي للنقطة ذي بعد شوي) او انه فيه غطاء مو مقفل صح (غطاء رديتر او غطاء خزان التوسعة)

شكيت بتسريب لاني لما شيكت لاحظت لي واحد فقط حوله موية الي هو موجود بالصورة فقلت خلني اخذ السيارة الوكالة يشيكوا عليها

ركب معي فني وشرحت له الموضوع لما شاف اللي وعليه موية (هي زي الندى تقريبا) قالي هذا بسبب تكثف الماء على الاجزاء الباردة (طلع اللي هذا لي فريون مو لي موية رديتر) والسبب الوحيد الي خلاني اصدقه انه فعلا مكان ما كان فيه موية ونشفت مافيه لون (لون ماء الرديتر عندي وردي لكن مكان ما تبخرت الموية مافيه اي لون)
للاسف رفضوا يدخلوا السيارة للتشييك داخل ورشات الوكالة بحكم ان الفني قال ان الامور تمام وشيك على الليات قدامي (وانا شيكت قبل ما اوديها مافي اي لي يطلع موية حسب ما اشوف ولا فيه موية تحت السيارة مثلا)

حاليا انا قلت بعلم على مستوى الموية بقلم واسوقها فترة واتاكد هل تنقص زيادة (لأني صراحة شكيت بنفسي هل انا لما استلمت السيارة كانت مليانة ولا نفس المستوى هذا. شيكت وقتها بس ما اتذكر بدقة) اذا استمرت المشكلة باخذها لهم مرة ثانية

وللعلم السيارة مافيه مشكلة حرارة اطلاقا ما قد طلع عداد الحرارة عن نص حتى لو تكة وحدة

حبيت استفسر للي عنده علم هل الامور ذي طبيعي ولا وش الوضع؟ خاصة اني ما كنت افهم كويس بالسيارات بالسيارة الي قبل هذه (مازدا 6) وكنت كل ما اغير زيت تكون ناقصة الموية واعبيها والامور تمام اكثر من 10 سنوات.

وشكرا جزيلا لكم