وعليكم السلام ورحمة الله وبركاته

يتحمل الريسيفر لانه يدعم حتى 16 أوم
والسماعات 8 أوم


لكن ما انصحك في هذا الريسيفر
لانه 7.2 فقط

لازم تضحي بالسماعات الخلفيه ويصير 5.1.2
( نفس اللي انت ناوي عليه )
او تضحي بسماعات السقف ويصير 7.1


ومن سنوات صارت النسبه الاكبر من الأفلام والمسلسلات وحتى الألعاب
7.1.4
***

تحتاج ريسيفر 11.2
لكن السعر تقريبا ٣ أضعاف

اذا الميزانية محدوده
مافي حل غير انك تضحي بسماعات السقف الخلفية
يصير النظام 7.1.2

وتاخذ ريسيفر 9.2
مثل
NR7100
أو
RZ50

كلهم من onkyo
( في شركات أخرى مثل ياماها لكن أغلى بكثير )


أنصحك ب RZ50
صحيح انه 9.2 لكن يقدر يشغل 11.2
( يحتاج امبليفاير خارجي )

تستفيد منه في المستقبل اذا قررت تضيف سماعات سقف خلفيه

بإختصار RZ50 يعتبر استثمار
مقارنه ب NR7100

***

إذا الميزانية ما تسمح لك تشتريهم في نفس الوقت
حاول تشتريهم على دفعات
حتى لو كان بين كل قطعة وقطعة مدة كبيرة

مثلا تبدأ بالريسيفر

ثم سماعة سنتر
و 2 أماميه
و 2 جانبية
و 1 سبووفر ( الريسيفر يدعم 2 سبووفر )

وبعدهم 2 سماعات للسقف

وأخيراً 2 سماعات خلفية


بياخذ وقت الموضوع
لكن افضل من انك تشتري نظام غير متكامل مثل 5.1.2
وتندم في المستقبل
***
اذا السقف جبس او مستعار
تأكد انه يتحمل سماعة السقف
لان وزنها تقريبا 4 كيلو

الريسيفر وسماعة السنتر كل واحد فيهم وزنه حدود
15 كيلو
والشاشه 30 كيلو (على حسب وزن شاشتك)

تحتاج طاوله تتحمل 60 كيلو
( في حال ما ودك تعلق الشاشه )

لا تغفل عن هذه النقاط
لا قدر الله تطيح وتتكسر الأجهزة
***
ما ذكرت مساحة الغرفة؟

إذا صغيره بيصير المسرح هذا اوفر كيل -_-

ماشاء الله تبارك الله كفيت و وفيت الله يسعدك ويبارك فيك ما قصرت يا غالي

ASSASSIN'S CREED said:

إذا صغيره بيصير المسرح هذا اوفر كيل -_-

تعرف مواقع يبيعون مسرح منزلي ؟

اللي اعرفه الدوليه و موقع tonezoneaudio

اذا تعرف غيرهم ياليت تذكرهم
وشكرا

كم ميزانيتك ياصاحب الموضوع؟
وكم حجم الغرفه عندك ؟ وهل مستعد عندك تاسيس قبل لمسرح منزلي ؟

وهل جربت نطام سامسونج الراوند بارqw-990d ? لات كثير جربوه واكتفوا فيه واعجبهم
صح الفرق كبير لصالح المسرح المنزلي

بس هالاسئله جاوب عليها وراح نساعدك بإذن الله

تقصد من داخل او خارج المملكة؟

في كلا الحالتين لا تبعد عن الدولية
الشركة لها سنوات صامده
شخصيا عرفتها قبل أكثر من ١٥ سنه
وأكيد انها متواجده من قبل

وعندها ٣ فروع للصيانة
وهذا من رأيي سبب رئيسي للشراء من الدولية

لأني ضد شراء الأجهزة الثمينة من الخارج مهما كان نوعها

مثلا في حالتك :
اولا الشحن بيكلفك كثير
وزن المسرح المنزلي تقريبا ١٥٠ كيلو
( على حسب نوع وعدد السماعات .. )

وأثناء الشحن لو يصير كسر في صندوق السماعه
( وليس الدرايفر )
اعتبرها في حكم الميت
لانه يصير يصدر منها صوت ززززز
يجيب لك الهم ويقتل لك المتعه

وقتها كل واحد منكم يتهم الآخر
انت تقول الكسر من شركة الشحن وهم يقولون منك
والشركة المصنعه تقول منهم
وياليل مطولك


ولو تتعطل عليك قطعه وودك تستفيد من الضمان
اول تراسل الشركه وتنتظر ردهم
وبعد الموافقه ترسلها لهم
ويمكن تتحمل قيمة الشحن ( على حسب سياسة الشركه)
وبعدين تنتظر حتى توصلهم
ويعملون لها الصيانة
ثم يشحنوها لك

الخلاصه وجع راس الأفضل الواحد يتفاداه
ويشتري من الوكلاء المحليين

مهما كانوا سيئين
يظل موضوع الاستبدال والصيانة أسهل بكثير مقارنة بالشراء من خارج الدولة .

اذا كانت الغرفة 6*4 معزولة سقف وجدران صوف صخري وش تقترح للي أول مرة يدخلون المسارح الاحترافية ؟ الميزانية تقريبا حول 15 عندي ساوند بار لسامسونج وافكر كترقية لمسرح احترافي مع اتموس فوش تحتاج سماعات السقف عشان تثبت ؟، وايضا وش اللي يعزل الارضيات خصوصا اذا كانت فيه شقة تحت الغرفة وماودي ازعج احد أعتذر لصاحب الموضوع عن التطفل بس قريت ردودكم وكلانا نحمل نفس الاستفسارات

15 الف لا تكفي لشراء مسرح منزلي احترافي متكامل 7.1.4
تحتاج تقريبا 23 الف
ويزيد المبلغ بشكل كبير اذا ودك بريسيفر وسماعات ومضخم من الفئات العليا

***
اذا سماعة السقف من النوع اللي يشبه إضاءات LED الدائريه ( ابحث في قوقل عن ceiling speaker )
لازم السقف يكون مستعار او جبس
وتثبيتها يكون نفس تثبيت الإضاءة

وبعض الموديلات ما تحتاج كهرباء
فقط توصل كيبل من السماعات إلى الريسيفر


لكن اذا تصميمها تقليدي
( شبه السماعات الخلفية حق الساوند بار )
تقدر تثبتها في السقف المسلح
تحتاج فقط دريل ومسامير
***

ما ذكرت سبب عدم رضاك عن الساوند بار؟

ياليت تذكر لنا الإعدادات وطريقة توزيع النظام ومصدر المحتوى
هل من منصات البث او بلو راي او كمبيوتر ..

لأن الساوند بار يعطيك أداء مبهر
اذا توفرت البيئة المناسبة والإعدادات الصحيحة والتركيب السليم

طبعا إذا كان من الفئات الممتازة
مثل سامسونج Q990 و سونس التميت مع الآرك ..الخ


في كثير نقاط وضحتها بخصوص هذا الموضوع
https://www.adslgate.com/th...

شيك عليه وان شاء الله تستفيد

واي استفسار ابشر ،، حاضرين لك :)

***
فيما يخص عزل الارضيات ما عندي خبرة في هالأمور
لكن الباب والنوافذ من اهم أسباب تسرب الضوضاء

وسلامة سمعك اهم من الجيران
لازم تكون حذر أشد الحذر ،، لان الموضوع خطير ومو مزح
التعرض المستمر للأصوات العاليه
مع الوقت يدمر مسامعك تدميرا .

ايش الساوند بار اللي عندك وكيف تجربتك معه ؟
وايش سبب انك تبي ترقي لمسرح منزلي؟

اللي عندي 930 بي ، وما اشتكي من شيء بس لأني بنيت غرفة جديدة خاصة وقلت ابي اجهزها بشاشة محترمة ومسرح احترافي والساوند بار راح ينتقل للصالة، والحقيقة اني ما احس أني اسمع اتموس فعلا ولا الصوت يجي من السقف ، عشان كذا مابي اعتمد على سالفة ارتداد الاصوات لان الظاهر ما تضبط معي يا اما بسبب الاثاث او السقف او الغرفة غير عازلة ، عشان كذا غرفتي الجديدة راح تكون مبطنة كلها صوف صخري ماعدا الارضيات بصراحة مدري وش الحل معها لانها أغلب الظن راح تكون باركيه

فيه بكج لقيته https://tonezoneaudio.com/p...
وشرايكم فيه

توجد ٣ خيارات في الرابط

١٥ الف
5.0
هذا ما ينفع ابدا
بدون مضخم

5.1 مع المضخم ب ٢٠ الف
ومع ذلك يعتبر بكج متواضع

5.1 كانت مفيده بداية ظهور الأصوات المحيطية
قبل 30 سنه


حتى لو اخترت أعلى فئه ب٢٤ الف
7.1
يظل غير متكامل لانه بدون سماعات السقف

وتوجد ماركات أفضل

***
الشركات اللي ارشحها لك :
الريسيفر 11.2
onkyo
او pioneer
---
توجد شركات أخرى مثل سوني ياماها دانون ومارنتز
لكن أغلى بكثير ومو كلها لها صيانه في السعودية
---

السماعات والمضخم
klipsch
او polk

****
مو كل الأفلام والمسلسلات تدعم ATOMS
وحتى لو كانت ATOMS
مو شرط تكون تسمع الصوت من كل الجهات

مثلا بعض مسلسلات و أفلام الدراما
تكون كلها حوارات
ما تشتغل معك غير سماعة السنتر
---
فيلم Oppenheimer

2023 وميزانية ضخمه و كريستوفر نولان و7 اوسكار

ومع ذلك 5.1 قناة
لا خلفية ولا سقف

حتى لو انت يوميا تتابع أفلام ومسلسلات
قد تمر أسابيع وشهور بدون ما تسمع الصوت من الأعلى

ولو تلاحظ المراجعين كلهم
معهم لقطات محدده من أفلام محدده
يختبرون فيها أجهزة الصوت

مثلهم مثل مراجعين الشاشات
يعتمدون على بعض المشاهد من أفلام ومسلسلات معينه
---
المحتوى يعتمد على مهندسين الصوت
في افلام متوسطه وغير مشهوره ومع ذلك الصوت فيها مذهل
***
هذه الإعدادات تناسب نسبة كبيرة من الأفلام والمسلسلات و الألعاب اللي تدعم ATMOS

ادخل التطبيق حق جهازك
- غير مستوى قنوات TOP إلى +4
- باقي القنوات والمضخم -1
- عطل كل التحسينات بدون استثناء
- الباس والتريبل 0
- EQUALIZER اصفار
NORMAL
- وضع السماعات المحيطية > خلفية
- واهم شى و ضعية الصوت STANDARD
( ADAPTIVE وباقي الوضعيات كلها غير محيطيه)
لكن إذا تبي تشغل محتوى غير محيطي مثل اليوتيوب او فضائيات
لازم تختار وضعيه غير STANDARD
( ارشح لك ADAPTIVE )
او بتشتغل معك قناتين فقط ( 2 سماعات من أصل 17 )

-السماعات الخلفية ارفعها إلى مستوى اذنك
وتكون خلفك ب١ متر
اليمين تكون متجهه إلى الزاوية الأمامية اليسرى من الغرفة
( والعكس مع السماعة اليسرى )

وجرب هذي الأفلام:
extraction 2 - netflix

ابل civil war 2024 - TV
ومنصات أخرى

الحرب الأهلية
شخصيا ما عجبني
لكن التصميم الصوتي
من وجهة نظري يعتبر من أفضل الأفلام من وقت صدور تقنية ATOMS قبل ١٠ سنوات تقريبا لحد هذا اليوم
جريمة كبيره إذا ما فاز بأوسكار افضل صوت

من قوة الابداع الصوتي
يبدأ الفيلم ب ضوضاء بيضاء تتنقل بين السماعات عشان يوزن Room correction

انت شاهد فقط الثلث الأخير من الفيلم
1:22
1:34
مشهد ليلي في واشنطن
طائرات حربية و هليكوبتر واسلحه ناريه
شى عجيب فعلا

***

اذا الأفلام والمسلسلات تحميل
لا تثق فيها كلها
لان 95% مزيفه
مو نفس المصدر سواء كان قرص بلو راي او منصات البث
تم العبث فيها من الرافع

ايضا الكمبيوتر ضروري يكون يدعم ATOMS

وإذا منفذ HDMI
1.4
ما يعطيك اكثر من ٨ قنوات

HDMI 2.0
واعلى
يدعم 32 قناة

ومو كل برامج تشغيل الميديا
تدعم ATMOS وصيغ LOSSLESS .

اتفق