تأكد من الجهاز الي مشبوك عليه الشاشه ريسفير / سوني / الخ
2- تأكد من سلك ال HD يتحمل ال UPSCALE سلك 4K مو مثل سلك HD

هي سامسونج كذا معالجة المحتوى ضعيف الدقة فيها سيئ

-

لو تبغى معالج ممتاز

1: عندك LG - من موديل C3 وانت طالع

2: اي تلفزيون سوني بمعالج XR

كلها معالجات ممتازة ماعدا السامسونج سيئ

السامسونج كويس فقط في محتوى 4K والجيمنج - غيرها انسى

حتى الموديل الاحد S90D يعاني من نفس المشكلة

يعني لو اشبك عليه فرضا كمبيوتر بسلك HDMI 2.1 راح يسوي ترقيه من نفسه؟ وهل فيه دقات معينه ؟ لاني صراحه ماشفت اي فرق وانا مطبق هلامور ( كيبل اتش دي + كمبيوتر + محتوى بدقه ١٠٨٠ ) ولا فيه اي فرق ملحوظ

[/quote]
عارف هشيء وبعيداً عن ان ال جي افضل بترقيه لكن آلية ترقية شاشه سامسونج ابدا مو عارف لها وتو واحد راد يقول فقط كيبل اتش دي مع جهاز مشبوك.. انا مطبق هلامور ولا اشوف اي فرق

-
المصيبة من المعالج حق الشاشة

كما ذكرت سابقا

الحل تبيعها وتشتري C4

طيب وش رايك بشاشات LCD تعرف شاشه الاسود فيها ممتاز وفيها ترقيه المحتوى بشكل ممتاز والوانها كويسه ؟

ماعندك الا تقنية mini led

هي البديل ل oled لكنه بديل يعتبر اسوء

افضل ميني ليد موجود هو برافيا 9 اذا قدرت تجيب سعره - خذ ال G4 لانه افضل منه وارخص بفرق كبير

اذا ماقدرت شوف البرافيا 7 الاثنين ذول سوادهم ممتاز

بس سعرهم اغلى من C4 - و C4 افضل من البرافيا 7

فهمت حاجة !!!

الخلاصة
خذ C4 او برافيا 7 ايهم تاخذ فهم ممتازين

الله يعطيك العافية

فيه تخفيض على البرافيا 7 10% مع استخدام بطاقة الراجحي

https://www.mestores.com/ar...

كمان اسعاره نزلت كانت اول جدا مرتفعة

وعليكم السلام ورحمة الله وبركاته

الابسكيل طال عمرك وظيفته يرفع دقة العرض
للمحتوى الاقل من 4K إلى أبعاد 4K
وما تصير نسبة كبيرة من الشاشه عباره عن بلاك بارز
( الأشرطة السوداء )

ويشمل بعض التحسينات .. عشان ما تصير الصورة مشوهه
( كأنك مسوي زووووم عالي على صورة منخفضة الجودة)

طبعا مستوى التحسينات يختلف من شاشة إلى أخرى

سوني تعتبر الأفضل في هذا المجال

***

لكن الابسكيل مو معناه ان الشاشه تحول المحتوى إلى 4K حقيقي

مثلا فيلم تم تصويره بكاميرا دقتها 1080 او أقل

هل الشاشه ترفع الدقه ويصير كأنه تم تصويره بكاميرا 4K ؟
هذا مستحيل
( ع الاقل في وقتنا الحاضر .. الله أعلم عن المستقبل )

ولا يقارن حتى بالأفلام والمسلسلات اللي صار لها ريماستر 4K
لأنه تم على أيدي محترفين

***

ايضا الابسكيل من 1080 الى 4K لا يلاحظ بسهولة
مثل الابسكيل من :
480
576
720

***

نصيحتي لك
خذ اللابتوب وروح المعارض واختبر نفس المحتوى
على الشاشات المنافسة من سوني و LG

واجعل عيونك هي الحكم النهائي

وهل الفرق بين شاشتك والمنافسين يستحق انك تدفع ضعفين و 3 اضعاف القيمه ؟!

بعض الشاشات تعتمد علي المحتوي فقط تنقل الصوره كما هي
شاشه مافيها ترقيه ابسكليت لا انصح بشرائها

اعتقد تحسين او ترقية المحتوي الآن الي 2k هذا الي اعرفه