لا أصبر ، أنت جامعي وحرام تاخذ شهادة دبلوم ( متوسط ) هذا راح يقلل من فرصك خصوصاً في القطاع الحكومي لأنه بيحسبك كـ شهادة دبلوم متوسط وأنت عندك بكالوريوس .

لكن في عدة أمور تقدر تسويها الشهادات الإحترافية ، وإذا فيك شدة حيل خذ بكالوريوس ثاني بتخصص تقني في جامعة السعودية الإلكترونية مثلاً .

عندهم تخصصات الحوسبة من ضمنها تخصص تقنية المعلومات وفيه مسارين حسب الخطة أمن سيبراني وشي ثاني وقبول الجامعة ممتاز بس يبون منك لغة صاحية ( لكن لازم تعرف أن الدارسة فيها تعتمد ذاتياً وبقوة وفيها كم يوم حضوري + شهادة الجامعة قوية ومطلوبة )

وعاد أنت لك الحرية تفكر وتختار

ترى صار توجه الآن بالجامعات الغاء الرسوم منها جامعة الإمام وطيبة وغيرها، شيك يمكن تلقى التخصص اللي تبيه بدون دفع رسوم، وعسى ربي ييسر لك الخير ويهديك له

الله ييسر لك أمرك

أنا رأيي تشوف الجامعة الإلكترونية بكالوريوس تقنية معلومات أو علوم حاسب
وفي نفس الوقت تشتغل على الشهادات المهنية وأصحاب هذا الفن عندهم خطة مسار الأمن السيبراني وتفرعاتها من المبتدئين إلى المحترفين

كلها أربع سنوات وانت معك بكالوريوس تقني وكم شهادة مهنية عليها القيمة
قيمة الساعة الواحدة 265 ريال والبرنامح 130 ساعة دراسية أي القيمة الإجمالية 34450 ريال من غير ضريبة القيمة المضافة
الشهادات المهنية، عندك (هدف - دعم الشهادات المهنية) يدعم كل مواطن بشهادتين لكن يطلب إحضار اجتياز الاختبار وتقدم فواتيرك فيعوضك عن التدريب والاختبار (لازم تسأل عن التدريب المقبول عندهم لأني كأني سمعت كلام فيه شي يقبلونه وشي لا)
وعندك الأكاديمية السعودية الرقمية يقدمون برامج تمهير للمواطنين سبق وقدموا منح مع Udacity و Simplilearn و Coursera
وعندك برنامج مهارات المستقبل من وزارة الاتصالات عندهم برامج مختلفة
وأيضا أكاديمية طويق تقدم برامج من مدربين يتبعون لها أو مع شركات عالمية
رابط الجامعة الإلكترونية
https://seu.edu.sa/caic/ar/...

رابط الأكاديمية السعودية الرقمية
https://sda.edu.sa/

رابط أكاديمية طويق
https://tuwaiq.edu.sa/

رابط دعم الشهادات المهنية - هدف
https://www.hrdf.org.sa/pro...

رابط برنامج مهارات المستقبل

https://futureskills.mcit.g...

هذا برنامج أمن الاتصالات

https://sda.edu.sa/bootcamp...

لكن اعتقد يتطلب تفرغ
مدري اذا منتهي بالتوظيف او لا

هذا برنامج عن بعد من أكاديمية طويق

https://tuwaiq.edu.sa/bootc...

مكتوب متطلب بكالوريوس لكن ما حددوا التخصص

فيه برامج عن بعد وفيه حضورية، لكن يمكن عن بعد أنسب لك بحكم أنك موظف، إلا إذا ان التدريب مسائي

الله يجزاكم خير ماقصرتم ، حاولت اسوي اقتباس لكن واضح مافي بالتصميم الجديد

بخصوص Techreneur وكلامك اني اخذ بكلريوس بمجال الامن السيبراني فهذي صعبه.. عمري 34 ولا اظن فكرة البكلريوس الان سديده إلا لو حمستوني يمكن افكر هههههه

مع العلم من 10 سنين كانت رغبتي دراسة هالتخصص لكن سبحان الله ربي ماكتبها

تخصص الأمن السيبراني المميز فيه انك تقدر تبرز نفسك وتقوي السي في حتى لو ما معك بكالوريوس أمن سيبراني او تقني، اللي اشوفه افضل لك انك تقوي السي في بالشهادات الإحترافية بالمجال.. اشوفها افضل من الدبلوم خاصة انه سنتين ونص وراح ياخذ من وقتك.. المواد اللي راح تدرسها بالدبلوم تقدر تدرسها بنفسك والمصادر متوفرة وبعدها تختبر عشان تحصل على الشهادة الإحترافية وهي المهمة.

طبعًا هذي وجهة نظر من شخص شغال بالمجال والله يوفقك وييسر لك أمرك.

هلابك ي مروان
الجميع ماقصر وانا وجهه نظري تختلف شوي

تفكيرك سليم ١٠٠٪ بحكم وجود اللغه والخبره معك

شوري عليك انك تدرس ماجستير فالجامعه السعوديه الالكترونيه
توصيتي لك هالجامعه لان عندهم برنامج تاهيلي لغير المتخصصين وهو مناسب جدا لك
https://seu.edu.sa/caic/ar/...

بتقولي السعر فلكي تراك ماراح تدفعه كاش + الحمدلله انت موظف + عندك الخبره اللي بتسهل عليك كثيرر

توكل على الله صدقني هالنوع من الفرص حلو ان الواحد يستغله لان الايام تجري والفرص ماتتكرر

ماشوف ان دفع خطه مجديه لواحد موظف الى واحد غني غني ممكن