السلام عليكم ورحمه الله وبركاته
اليوم بشارك معكم اول تجربه لجوال يدعم الشريحه المدمجه وايضا اول موضوع لي بحله المنتدى الجديده
شريت جوال شاومي ريدمي نوت 13 برو بلس
عشان الشحن سريع 120 واط وسعر ممتاز طلع علي ب 1469 ريال شريته من نون كان سعره 1569 مع أي بطاقة من ميم خصم 100 ارخص من جرير عندهم 1699 ريال
جوال رائع إذا ما يهمك التصوير سوا امامي أو خلفي
عشان الكاميرات ما تسوى ريال كذبة 200 ميغا بيكسل
عشان اوبو عندي من 4 سنوات 48 ميغا بيكسل افضل ي مليون مره منه تصوير تعبان مثل جهاز شريته من من أكثر من 15 سنه اسمه ام بي 6 قبل انتشار الاجهزه الذكيه
لكن لو تبيه حق شحن سريع نعم تجربة الشحن وهو طافي
من 0 إلى 100% خلال 30 دقيقه بضبط و التجربه الثاني وهو شغال بدون تفعيل الشحن السريع من 20% إلى 100 % خلال 40 دقيقه بضبط ممكن إذا فعل الوضع السريع أقل يكون
وهم ميزه كنت متحمس لها هي الشريحه المدمجه
بس خيب ظني بسبب إذا فعلتها راح اخسر الشريحة الثانيه يعني ما يشتغل مع 3 شرايح ما اعرف كل الجوالات كذا أو بس هو وحتى ماعرف إذا كان مدعوم أو لا دخلت مواقع شركات الاتصالات ما شفت اسمه
والمشكلة حتى ما يدعم ذاكره حتى يستحق اخسر الشريحة الثانيه وتستفيد من المدمجة
ههه حتى مافي عروض مثل قبل في جوي على الشريحة المدمجة ممكن ياقوت فيه بس ما تستحق التغطية .