وعليكم السلام ورحمة الله وبركاته

بإختصار:

هذي ضمن مصروفات "الإعلان والتسويق"

لاتاخذ همهم هذولا مايخسرون ومايعطونك ريال واحد الا وهم عارفين انه بيرجع لهم عشرة :d

ويستفيدون على الاقل بيع بياناتك

صحيح وعندهم هدف وبيحققونه وبيطلعون دبل الدبل من اللي صرفوه

مافي شي بالشركات ماهو محسوب بالملي

أوافقه الرأي بالنسبة لتطبيقات التوصيل عن طريق رفع الحد الأدنى للطلب وحتى لو شفت مكتوب التوصيل مجاني هم بيعوضون حسارتهم ذي برسوم مخفية تحت بند غلاء الأسعار.

كسب قاعده مستخدمين هو اهم شيء
لاي شركه
فاتوقع انهم مطبيقين فكره تقليل هامش الربح مقابل مستخدمين اكثر

شوف كيف البيك ربي رازقه ودايما زحمه
لانه هامش ربحه قليل

ذكرتني بهنجرستيشن أظن المشتركين الجدد التوصيل مجاني لعدة شهور أو شيء كذا
لكن لما تطلب من تطبيقهم كل شيء رافعين سعره كم ريال يعني مثلا برا الغرض الفلاني
5 تحصله عندهم ب 8 وكذا بأتوقع من هذي يطلعون الخسائر ويكسبون الزبون

البنك يستفيد انك تطلع بطاقاتهم الائتمانية علشان العرض

فعلا سالفة الكاش باك ماني مقتنع فيها



كيف اتربح الشركة او البنك والناس بالملاين يشترو يوميا والاسترجاع 1 و 2 %





الله اعلم انها تحت بند التسويق والدعاية لان غير كذا حرق اموال لا اكثر

بعض الشركات بدل ما يعطيك كاش باك ينزل اعلانه عند 50 مشهور او اكثر ويجيب عملاء

الفريق الثاني يعطيك العميل فلوس والعميل يتكلم عن الخدمه عند اهله واصحابه ويجيب عملاء


كلها تسويق ودعايه


بالنسبه لعرض جاهز
اعتقد: الفكره منه انك تتعود اول ما تحس بالجوع تفتح التطبيق وتطلب، ماعاد تبي الزحمه

وبعد فتره تشوف ان سعرهم اعلى شوي من المطعم ومع كذا تطلب منهم وهذا اللي صاير مع الجميع

اهم شي حنا الافراد نستفيد من الكاش باك

هم كيفهم

زيادة عدد العملاء الي يستخدمون التطبيق, اذا زاد عدد المستخدمين زادت الربحية على المدى المتوسط -
البعيد. فهم يخسرون اثناء العرض, وتتعوض الخسارة من الربح بعد العرض.

طبعا مب كل العملاء الي استفادوا من العرض بيجلسون عملاء للتطبيق, بس فيه نسبة منهم يبقون عملاء, وهذا يغطي ذاك.

شهره وكسب عملاء

2.5% من عمولة الفيزا

يعني دفعت 3,000 بنزين
الفعلي اللي بيوصل لراعي المحطة 2,925 ريال

75 ريال تتوزع بين البنك و شركة الفيزا و بين الكاش باك اذا فيه
اذا الكاش باك زاد عن 2-2.5% فهذي مصاريف تسويق …


استحواذ على عملاء جدد و الحفاظ على العملاء الحاليين ، انه احنا نوفر خصومات لكم فلا تروحون لشركات منافسة.

لانه اللي بيستقطعونه من عملياتك الشرائية اعلى بكثير على المدى القصير و البعيد من المبلغ اللي حصلته اذا استمريت معاهم. فيعوضونه منك


هنقر ستيشن و غيرهم ، يتعاقد مع المطاعم ، ياخذ نسبته من المطعم ، و احيانا يسوق لهم توصيل ببلاش و غيرها عن طريق خصومات … ممكن حتى ترتيب المطعم اول مايظهر لك ياخذون عليه رسوم ، و طبعا المطاعم تزيد اسعارها لانه نسبة منها تروح لهنقرستيشن و غيرهم من بعض تطبيقات التوصيل. فانته قاعد تدفع لهم الفرق بالنسبة ، كذلك يستفيدون من رسوم التوصيل لك انه 20% للشركة. فاذا بتطلب مثلا معاهم 10-15 طلبات و نقول استفدت وحدة منهم كانت كاش باك ، كأنك وصلت لNet ، ترا متوسط عدد الطلبات بجاهز 4.7 كمتوسط للعميل الواحد، فخلال شهرين او 3 شهور يقدر يرجعون الكاش باك. و اكيد طبعا المطعم نفسه يسوي خصم احيانا عشان التسويق ، و ممكن يكون فيها شراكة بين محفظة معينه و بينهم … فالرسوم تتقسم بينهم

نوعية الاكل بالمطعم يجوعك اكثر و يشبعك اقل و هذا مثبت لمن اختبروا ، فطبيعي بتطلب و بتدفع لهم اكثر و اكثر … هم عندهم بيانات و معلومات و شغلات كثيرة يعرفونها عن عملائهم و يقدرون يحللونها خلال السنوات ، فلا تعتقد انه الخصومات و العروض و الكاش باك جات من عبث …