هل فيه كميرات.. تعمل بواي فاي مداه قصير
. حتى لو كان المسافة بعيدة شوي..÷

يبن الحلال السوق عندك ماتكلفك 190 ريال مع الضريبة

وشغاله معي لها فوق السنتين زي اللوز على الواي فاي وحاطها بالحوش

اسم الشركة EZVIZ مملوكة لشركة هيكفجن الصينيه


لاتاخذ اي شركة مالها اسم قوي ومعروف كشركة محترمة
هذي كميرا بكره تحصل نفسك انت وعيالك بفيديوهات بالنت

لذلك لازم شركة محترمه واسمها معروف بالسوق عشان تكون محط ثقه

شوف متجر STC عندهم كاميرات مراقبة أشكال وألوان
ومن شركات معروفة وجودتها عالية

طيب .. كيف أعرف .. اذا الواي فاي
ا يوصل او لا.. مممن المكان ما يغطي ..مو متاكد
.بس يكون سعر معقول

اخوي انا كيف تبيني اعرف بيتك بالضبط ؟

مفترض انت الي تعرف هل يغطي ولا مايغطي تمد سلك ولا ماتمد
تركب واي فاي قريب ولالا

هذي كلها انت تحل موضوعها

اما بخصوص السعر السوق مليان مواصفات حسب حاجتك

ماقدر انا اعطيك شيء حسب حاجتي وبكره مايخدمك

من تجربة كاميرا بسلك اقل اعطال



المهم هو الجودة



تعرضت سيارتي لصدمة امام المنزل ولاقدرت اشوف لوحه سيارة الصادم



رغم ان الكاميرا 4 ميقا hd

فعلًا، أهم شيء الدقة حتى لو زاد السعر
لأن وظيفة الكاميرا إنها تساعدك على التعرف على الأجسام والوجوه
فلو كانت ضبابية أو غير واضحة ما الفائدة إذن؟ خصوصًا في الليل لأن الإضاءة وقتها شبه منعدمة مقارنة بالنهار

نصيحة لكل اللي يبي يركب كاميرات منزل داخلية، احذر احذر احذر
للأسف ووالله العظيم بدون بحث شاهدت مقطع اغلب الظن عندي لعائلة سعودية الأم والعيال والبنات في الصالة ويا غافل لك الله
وبصراحة الكاميرا الداخلية لا أرى لها أي مبرر إلا في حالات ضيقة جدا كأن تكون أم عاملة ومضطرة لأن عندها طفل صغير وعندها شغالة
أدري الموضوع عن كاميرات خارجية لكن ذكرني أحد الإخوة بسالفة التهكير
ومدري إذا فيه كاميرت مخفية تركب وما احد يدري عنها (مثلا عامل الجبس والكهربائي اللي يركب لمبات الكبس)

والله الحافظ

مو شرط مخفي
انا رحت مع كذا شخص معرفه يبي يشتري كاميرات اللي لها dvr
ولاحظت ان العامل اللي في المحل يعطيه اي بي او رقم
ويعلمه التطبيق اللي يحمله

يعني بالتالي عامل المحل في نفس التطبيق يحط الاي بي هذا ويشوف البيوت