كل سلحفاة يقابلها واحد يلحم ويكشح العالي
استخدام البوري شي ضروري جدا

لما اطلع للدوام او ارجع استخدم طرق سريعة
الغريب ان المسار الايسر اللي المفترض يكون الاسرع هو الابطئ
وعلى شان كذا استخدم المسار الايمن اللي هو يعتبر الاسرع

علما ان انظمة المرور تخالف استخدام مسار سريع ببطء

________________



اعتقد لو كان هناك تطبيق يجمع الطلاب والموظفين في اماكنهم

بمعنى طالب يدرس بالجامعة او الكلية او حتى موظف مستشفى او محل تجاري
لو كان في تطبيق يجمع هؤلاء الاشخاص وحاجتهم الى نقل لعملهم او مدارسهم
سيوفر هذا كثير من المبالغ المهدرة على توصيل هؤلاء الاشخاص

فعائلة لديها طالب مثلا بالكلية او الجامعة تدفع ما يعادل 2000 ريال واكثر لتوصيله
فصار اسهل لها انها تشتري له سياره وتوفر اكثر من تدفع هالرقم على النقل

لاحظت مثلا الموظفات واتكلم عن اللي عندها دعم من الموارد
هذا الدعم خلال اقل من نصف الشهر يكون انتهى تماما
وتدفع مبلغ يعادله او اكثر منه لتكمل الذهاب بقية الشهر الى عملها
ويصير راتبها بالاضافة للدعم ما يصفى لها شيء ويروح توصيل

مثل هالبنت لو لقيت زميله لها بمكان العمل او حتى قريبه منه
راح توفر مبلغ كبير للذهاب معها للعمل والعودة
وتصير هالموظفة توفر وحتى زميلتها اللي تاخذها تستفيد منها مبلغ توصيل

وهذه هي الفكرة من التطبيق

وهو مشابه مثلا لبعض العسكر تلقاهم يتجمعون اخر الشارع بالحي
ويركبون مع واحد من خوياهم او حتى هو يمرهم للبيت وياخذهم منه

فكرة التطبيق مشابه لهذا الشيء تماما
لو لاحظت مثلا الكلية التقنية كم فيها تخصص وكم فيها طلاب
الجامعات المعاهد المستشفيات اماكن المجمعات التجارية كل هالاشياء
شيء مؤكد انك تلقى احد في حيك او قريب منك يقدر يمرك

لو مثلا العائلة اللي فوق تدفع الفين ريال لو لقت طالب بنفس الجامعة
ممكن تعطيه 500 او حتى 1000 ويصير يوصل ولدهم معه كل يوم
او حتى لو لقت شخص يوصل لنفس الجهة راح يكون ارخص بكثير
مثلا لو شخص يمشي للجامعة ومعه طالب ياخذ منه مثلا 500
لو لقى مثلا معه 2 من نفس الجامعة يصير 1500 مبلغ طيب

وهذا المبلغ كامل مستحيل تلقى احد يقبل يوصلك انت فقط

فيصير صاحب السيارة وفر على الاقل تكاليف اصلاح او بنزين
ويصير الطالب اللي يحتاج التوصيل انفق مبلغ بسيط على توصيله


لو لاحظت مثلا مسارات بعض شركات التوصيل
اغلبها اذا مو كلها مخصصة للبنات والجامعات فقط

فصار اغلب الموظفين او حتى بعض الكليات والمعاهد
كل طالب معه سيارة خاصة فيه وكل بنت معها سيارة
وهذا هو لسبب الحقيقي لزيادة عدد السلاحف

أنا من أهل جدة وقبل فترة كنت في الرياض واستأجرت سيارة
زحمتكم أرحم من الازدحام اللي يحصل في جدة

مشاكلكم ممكن هو كبر المدينة، مشوار حتى بدون زحمة تحتاج تمشي أقل شيء ١٥ كيلو..

زحمة جدة وأتوقع سببها إعاقة فكرية لبعض السائقين أن الشوارع توقف،
صادفت زحام كثير في الرياض بس لكن الطريق ماشي ببطء ونادر توقف إلا عند إشارة

في جدة عادي جدا يوقف الخط ٥ دقائق في خط سريع

شوارعنا صارت زفت بعد ماساقوا الحريم

الحرمه غشيمه ، وتمشي ببطء شديد ، ولا تعرف تتصرف بالزحمه ، وبنفس الوقت تضاعفت الزحمه من بعدهم

الله يكفينا شرهم

عندي المتهور اهون من السلحفاه على الاقل لحظة سريعة وتفتك منه لكن السلحفاه يسبب ازدحام من لاشي

والله جبتها على الجرح ونتمنى هذيك الايام قبل
وفي موضوع مغفل عن الناس وصار يرفع الضغط وانت ذكرته وصار ضاهرة ويسمون انفسهم نظاميين وهذولاء الي يعرقلون حركة السير البطيئين السلاحف ادق وصف الي مايمشي مره والي يهدي من بعيد ويوقف وقوف كامل عند المطب غير تعمده بابطاء حركة السير على اشارات طرق رئيسية لكن بيجيه يومه من دعواي الناس عليه مصير شاحنة تعلمه بكره
وصدقت الطرق هذي ضايقوها مره بالارصفة لدرجة الرصيف صار 10 متر والشارع 3 مسارات واليوتويرن فقط مسار واحد وشف الازدحام غير المواقف بعض الاحياء صار فيه ارصفه مايقدر الواحد يوقف من 3 سيارات وشوف الزحمه مع ان الشارع 20 وحتى محلات تجاريه صعب توقف عندها لان توقف 10 سيارات على 6 محلات فيخسر المحل

الوضع ماعد صار مثل اول لدرجة اتمنى يفكونا من الارصفة والي يتعمد البطء في المشي او سواقته كذا يرصد ويعاقب بالتوقيف لان المخالفات ماعدد تجدي

سابقًا كنت مثلكم وكنت مااوصل لمشواري الا وانا محترق

الآن صرت امسك المسار الثاني من اليسار وامشي بأقل من سرعة الشارع بشوي واوصل للمكان اللي ابيه وانا رايق ولله الحمد

جربوا تتعودون على السواقة الهادية وراح تفرق معاكم

وفي نوع اللي تلاقيه جالس على جواله والسيارة تسقط عليك في مسارك لأنه مو منتبه

واللي يمشي بين المسارات واللي من اقصى اليمين يجي اقصى اليسار

اما النوع اللي يجي يوقف على اليمين ولا يبغى يلف والاشارة حمراء وتلاقيه معطل وراه الخلق

بالمدينة جالسين يمدحوا في تويتر من كمية الانسنة وحنا جالسين نحترق من كمية الزحام الي تسببت بها الانسنة
كنت اروح لدوامي في 15 دقيقة ذلحين حسبي الله صرت احتاج أقل شي 50 دقيقة

والحافلات حاطين لهم نقاط توقف على المسار الايمن

وشوارع كانت 3 مسارات صارت شوارع رايح جاي

مسوين مسارات للحافلات بس ممنوع دخول اي سيارة حتى الحافلات

باصات المعتمرين مالية الدنيا ومسببة دبل زحمة المدارس

كل فترة لازم اسوي تربيط للعضلات لان فيه واحد فاهي قرر يخلي حجر واجهة حق واااااااجهة مطبات مصغرة

شي يرفع الضغط لكن حسبي الله بس

ردك رائع وفعلا افكار ممتازة لو طبقته
لكن خلنا ناخذ منها قطاع الطلاب سواء مدارس او جامعات
يفترض ان يلزم اي طالب بالتالي :
١- ان يدرس في نطاق الحي اللي يسكن فيه ولازم يثبت هذا الشي بعقد ايجار او صك للبيت
٢- الزام جميع الطلاب والطالبات بالنقل المدرسي لو ابوه يكون من يكون غصبا عنه يركب النقل ولإلزامهم بالنقل وقف دوريه عند كل مدرسه او ضع كاميرات واي طالب ينزل من سيارة خاصة سجل مخالفه على رقم اللوحة واللي عنده ظرف يجيب مايثبت للاعتراض
٣- اللي درس ولده او بنته في مدارس خاصة بعيده لابد تلزم المدارس بتوفير نقل مدرسي للطلاب

طبعا طلاب الجامعات يشملهم نفس الكلام

هذا الحل اشوف انه من اسرع الحلول واقلها تكلفه

كلامك صحيح لاحظت مكة وجدة مثلا يوقف في شارع رئيسي ينزل راكب او عشان ينزل عند محل ويتعامل معه وكانه في شارع داخل حي سكني
ولكن الرياض السنوات الاخيرة لاحظت ظاهرة السلاحف

مشكلتهم الوحدة خلاص لازم تواكب صديقاتها وتسوق تعرف ماتعرف بتجيب العيد اهم شي لايقولون فلانه ساقت وانتي لا

لو طبقو عليهم المخالفات عرقلة سير والله بيكدون من وراهم خير ياكثرهم صاروه يشكلون نسبة تتجاوز ٥٠%
واما الارصفه فعلا ما شفنا منها الا ضيق الشوارع

ماهو دايم بتكون مروق وامورك تمام اذا دوامك مشواره ساعه ونص رايح وساعه ونص جاي

اوف النوع اللي عند الاشاره ودك تنزل له مخلفه قطع اشارع بدال مثاليته الزايدة

هاذي مشكلتنا من تالي مسؤل سافر لبرا وانبهر بمدينة صغيرة اجوائها باردة وعدد سكانها قليل وبيطبق تحربتها وشي من اللي درسه على مدننا الكبيرة المزحمة اللي اغلب السنة جوها شديد الحرارة ويقهرك اللي يسلكون له ماذاقو التعب والسواقة بالزحمة اعجبته الصور في النت واشاد بالانجاز

اطلع بدري وبتكون مروق، اذا طلعت 6 اوصل بـ25 دقيقة كحد اقصى، ولو اطلع 7 اوصل بساعة ونص

خلني ساعة ونص قاعد بالسيارة او افطر واتقهوى افضل من اني اقضيها بوسط زحمة الرياض

الطرق صارت زفت
بعد ماساقوا الحريم

والله الزحمة في الرياض تدبلت في آخر سنتين وصارت لا تطاق

تأخرو في الميترو كثير، لكن على آمل انه صدق بيشتغل نهاية هالسنة. ان تصل متأخر ...........




الزحمة في الصباح امرها هين يمديك تطلع بدري، لكن المشكلة في الرجعة، كذا ولا كذا بتطيح في الزحمة، وعلى افتراض ان دوامك امره هين ويخلونك تطلع 3 او 3:30، لكن صدقني بعد الساعة 4 تتضاعف الزحمة

المشكلة اذا دوامك غثيث وفترة الشغل الحقيقية من 11 الصباح لين 4 يعني لو جيت قبل 8 ما استفدت شي ولا انجزت لأن مافيه موظفين، ولو طلعت الساعة 3 زعل مديرك :25: