حياك الله فيه واحد اسمه آنس الراجحي بتويتر ابحث عنه
الرجل متمكن جدا من الأسهم
وعنده دورة راح تبدأ الأحد القادم إن شاء الله أنصحك فيه
والمهم احذر من الأسهم المحرمة وفالك التوفيق

دوره ب 1170 ريال ثلاث ايام وكمان اونلاين مو حضوري ؟؟

زي اللي يؤلف و يبيع كتاب (كيف تصبح ثريا ) ب 500 ريال

سوق الاسهم السعودي اعتبره سوق ثراء لكن للمستثمر الصبور

استثمار شهري لمدة سنوات

وممكن المبلغ الشهري الي عندك تقسمه على 4 اسابيع

اختار بحد اقصى 7 شركات

من قطاع الاتصالات
البتروكيماويات
الشحن
الطاقه
الريتات

ولا انصح بالاسمنتات

اختيار الشركة مسؤوليتك.. ولازم تقرأ عن قوائمها والقيمة الدفتريه وربحية السهم وهل الشركة لها خطط مستقبلية

السوق ينقسم ل4 اقسام

شركات نمو
شركات توزيع
شركات نمو وتوزيع مثل stc
شركات خشاش (الخاسره) بمخاطر عالية


المضاربه بالاسواق خسارتها مضمونه 100%


واذا استثمرت خلك مرن ، لاتتمسك بالشركه وكأنها قرآن منزل ، اذا شفت داعي بأن تنتقل بإستثمارك لشركة أخرى فتوكل على الله بعد الاخذ بالاسباب

أسمنت القصيم ممتاز وسهم كريم على ملاكه..

على كلامك انت تبي (تستثمر) فالقاعده هاذي عن الف محلل بالسوق

(DCA) Dollar-Cost Averaging

متوسط التكلفة بالدولار هي استراتيجية استثمار يمكن أن تساعد في تخفيف المخاطر المرتبطة باستثمار مبلغ مقطوع في سوق الأوراق المالية. إنه ينطوي على استثمار مبلغ ثابت من المال على فترات منتظمة، بغض النظر عن ظروف السوق. هذا يعني أنه يتم شراء المزيد من الأسهم عندما ينخفض السوق، ويتم شراء عدد أقل من الأسهم عند ارتفاع السوق.


يعني تخصص لك مبلغ ثابت كمثال 100 او 200 بشكل شهري بحيث ان هاذا المبلغ ماراح يأثر عليك وبنفس الوقت تدخله السوق بغض النظر مرتفع او منخفض احمر او اخضر

طبق هاذي القاعده بس واذا بديت بتطبيقها لاتفتح سوق الأسهم نهائي الا الشهر القادم تضيف ال100 او 200 ريال

السوق فيه مرجفين والمرجفين يتطورون كل ماتطورت التقنيه ,زمان كان عن طريق المجلات يتحدث عن نزول او انخفاض (لمصالحه الشخصيه) يحاول يحرك السوق
بعده تطور الوضع واصبح عن طريق التلفزيون بشكل رسمي والوقت الحالي بحسابه الشخصي ينصح ويتحدث عن انخفاض او ارتفاع

السوق يعمل بشكل نفسي ( احمر اخضر , مرجف , اخبار سلبيه مفتعله او غير مفتعله عن سهم معين تسبب بانخفاض او ارتفاع السهم ) امور نفسيه

المهم انت مستثمر وتطبق متوسط التكلفه كل شهر ادخل مبلغك واطلع فقط فقط فقط

وعليكم السلام و الرحمه


اذا بتدخل الاسهم او تجارة مثلا عشان عندك قروض وتبغا تربح عشان تعوض الخصم , بيكون عليك ضغط نفسي وفوقها بتكون الخسارة احتماليتها كبيرة من دون اي خبرة . الاسهم مثلا لازم تخش بمبالغ اضافية ماراح يكون عليها تاثير كبير اذا خسرتها لا سمح الله .نصيحتي لك تشوف شيء اخر ولا تقروش نفسك أكثر

حاول تدخل في الشركات الي توزع بشكل دوري ومنتظم وتزيد قيمتها مع الايام

انا مثلك بدأت بسوق الاسهم بشكل فعلي قبل شهر تقريبا ( قبلها كنت ادخل فقط في الاكتتابات )

شوف اسهم مثل ارامكو والراححي واس تي سي وجرير بحيث تعطيك عوايد سنوية ، ( ماهي توصية مجرد رأي )

وحاول تنوع المحفظة لا تخلي كل فلوسك بسهم او اثين وكلهم بنفس المجال

وعليكم السلام والرحمة،،،


شخصياً أدور على أسهم بأرباح ربع سنوية مو للمضاربة. لقيت أرامكو وجرير وكم وحدة. لو أرامكو السهم 30 أو أقل وجرير 14 أو أقل أشوف خيار مناسب.


ولا تنسى إن تجارة الأسهم وجهات نظر. أدخلها وأحسب حساب إنك خسران مهما كنت متوقع الكسب. وهو السبب إللي خلاني أدول على أسهم بتوزيعات ربع سنوية حتى الأرباح تغطي شي من الخسارة لو حصلت.


شخصياً أستثمرت سنتين فقط من حسابي الجاري وبعدها أستخدمت الأرباح فقط. ما عندي نية أبداً أضيف من حسابي الجاري أبداً.


والله الموفق.

والله دايم نسمع عن هالشيء ومو عارفين

اذا رحت اليوتيوب يطلع لي شرح اسهم لأسواق مختلفة

انا دايم اسمع اشتر اسهم من ارامكو وتوزيعات وكل شهر اشتر زيادة

بس مو فاهمة بالضبط

سويت عضوية في موقع الأهلي تداول
وماشفت الا مربعات وجداول وألوان كأني فاتح اكسل ملف كبير ومادري شنو السالفة

انت تبي استثمار بعيد المدى يعني ماتبيها بعد كم شهر او سنة ؟

ابحث عن الاسهم القيادية ويفضل الشركات اللي فيها توزيعات (ربع سنوية، نصف سنوية) وكون محفظتك بهالشركات وحاول تكون الشركات من قطاعات مختلفة عشان التنويع وكل شهر حط فيها ما تيسر بدون ماتوجع راسك بسالفة السهم طاح او ارتفع (استراتيجية توسيط التكلفة).

واذا ماتبي توجع راسك اشوف فيه منصات جديدة مثل تطبيق أبيان المالية يفتحون لك محفظة على حسب احتياجك تبيها نمو او متوازنة يختلف نسبة العوائد فيها على حسب المخاطرة. وبالنسبة لي داخل مخاطرة عالية في محفظة نمو واشوفها الصراحة حلوة جدا كل شهر احط فيها مبلغ وقدره وهم يوزعونه ما بين اسهم محلية واسهم عالمية وصكوك وعقارات عالمية

انصحك تشوف بودكاست سقراط تكلمو فيه عن الاستثمار واستضافو الرئيس التنفيذي لشركة ابيان والصراحة المقطع مفيد

شوف الدقيقة 39:00 تكلمو عن موضوع استثمار الاسهم وتوسيط التكلفة

https://youtu.be/2YKLjKutQBg?si=az_TpOmS1BuUc0qm

متابع ارجو الخبرات يفيدونا

اذا قصدك التوزيعات هذي موجودة في ملفات الشركات تحصلها في ارقام

واذا قصدك على التحليلات هذي تتشعب منها مدارس ( الزمني ، الموجي ( اليوت ) ، وايكوف ، ولفي ويفز ، الهارمونيك ، البرايس اكشن )

جميع المدارس موجوده عشان تكسب منها ولكن تحتاج للاراده والصبر

هذه المدارس لاتقانها يجب عليك اتقان التحليل الكلاسيكي لانه هو الاساس ، ايضا يجب اتقان نظرية داو وهي نظريه كتبها داو جونز في احد الصحف وبعد وفاته قام تلميذه النجيب اليوت بجمع القصاصات وعمل على نظرية اليوت وهو التحليل الموجي وبعد ٧ سنوات تم نشرها وقال " الان اكتملت نظرية داو "

اعتذر عن عدم الاتزان بمحور الحديث والتشتت لانه اسهاب شخصي اعتقد ان المدرسة الموجية افضل المدارس الموجوده واصدقها تقريبا

اسماعيل شكري يقدم مادة جيدة في التحليل الكلاسيكي مجانا في اليوتيوب
تستطيع ان تاخذ نظره شامله

ماجد الهذلي يقدم مادة ممتازه في التحليل الموجي ( مدفوعه ) يتم ارسال تقريبا ٣٠ فيديو يشرح النظريه بالكامل

والله يوفقني وياك

بارك الله فيك وشكرا لردك
نعم الصحيح اني مهتم بالتوزيعات وممكن اخذ فكرة عن هذي الدروس باليوتيوب
شكرا لحرصك والله يعطيك العافية وموفق

حيا ك الله وشكرا لردك
الموضوع حسب ماتوصلت له انه مجدي فعلا ولكن يحتاج تدرس السوق وتكون مطلع والسوق الامريكي افضل لكن المخاطر اعلى

اهلا اخوي يعطيك العافية
هي فعلا الاسهم الي لها عوايد او توزيعات رب سنوية كويسه لاكن ماندري هل هي مجدية عالمدى القريب ولا فقط عالمدى البعيد
وفكرتك ممتازه ممكن اعيد النظر في المووضوع

حياك الله منور الحته
هو صحيح معك حق لكن هل تجربتك للان بالسوق تجربة شخص له شهر او شهرين تشوف الامور تستحق ولا الموضوع يبغاله حرص ومتابعة وتقييمات ودراسة بشكل يومي وبحث ولا فقط تعتمد علي شركات او التداول الالي مثل ابيان وغيره وفكرة تنوع المحفظه ضرورية جدا في هذا الزمن

حياك الله وشكرا لردك
وجه نظر تحترم وفعلا فيه مخاطر ولكن توقعت اني لو داخل بمبلغ ماهو كبير واستثمار بعيد المدى ومن مبلغ مش محتاجه حاليا وومكن ينقذني بعدين هل الموضوع مجدي طبعا حاط ببالي الخبرة زيرو وقاعد ادرس الاسهم دراسة تفصيله تحليلية بعدين اخش بالمبالغ الاضافية الي تقصدها ف ايش رايك بالتصور هذا وشكرا لحرصك
واتمني اذا فيه حلول اكثر منطقية لي ياليت تفزع

يا سلام عليك
يمكن كلامك هذا هو الي بيصير فعلا بعد الدراسة والبحث
لان الفكرة استثمار عالمدي البعيد وان جاء شي بالقريب تمام التمام

يعني انت لاتنصح بالمضاربة
شراء اسهم بشكل شهري بمبلغ واضح زي خوينا صاحب قاعده

(DCA) Dollar-Cost Averaging

وبخصوص قرائه القوايم المالية والامور هذي تدخل ضمن دراسة الشركه ومعرفة تاريخها ومستقبلها هذا يعتبر تحليل قبل الشراء
مهتم جدا لردك والله يعطيك الف عافيه