صار لي كذا ولما كلمتهم قال رسوم عملية شراء اللي قبل كذا ورسوم تحويل عملة
ومراح تظهر بكشف الحساب الا اذا اتصلت عليهم يرسلونها لك على الايميل

اخوي لا يضحكون عليك ترا ما فيه شي اسمه رسوم عملية شراء او رسوم تحويل عملة تنخصم منك مستقبلاً او بدون علمك

في حالتك طالب بحقك بفتح شكوى عند مؤسسة النقد و لا تتنازل عنه (الا لو كان شرحك للحالة مو دقيق؟)

توضيح للفائدة العامة:

عمولة او رسوم البنك هي فقط في مرحلة واحدة و هي المرحلة الأولى من تحويل العملة

البنك يأخذ عمولته على سعر الصرف اللي تم وقت تحويلك للمبلغ من حسابك الجاري الى احد محافظك في البطاقة (مثلاً من الريال السعودي الى اليورو) يعني يعتبر مثل شراء العملة

طبعاً محفظة الدولار الامريكي و الريال السعودي التحويل لهم مجاناً بدون عمولات

مثال:

لو حبيت تحول 100 ريال من حسابك الجاري الى محفظة اليورو بيعرض لك البنك كم المبلغ النهائي اللي بيخصمه من حسابك الجاري على شكل سعر صرف للعملة، و بعد تحويلك للمبلغ تتم عملية البيع و المبلغ بالعملة الجديد يضاف لمحفظتك مباشرة (بمعنى أي تغيير على سعر صرف العملة مستقبلاً سواءً زادت او نقصت ما بيأثر على مبلغك)

[U]للتبسيط اكثر: كأنك تشتري من البنك عملة على شكل بطاقة شحن بمبلغ محدد و بعدها لك الحرية تنفق هذا المبلغ و تتسوق فيه كما تشاء[/U]

الشرط الوحيد هو عند انفاق المبلغ (يعني الشراء ببطاقتك) ضروري يكون بنفس هذي العملة و بنفس المبلغ

اذا حصل غير ذلك بيكون فيه استثناءات و بيتم تطبيق عمولات اضافية من البنك 1-2% بالحالات و الأمثلة التالية:

- محفظة اليورو فيها 100 يورو لكن رحت تشتري بـ 120 يورو، هنا البنك يحاول تعويض الفارق 20 يورو و يسحبها من محفظة الدولار الأمريكي، بهذي الحالة يأخذ البنك عمولة 1% على الفارق 20 يورو (اذا كانت محفظة الدولار الأمريكي خالية او مبلغها لا يكفي فبيتم رفض عملية الشراء)

- حاولت تشتري بعملة غير موجود لها محفظة في بطاقتك، هنا البنك يخصم المبلغ من المحفظة الأساسية (الدولار الأمريكي) بنظام تحويل العملة من العملة اللي بتشتري فيها الى الدولار الأمريكي، ثم يأخذ البنك عمولة 2% على المبلغ (في هذي الحالة الأفضل تضيف العملة لبطاقتك و معروف أن رسوم اضافة عملة جديدة هي 25 ريال تدفع لمرة واحدة و لكن هي لك و للزمن و مرات تكون مجاناً وقت العروض)

كل هذي التفاصيل موضحة في صفحة و شروط بطاقة السفر من بنك الاستثمار

تصير لي بين فتره وفتره
واحيانا ينخصم من الحساب الرئيسي

رسوم او عمليات غريبة مالها اي تفصيل لكن والله ما فكرت اتصل

والسبب انك بتجلس على الخط ساعة ثم بعدها بتكلم واحد جاهل تكلمه يمين يكلمك يسار وكل الي بيسويه يرفع لك شكوى او استفسار ولا يصير عليها شيء وهذا الطبيعي دائما البنك على حق والمستخدم على خطاء سياسه البنوك عندنا

الحمدلله انحلت المشكلة من نفسها دخلت امس و حصلت المبلغ راجع للبطاقة لكن ما ادري متى بالضبط لأن ما دخلت يمكن من يومين

بعد كتابة الموضوع مباشرة حاولت اتذكر وش كنت مشتري ب43 ريال و تذكرت اني مشترك نيتفليكس قبل كم يوم ثم رحت اراجع آخر عمليات البطاقة و حصلت ان العملية هذي مكررة مرتين بنفس التوقيت

و الآن بعد حل المشكلة و رجوع المبلغ احصل أن عملية النيتفليكس صارت متكررة 3 مرات :d

واضح انه خطأ من البنك لأن ما انخصم المبلغ الا مرة وحدة فقط وقت الدفع و عموماً بعد ممكن 2-4 ايام رجع المبلغ من نفسه بدون ما يحتاج اقدم شكوى للبنك

اتذكر حصل لي مثل هالشي من زمان و نفس الحالة رجع من نفسه لكن المرة هذي شكلي استعجلت شوي :d



اذا مشكلتك مثلي فوق فأمورك سليمة و اكيد المبالغ رجعت لك :17:

طبعاً ما اعتقد بتقدر تعرف مثلي الا لو كانت محافظك كلها مصفرة (فاضية) لأن طريقتي ما اشحنها الا عند الدفع فقط و زيادة على كذا يكون الوضع اكثر امان في حال انسرقت بيانات البطاقة لا سمح الله

بالنسبة لسحب المبلغ من حسابك الجاري هذي المفروض ما تصير الا بحالة لو البنك سحب رسوم البطاقة السنوية

ممكن الحالة الثانية بأنه كان عندك رصيد سالب في احد محافظك لفترة طويلة لكن هذي ما قد جربتها بسبب اني دائماً اخليهم صفر

و بشكل عام اي مشاكل مع البنك لا تتنازل ابداً عندك مؤسسة النقد ترفع شكوى من موقعهم بسهولة تامة و عن نفسي استفدت منها كثير بالسنوات هذي بحل مشاكل مع البنوك و كذلك البنوك الرقمية مثل STC Pay ضاع علي الاف لكن استعدتها ولله الحمد