حتى سوق الكمبيوترات نفس الشي

كلهم حولو خدمات ابشر او خدمات طلابية ومكتبات

بسبب الخسائر الفادحة

اللتي سببتها التجارة الالكترونية

مثل محلات التجميعات كلها افتح موسسه واستاجر مستودع وكم عامل ومندوبين قطع وتوصيل وكذا

وفك لك موقع أو تطبيق وانت الان كاسح السوق بشكل كامل

صادق والله

تخيل الموقع يبي بسعر ارخص بفرق 200 او 100 ريال فما بالك لو سوى عرض

مستحيل يقدرون يواكبون

حتى الهنود اغلبهم سافر او حول لبقالة

بجنبي مكتبة مع ذلك اشتري ورق التصوير من امازون والتوصيل ثاني يوم واوفر حول ال 10 ريال . والحبر اشتريه من امازون بربع قيمته في محلات الباحة.

محلات الجوال كلها قفلت تقريبا هنا ماعدا محل او اثنين يقاومون ومايجيها الا الشيبان للصيانة والعجايز للاكسسوارات ( الاكسسوارات 3 اضعاف قيمتها في امازون ) واظن اللي شغالين فيها هم اصحابها في المبنى من الشباب العاطلين يعني لا إيجار ولا غيره, وبرضو يبيعون اونلاين مثل غيرهم عشان تمشي بضاعتهم , لكن تشتري منهم ويشحنون لك ارخص من انك تدخل المحل وتاخذ وانت واقف.

كلامك صحيح اذا بيع جوالات فقط كشك مثلا مثل ما كان بسوق المرسلات بالرياض اللي يتذكره :)

لكن قريب لي عنده محل جوالات فوق 4 فروع ماشاء الله عنده متجر الكتروني والفروع مركزه اكثر شي على الصيانه بحكم انه معاه شهادة في صيانة واصلاح اعطال الجوال مثلا شاشه مكسورة يصلحها باقل من سعر الوكيل بالاضافة الى الاكسسوارات ويييع جوالات لانه ياخذها من الوكيل بكميات

انا ساكن في محافظة البكيرية وعندنا محل اسمه خالد للإتصالات ماسك وكاله oppo
هواوي وشركات ماشاء الله كثيرة للجوالات وهو الي يورد بضائع من الصين ويبيعها على محلات بالقصيم شغال من ايام جوالات الباندا اذا مريت من عند المحل السيارات الي واقفه قدام المحل الاسباب ثقه الناس فيه والضمان في عملاء يقول انا ابي اشتري من محل مب موقع علشانلاسمح الله لو تعطل يقدر يرجع للمحل ويسلمه الجهاز وهو متطمن ثانيا الصيانه عنده بجميع الاجهزة الاكترونية مب بس جوال بلاستشن او توصيلات او دفايات اي شيء يخطر ببالك يصلحه فاتحله ورشه فيها كل شيء يصلحونه داخل المحل
ثالثا هو يعتبر ماركه محفورة في اذهان محافظة البكيرية ويعطي اسعار جدا ممتازة لو يعرف الشخص للجوالات ولو عرف انك بتقصد نزل اكثر علشان انا اخذت اكثر من جوال
فالمحفز للبقاء له اسبابه :17: طبعا عنده جوالت وتابلت جدا رخيصه فهو مستهدف جميع الفئات :60:

أتفق معك هذا الواقع اللحين والأهم من هذا كله لو بغيت شي تقدر تبحث في النت وبدون ما تتعب نفسك لكن لو بتروح للمحلات بتحتاج وقت وجهد ويمكن تدفع أضعاف الي كنت بتدفعه لو شريته من الانترنت

خلاص مع الشراء من الانترنت كثير من المحلات بتسكر قطع الكمبيوتر اشتريها من النت لاني عارف ان المحلات اغلى. الملابس خلاص صار شي ان و غيره ارخص . قطع الغيار الناس بدو يتوجهون للانترنت ارخص من المحلات . الجوالات تطلب ارخص من المحل بكثيير و مثالك لايباد اخوك يكفي , احسب كم سنه و تشوف انهم بدو يسكرون المحلات او تقليل الفروع و الاعتماد على فرع رئيسي للضمان و ابشرك حتى الضمان صار مندوب يجيك و ياخذ المنتج منك

مريت المرسلات من يومين لقيتها خالي ونص محلاته مسكره

اتوقع ان الوضع اختلف الان مع التجارة الالكترونية ودخول شركات الاتصالات وجرير واكسترا في اللعبة

أكيد مو مثل أول لكن ما زال لها دور مهم في الصيانة

إلا إذا ربعنا السعوديين صاروا إبداعيين ويقدمون خدمات الصيانة عند المنزل

أذكر مرة شفت في برنامج خواطر أحمد الشقيري واحد في أمريكا وكان يقدم خدمات صيانة جوال، يزور المنزل ويخلص الشغل عند العميل وعنده قطعة تتركب على الجوال وتقدم خدمة نقطة بيع POS (وعموما نقاط البيع الحين سهلة ورخيصة لدرجة راعي البسطة اللي في الشارع عنده هالجهاز)

كذا السعودي يوفر على نفسه إيجار محل ويقتل التستر اللي حاصل في المحلات

مستحيل اشتري جوال من محل جرير والاتصالات ويالله يالله

غسيل الاجهزه الي اذكره ايام زمان كان مخيف جداً

اتذكر زين جنسيات معينه كانت تضف من المستعمل وترجع تنظفه وتشتري له وجهه جديد وسماعة وشاحن وكرتون .. الخ ثم تنزله تبيعه جديد ، صحيح هذي خفت الان لكن مازال فيه ناس تسويها سواء على الجوالات او الشواحن او السماعات او غيرها

مو كل الناس تميز او تفهم لذلك يغشون الي يقدرون عليه

اما بالنسبة لمحلات الجوالات بالنسبة لي كلها واحد وموردها واحد

نادر جدا تحصل محل مميز طبعا فيه لكن ينعدون على اليد الوحده والباقي يضف من محلات الجمله بريال وبخمسة وعشره ثم يرجع يبيعها عليك با 20 و 40 و 50

البداية كانت في امريكا عندما سيطر امازون علي السوق وافلست شركات واغلقت متاجر كبيرة بسبب الاقبال علي امازون حتي اصبح اكبر موقع عالميا ومنها اكتسح العالم وسهل موضوع التجارة الالكترونية والشراء عن بعد

الكثير عندنا واكب وتحول الي متجر الكتروني يعرض السلع البعض قاوم ويتكبد خساير

عندي صديق عنه معرض سيارات قالي قفلنا المعرض والايجار وحطينا السيارات في حوش ( مستودع ) ونعرض علي الانترنت والمبيعات ممتازة افضل من اني افتح معرض وموظفين وحراسة وغيره

التجارة بانواعها اذا لم تواكب التطور والنقلات لن تستمر

بالنسبه للجوالات

الي لعبها صح مع بداية الجائحة أتبع الخطوة التالية

فتح موقع ألكتروني + حساب متجر فعال في منصة حراج + حساب إنستغرام لأستعراض الجديد وإبقاء العملاء على كل ماهو جديد متوفر وبدأؤوا يتبنوا سالفه العروض من فتره لفتره

قطعه والثانيه مجاناً

أشتر بقيمة كذا وأحصل على كذا مجانا

بكجات مكونه من 4 قطع وأكثر

وفتح إمكانية الشحن من الموقع للي حاب أو تلقاها في الفرع إذا كنت من نفس المدينة

وأموره ماشيه بالسليم وبالعكس البعض منهم وسع نشاطه وبدأ يشوف المشاهير الي اسعارهم مو عاليه ويعلن

غير شراء الاجهزة المستعمله وبيعها وغير حتى الصيانة

اذا بتستهدف مناقصات الجهات الحكومية او الشركات الجديدة بتلقى فرص كبيرة صيانة ودعم فني وتأمين اجهزة جديدة
اذا بتستهدف سوق الافراد المنافسة كبيرة ولايوجد فرصة نهائيا

المحل متأسس قبل 20 سنه ويعتبر عندنا جرير الرجل على قدم وساق في عمله وصار مورد بالقصيم تبارك الرحمن ام المواقع مثل الاصفر وغيره عادي بعد يعيدون يستوردون
اجهزة مغسوله على قولتك مثل السماعات او الجوالات وغيره السبب شريت من عندهم مرتين سماعه ايربودز وخربت وشريت من محل خالد للأتصالت كان وقته حاط على الاصدار القديم عرض وشريت السماعه لها معي 6اشهر معي ممتازة وهو الوحيد عند 3 محافظات البكيرية . الخبراء . رياض الخبراء يجون للمحل

سبحان الله انا مستحيل اشتري من جرير واكسترا بسبب الاسعار الفلكيه

سامسونج الترا 23 في جرير 4200 ريال وفي محل الجوالات وامازون 3400 ريال

مع الارتفاع المتطرد لأسعار الجوالات والتحول الرقمي في البيع .... مستقبل المحلات مرتبط بأنها تتحول للصيانة وبيع قطع الغيار

أما المواصلة بنفس الأفكار فهو موت بالبطيئ

والله اشوفها الى الآن ماشية عندنا شارع محلات للجوالات في عنيزة وعليه زحمة

المشكله مو بالفكره ولا بالشباب .. المشكله عائدها غير مجزي انه يجيك بسيارته عشان اصلح لك ب 50 ولا 100 هذا غير تكلفه وسيله التنقل .. يعني لو يجيك على 1000 ممكن يالله يتخارج


اذا حسبتها على اعطال الجوالات كم مره شاشه انكسرت لك وصلحتها وكم مره سحبت دام انها تشتغل الموضوع فيه تغيرات احتمالات كثيره المحل اريح من المشاوير