بالنسبة لاعادة تمويل راح يعطوك نسبه عاليه ( ماراح تستفيد )

عند طريقتين :
تشوف احد قرايبك او صديق يسدد القروض كاملة مع الفيزا ( هنا يعطوك أقل نسبه ممكنه )

او تأخذ خطاب عدم ممانعه من البنك وهنا يلزمك البنك بتسديد الفيزا أو ما يعطيك الخطاب واذا سددت الفيزا تنتظر شهر كامل عشان يسقطونها

فمالك الا الصبر والاحتساب واعادة الادارة المالية

كلم البنوك شوف وش اقل نسبة لشراء مديونية
طبعا النسبه تعتمد على جهة عملك وراتبك

تشتري المديونية واحسب حساب القرض والفيزا
عشان تسددهم كلهم دفعه وحده
ويصير عندك قرض واحد فقط

بالتوفيق

مشكلة اذا طحت بكريدت كارد صعب تطلع منه لازم تأخذ قرار صارم وتخفض ميزانيات مصروفاتك وتخلي دفعات كبيرة الى فيزا وتقفله اول شيء



بعده سدد قروض



اعادة تمويل او شراء مديونيات كله بيكون مبلغ اعلى اصلا وما تنفع الا لشخص يبي يسوي اعادة جدولة



افضل سدد كريدت كارد واضغط على نفسك قلل التزامتك كله وصدقني كله سنة وتخلص كريدت كارد وقروض سهالات

الغريب ان صاحبي اخذ من بنك ساب خطاب ممانعه وهو عليه فيزا
وراح عند بنك وشرت المديونية

بعضهم يقولون ممكن يمشونك بالفيزا بس لازم يسوون عليها تامين مدري وش مافهمت
وانا بنكي الراجحي يقول الدعم الفني بتويتر لازم تسدد الفيزا

الاهلي شراء مديونيه

النسب تبدا من 1.5% لو فيه اتفاقيه مع الشركه وغالبا لو مافيه بين 2 الي 2.5

معليش سؤال يا إخوان بالنسبة لشراء المديونية

مثلا عندي مديونية تمويل شخصي وباقي لي مثلا 24 شهر والمتبقي مثلا 50 الف (مجموع أقساط)

الحين البنك اللي بيشتري هالمديونية كيف بيشتريها؟
إذا راح يقيّد علي 50 الف كجزء من التمويل الكامل، كذا ما استفدنا، مديونية على مديونية حتى لو النسبة أطلق نسبة في الدنيا

هل مثلا بيحسب حسابات النسبة الحالية في بنكي الحالي ثم بحسابات معينة يخصم ثم يقيّد علي مثلا 47 الف؟

وهذا يجرنا إلى سؤال، البنك الحالي كيف يحسب السداد المبكر للتمويل الشخصي؟

مثلا أخذت تمويل 100 الف (هذا الكاش اللي دخل حسابي) على خمس سنوات بفايدة مثلا 3%
هذا يعني أن الفائدة الإجمالية 115000 (نفترض أن الرسوم الإدارية ملغية) فتقسمها على 60 شهر يطلع لك القسط الشهري 1916.67

مثلا بعد ثلاث سنوات، أبغى أسدد (أو بنك ثاني يشتري المديونية). هنا أنا يبتقى لي 24 شهر في 1916.67 = 46000 ريال
46 ألف ريال مجموع الأقساط المتبقية لكن المفروض إذا بأسدد الآن، أسدد أقل من 46 ألف

عاد مدري كيف تنحسب. أتوقع بطريقة عكسية.
الفايدة للسنتين المتبقيتين 6%. فقيمة الكاش الآن لمجموع الأقساط اللي بتندفع في المستقبل = 46000/1.06 = 43396.23

هل كذا حساباتهم؟ إذا أنا بأسدد مبكرا بعد انتهاء ثلاث سنوات (أو بنك آخر بيشتري المديونية)؟

انا كان عندي تمويل من بنك الجزيرة
وفيزا بنك الجزيرة

نقلت المديونية إلى بنك ساب
ولازالت الفيزا شغالة واستخدمها الى الان

من ضمن خيارات البنك في التطبيق تختار تبغى التمويل او التمويل والفيزا
اخترت التمويل فقط

اذا تبي تعرف كم قيمة السداد المبكر
ادخل البنك وعلى تفاصيل التمويل ويطلع لك الاجمالي
وتلاقي فيه مبلغ السداد المبكر

واذا صملت تطلب خطاب عدم ممانعة
بس دائما الافضل تاخذ الخطاب بداية الشهر بعد سداد القسط
عشان يكون عندك وقت تخلص اوراقك في البنك الثاني وما تتلخبط الحسابات

خطاب عدم الممانعة يكون فيه نوع التمويل وقيمته كاملة
ورقم مرجع ورقم الحساب اللي يحولون عليه البنك الثاني

البنك الثاني ينزل التمويل الجديد لحسابك ومن ثم يخصمون منه المبلغ اللي مسجل في عدم الممانعة ويحولونه على الحساب الموجود في خطاب عدم الممانعة
في الغالب خلال 3 ايام عمل توصلك رسالة بسداد التمويل
اطلب من البنك القديم اخلاء طرف
وارسله للبنك الجديد عشان يفكون عنك الحظر عن التمويل اللي طلبته
لأن غالبا مبلغ التمويل الجديد يكون في حسابك لكن معلق ما تقدر تستخدمه

الراجحي معقد ما يفك العميل بسهوله

صديقي عليه فيزا وتمويل وخلا بنك اخر يشتري تمويله مع ان الفيزا بافي بالبنك الاول
ولا رفضوا وعطوه خطاب الممانعه

الراجحي يقول عن طريق تويتر لازم اسدد الفيزا !!!
وش معنى الراجحي


بعضهم يقولون ممكن يمشي لك الفيزا اذا سويت لها تأمين مدري وش مافهمت موضوع تأمين الفيزا ذا ؟؟؟؟