السلام عليكم و رحمة الله و بركاته

حصلت لي مشكلة في جوالي Z fold 4 حيث ان الجوال اصبح لا ينفتح بالكامل
(شوفوا الصورة)
https://ibb.co/vh2Ss7v

رحت لضمان المستقبل و قبل لا يعاين الجهاز قالي الجهاز هالمشكلة مايشملها الضمان و ان دام صارت هالمشكلة فهي من سوء استخدام. حاولت افهمه ابدأ مايتفاهم. وريته في النت ان المشكلة شائعة و كثير يشتكوا منها قالي هذا الي عندي.

كلمت خدمة عملاء سامسونج و اتضح انه عندهم خدمة ياخذون الجوال منك عن طريق سمسا.
سلمتهم الجوال و كلموني ثاني يوم قالوا لي ان الجوال خارج الضمان لوجود خدش سببه ان الجوال سقط. قمت اخذت و عطيت معاهم و ان الجوال ماعمره سقط و الجوال شبه جديد و لو فيه خدوش فهي اثار استخدام فقط لا غير.
عاد قالوا هذا الي عندنا.
قلت طيب ارسلوا لي صورة الخدش خل اشوف.
(شوفوا الصورة)
https://ibb.co/6n7QzLP

و هنا التحايل. طلعوا لي خدش اتوقع انه لا يرى بالعين المجردة و عملوا عليه زووم كبيير جدا عشان يظهر و تحججوا فيه انه هو السبب

طبعا انا شكيت ايش هالخدش الي بهالحجم و انا مو منتبه له مايصير.. او يمكن انهم هم الي تسببوا فيه
فطلعت صورة بالنت للجوال و اتضح لي ان المكان الي مأشرين عليه اصلا صغيير جدا جدا جدا و لكن من كثر التقريب عملوه انه صخم
شوفوا هذي الصورة (مأخوذه من النت)
https://ibb.co/87tmSrw

تلاحظوا ان مكان الخدش الي يتكلموا عنه اصلا صغير لا يذكر

طبعا الأن راح ارفع عليهم شكوى في وزارة التجارة.
و راح اخبركم ايش يصير

علما ان الجوال ما كمل سنة للأن.. شاشة الحماية فكت و الجوال صار ماينفتح و زي ماشايفين الضمان قاعد يتحجج

علما ان المشكلة شائعة جدا فقط اكتبوا في قوقل
Z fold 4 hinge issue
بيظهر لكم مواضيع كثير جدا توضح انه في خلل في الهنج عند الكثير

موفقين جميعا