فيه كثير في اليوتيوب شارحين الاجراءات وطريقة طلب التصريح وفسح الجمارك
شف فيديو لاكثر من شخص حتى تاخذ صورة كامله عن الطريقة

باقي ما شفت المقاطع لكن حضر في ذهني رد

التصريح والفسح يمكن للاستخدام
لكن اللي في حراج لديهم كميات 3 إلى 4 وربما أكثر..
لا أعتقد انها مصرحة ، ولو كانت كذلك لاعلنوا لزيادة جاذبية البيع.

شفت مجموعة مقاطع تتحدث عن التصاريح

لكن يمكن الشراء من حراج دون تصاريح
ما فائدة هذه التنظيمات؟

صراحة ماقد بحثت واهتميت لموضوعها
لكن بعد ردك مريت على حراج
لقيت اللي يبيعون كميات اسعار رخيصه من 60 ريال الى 350 ريال واتوقع حدها حول الشخص حواليه ماهي اللي عليها الكلام

انا حديثي عن طائرات dji الصينية الاشهر في هذا المجال

عندك mini 3 و mini 4 اسعارها الطبيعية بين 2800 و 3700 وتباع من 4000 إلى 4800 وأكثر.

ابشرك لو تاخذها من بايع جملة او بدون ضرايب برا راح تلقا الميني 3 مثلا ب 1900 ريال مع ريموت RC الي بشاشه



اما التصريح والمقاطع الي شفتها كلها كلام فاضي

الظاهر مايعطوها الا للمشاهير لاني مقدم من شهر 10 بدون اي جواب منهم

لي 5 سنين احوس في هالموضوع ولا اعرف الجواب الشافي

اذا عندك تحديث علمني

لذلك أنا أسأل:
كيف استطاع هؤلاء الأفراد في حراج استيراد
هذه الكميات...؟ كيف فسحوها من الجمارك؟

ممكن مدخلينها عن طريق البر من الكويت او الامارات

مافي تدقيق قوي لان في الاخير ماهي ممنوعة من الدخول زي الحاجات المحرمة

وبس تحتاج تصريح وفسح جمركي من هيئة الطيران او ممكن ثغرة لان لو تجيب فسح جمركي من هيئة الطيران الجمارك راح يعدوها لك وتلقا الي عرضها موظف ولا شي...

انا غن نفسي فقدت الامل في التصريح والدرون حقي طول وانا تاركه برا

و من كم يوم جبته وانا جاي طيران وكنت شايل المراوح ومغلف الدرون وحطيته بين الملابس في شنطة لحاله والكرتون في شنطة والحمدلله دخل بدون مشاكل

جالس افكر ابيعه واشتري نوع احسن لان الي عندي mini 3 مش برو

شكرا لك..

ننتظر افتتاح dji لفرعها في المملكة وبالتالي تكون الأسعار معقولة

السلام عليكم



شفت اسئلة الاخوان وحبيت افيدكم حسب قدرتي


فيما يخص التصاريح الرخصة لمزاولة الطيران اهم
وهي الي تساعدك في عملية الاستيراد من اللخارج
الي يبي النصيحة شوف اقرب نادي طيران ريموت

واشترك معاهم هم بطريقتهم بيستخرجولك رخصة طيران
وبعدين برخصة الطيران تقدر تطلب

او تكون عندك رخصة دولية وتقدم على موقع الجاكا طلب رخصة محلية

موفقين

تجربتي


طلبت درون وطلبوا مني رخصة تصريح جمركي وسويته جلس استخراج التصريح 41 يوم الطلب تقريباً ووافقوا عليه
وبعدين طلبت من المتجر يزودوني بالرقم التسلسلي ورفضوا لكن بعد الحاحي لهم وافقوا


المهم المتجر ما وضح للمخزن انه لازم يزودنهم بالرقم التسلسلي للدرون وشحنوها للاسف


وجات الدرون السعودية ونشبت مع الناقل ، وليومك هذا لنا 3 اسابيع انتظر فقط يزودوني برقع التسلسلي علشان اقدر اطلع تصريح الدرون الثاني ( تصريح رخصة الدرون )


حسب اللى وصلنا له ان الدرون بترجع للمخزن وياخذون الرقم التسلسلي ويرجعونها للسعودية


وانا صابر مع كل هالمزهله اللى صايرة معي


وانا طالب الدرون من تقريبا ثلاث اشهر تخيلوا هههههه

لازم تصريح ولا تفكر تشتريها بدون تصريحة عشان ماتدخل في مسأله مع النيابة العامة انت في غنى عنها

اما بخصوص حراج والبائعين الي فيه هذا موضوع اخر
لكن ثق انه مخالف وممنوع واي قفطه تروح ابو زعبل




هذا خطاء مشترك بينك وبين البائع ولو اني ارجح الكفه اكثر على البائع

معروف الدرون لها فلسفه في كل دولة بالعالم من ناحية تنظيمية ومن ناحية منع او خلافه لذلك كان من باب اولى هو يكون عنده علم ولو ماعنده علم

انت توصل له المطلوب لاني اعرف ان الدرون مربوطه بالرقم التسلسلي من اول ماتم السماح فيها قبل 5 سنين اعتقد

فمترض قبل الدفع تقوله لاتشحن ولا تسوي شيء قبل لا تعطيني السريل نمبر

ولو انه شاحن قبل كيذا للسعودية ماحتجت تعيش المهزله هذي

كنا على اتفاق بهذا الموضوع ، لكن شحنوها بدون اخذ موافقتي اصلا وارسلوها لي



وترا اليوم قدرت اقنع شركة الشحن انها تزودني بالرقم التسلسلي بالعافية


وارسلوا لي الرقم ورجعت اقول لهم صوروها صورة علشان بتاكد من الرقم التسلسلي الصحيح خفت لايعطيني رقم خطا او شي



والحمد لله مشت اموري اليوم وباقي بس يوافقون على تصريح الطائرة

اجل اسمحلي البائع او الموظف الي عنده مغفل وهذي وارد انها تصير ويتحمل نسبة الخطاء 100% اذا كانت شركة محترمة لانه ممكن تتصادر ممكن ماترجع للمصدر انا بالحاله وش ذنبي بالموضوع

لذلك الحمدلله امورك مشت على خير :11:

السلام عليكم

باذكر تجربتي والي كانت قبل اسبوع بالضبط

كنت في اجازه قصيره في دبي واشتريت طائره DJI AIR3 قبل موعد سفري بيومين

وكانت النيه اني استخرج تصريح قبل ما ارجع المملكه عشان ما اتقروش في المطار وفي حال عدم صدور التصريح فارجع الطائره قبل رجوعي واسترجع قيمتها
وقمت بعمل طلب التصريح ومن ثم مخاطبه القسم المسؤل عن تصاريح الدرون بالايميل وطلب التعجيل بحكم السفر وفعلا ما قصرو الاخوان وتم اصدار الفاتوره ومن ثم اصدار التصريح بعد السداد في نفس اليوم

علما اني لما دخلت من المطار ما حد طلب تصريح ولا سال عنها :55:

ايميل قسم تصاريح الطيران للمعلوميه [email][email protected][/email]

من اكتوبر وانا اراسل هذا الايميل ويجيني نفس الرد نسخ ولصق

طلبك تحت الاجراء

دخلت موقعهم لقيت فيه شات تقدر تكلم الموظف كلمته ورفعلي طلب واعطاني رقم وليومك هذا مافي نتيجة

انا قيدي دخلتها واقدر استعملها خصوصا في الاماكن الي مافيها ناس وعمران بس بكون نظامي

غريبه جدا

ردهم علي كان سريع وتمت جميع الاجرائات في نفس اليوم, طبعا انا اخربتهم ان قادم من الخارج بعد يومين واحتاج التصريح قبل رجوعي للملكه

لي سنتين ابشرك وللحين ماردوا علي :d