وعليكم السلام والرحمه

نصيحة حطها بالعقار اشترلك قطعه ارض او ارضين تكون فمنطقة قريب تتطور
انا ماعرف انت من اي مدينه
بس العقار فالرياض ومكه وجده والمدينه مولع حتى فالمخططات الجديدة

لذلك اشوف العقار افضل استثمار مضمون بيكسبك

مشكور على الرد

المشكلة اني احتاج المبلغ لشراء أرض بعد فترة وأحتاج يكون الخروج من الاستثمار بشكل سريع

السندات(الصكوك) هي اقل طرق الاستثمار مخاطرة(مقارنة بمثيلاتها) مو الاقل على الاطلاق.

اخبر فيه كم منصة (منهم وحده تابعه لبنك البلاد اذا ما كنت غلطان) تقدر تشغل فلوسك في السندات(الصكوك) عن طريقها

وانت اصلاً تحتاج تسجل في اكثر من منصة او تسجل بأكثر من هوية مستقلة عشان المنصات هذي حسب خبري البنك المركزي فارض عليهم حد اعلى لإستثمارات الافراد 200 الف ريال

حدد تاريخ حاجتك للفلوس من اليوم و دخلها للتاريخ المحدد

(تأكد من مشروعية الي بتدخله اول شي و لا تنسى تتأكد من الزكاة وش وضعها هل هي مدفوعة مسبقاً ولا عليك دفعها)

دامك ما تبي الاسهم ما اشوف غير الصكوك
لأن الاستثمارات العقارية عبر منصات الاستثمار مع اني مو مطلع بشكل جيد عليه لكن اشوف بعض الاحيان حتى مقارنة بسوق الاسهم انه اعلى امان منها

الذهب(و الفضة جزئاً) متقلب و هو في الاصل اداة لحفظ المال مو استثمارة غير كذا زكاته السنوية بدون ارتفاع مجزي فيه بتلعب بحساباتك

اذا تقدر تطول مدة عدم حاجتك للفلوس العقار اعلى امان
لأن مردودة او بمعنى اصح استعادة رأس المال لشكل العقار الي تقدر تدخله بهالمبلغ بطيئه مع انك تقدر تبيعه في اي وقت(نظرياً) بس حتى هذي مو مضمونه ممكن فجئه تنعرض كمية كبيرة بالسوق و ينزل سعره او ممكن انت شريته بناء على حسبة انك بتأجرة و في البيع مو مرغوب او اي سبب ثاني


استبعد العملات الرقمية و اي شي قريب منها لأن الاسهم اعلى امان منها اصلاً
استعبد تداول العملات الورقية لأسباب كثيره

مازل ابو سنة مانصحك الا بالصكوك اللي عائدها 5% مثل صناديق الراجحي

بس هل تسوى 25 الف ربح المخاطرة عن نفسي اشوفها لا .

خل فلوسك في حسابك السنة هذه لين ماتشتري الأرض

حطها في منصة اسمها آصيل وتآكد من اللجنة الشرعية للفرصة المطروحة اهم شيء

دام فيها استثمار سريع خل فلوسك في حسابك لين تشتري الارض

مافي استثمار مضمون هذا خالص منه فانصحك لا تتهور وتقدم على شي وتطير ال٥٠٠ لاسمح الله بالذات انك تحتاجها لشراء ارض السنه الجايه

الاستثمار بالوكاله من بنك البلاد

ممكن بالسنه عائدها 5.75%
مخاطرها شبه معدومه.
يعني من 500,000 راح يجيك بالسنه تقريبا 27,500.

اشوفها مش بطاله.

الزكاه انت تطلعها

التخضم الطبيعي هو 2بالمئة فالسنة يعني 500000 هي اصلا تنقص من قيمتها 10000 كل سنة
للمعلومية التضخم السنة الي راحت 9 بالمئة لدولار



نجي لربحك ال 27500 تنقص منها الزكاة 12500 وتنقص التضخم 10000 يعني ربحك 5000 ريال :66:
كلام فاضي وغير مجدي

على كذا الذهب راح يرتفع سعره، يشتري ذهب ويخليه الين تجي عازته ويبيعه بمربح، دخول وخروج سريع وحفاظ على القيمه من التضخم

https://www.adslgate.com/dsl/showpost.php?p=108...

افضل شيء سندات الراجحي

ماقصروا الشباب
الحل الأفضل لك تربطها بوديعة إسلامية بعائد سنوي من 5.5-6% وفيه بنوك تخرج الزكاة عنك اعتقد البلاد والراجحي .
عائد قليل ولكنه مضمون بإذن الله ومتى ما احتجت المبلغ قبل الموعد المتفق عليه بإمكانك تكسر الوديعة . بعض البنوك ممكن تعطيك ربح الفترة اللي استمريت فيها معهم وبعضها لا لأنك خالفت العقد وكسرت الوديعة.

افضل شيء قرأت عنه صندوق عوائد حق الراجحي موجود في تطبيق مباشر حق الحساب
تدخل مباشر ثم من قصى اليسار زر استكشف ويطلع لك
وتحسب العائد المتوقع بعد تعبئة البيانات يعطيك المتوقع اذاا اعجبك كمل

ابحث عنه باليوتيوب تاخذ معلومات اكثر

واطبع الورقه الخاصه فيه ومخمخ عليها

جرب اول 6 شهور مبلغ 100 الف واذا سلكت معك ادخل باقي المبلغ

الفلوس بدون استثمار ترا تسحب منها وانت مادريت

شكرا لكم

ولكن منصات الصكوك أرباحها افضل.
ال 6 شهور تقريبا 8٪ علي بعض المنصات

انا داخل بمنصة دينار .. قرات احصائياتها السنة الماضية و كانت ناجحة 100% .. تطرح الفرص مع العائد المتوقع و تكون بعدة مدد .. 6 اشهر و انت طالع .. حلوه كجزء من المبلغ و تدخل بكل فرصة بمبلغ 10 الاف

الصكوك زينه واشتغلت فيها قليل لكن ماهي مضمونه من ناحية التعثر لو يسحب عليك واحد خرب الشغله كلها
والعيب الثاني اذا احتجت الاموال لازم تحتري تاريخ اطفاء الصك

تابع الفيديو قد يكون مفيد لك

https://youtu.be/Kl02DkqI7wU?si=F3RCIluvb6o_zr5T

خذها قاعدة

اذا ارتفعت فوايد الفيدرالي = اربط مبلغك بوديعه تعطي 6% سنوي
اذا انخفضت فواي\ الفدرالي= اربط مبلغك في منصات الاستثمار المصرحة من البنك المركزي ولاتنسى منصة ايصال التابعة للبنك المركزي تشتغل كمخصم بجزء من مبلغك لأنه مايعطون ضمانات على الاستثمار