سلام عليكم
اخوي انا اواجه حاليا نفس المشكلة والكرت والبي سي كلهم جديدين مالهم 10 شهور
تقدر توصف لي المشكلة بالضبط؟ ، يعني يوم تصير الشاشة سوداء ومراوح الكرت على اعلى شيء باقي تسمع اصوات الويندوز؟ ، وهل حلها الوحيد انك تطفي البي سي وترجع تشغله؟

ايوا باقي اسمع اصحابي يتكلمو وكل شي لكن الشاشه سوداء والحل الوحيد ريستارت، طبعا قروشه كل شوي فالرستارت معد صار حل ، الحل قلتلك فوق طلع الكرت الشاشه ونظفوا على السريع وارجع ركبه مكانه، تصدق من يوم سويتها ليومك ذا ، ولا مره وحده جتني ذيك المشكله!! ولامره وحده بعد ماكان كل يوم

ما شاء الله تبارك الله الحمدلله ، والله انا ما ادري وش سبب المشكلة لكن سويت زي ما قلت وعسى ذا السبب ، لاني بحثت كثير ومافي سبب محدد ناس تقول من الكيبل حق الباور وناس تقول من الكرت نفسه ، اذا استمرت مالي الا اكلم msi عالضمان والله يعين

سبب المشكله
يرجع لأمرين ضعف مدخل الكرت للمذبورد فبتالي يتحرك حركة صغيره ينتج عنها خلل في الاستقرار بسبب ضعف التلامس
او عدم توصيل الكرت كامل بالشرايح الكهربائية لو اردنا تصورها

الامر الثاني تحرك الكيس حركة تؤثر على القطع الداخلية وتخرج بعضها من مكانها

ومشكلتك تحصل ايضاً مع الرامات ومع الكروت الجديده ذات المبرد الضخم لابد حامل لها لكي تخفف حمل منفذ الكرت

المشكلة الكرت يفصل والمراوح تزيد سرعتها يطلع شاشه سودا وتسمع اصوات اللعبه او ويندوز ولازم تعيد الجهاز عشان ترجع وبترجع نفس المشكلة اذا شغلت اللعبه او اي برنامج يعتمد على الكرت

حلها

حمل تحديث الكرت ستابل
أو
ممكن الكرت تفكه وتركبة من جديد من المذربورد
أو
ممكن تسوي اندرفولت للكرت من 25-% الى 50-% ببرتامج AMD أو NVIDIA
أو
وممكن تكون من فيش البورسبلاي يبيله تغيير
أو
وممكن تكون من البورسبلاي يبيله تغيير
أو
أو ممكن الكرت يبيله تغيير معجون حراري
أو
ممكن الكرت خرب عندك

هذي كلها حلول تحل نفس المشكلة شاشه سودا وتتسمع اصوات ويندوز