90% من الشعب كذا
يمكن الطب بس اللي كل واحد في تخصصه
دامك مرتاح في الشغله ومردودها كويس استمر ويمكن تكسب خبره تجارية ومحاسبيه وتفتح مشروعك الخاص
الا في حال حصلت مكان تمارس فيه تخصصك وفيه مردود مادي يرضيك اتجه له
لان اللي مكتوب في الأنظمة مانطبق في الواقع يقلك راتب المهندس كذا وعمولته كذا . تجي على ارض الواقع يقلك هالشاغر متوفر عندي وراتبه كذا ( اقل مما يذكر ) تبيها ولا غيرك بياخذها .

انا عملي ومسماي فيه بدلات وحوافز ماديه لكن موقفه علينا فرافض اشتغل على المسمى حقي والتخصص واشتغل شغل خفايف دبس ورق خرم ورق احفظ ورق

بالتوفيق

بما انك تقول ----- مرتاح
فهذه النقطة اذا كنت مرتاح نفسياً لا تفرط فيها


لكن بقول لك شيء
عندي دبلوم حاسب ودوامي كان استقبال بشركة
اقدر اغير لك المسمى الوظيفي واقول - ديكور
فقط مجرد قطعة محطوطة على مدخل الشركة


طوال عملي معهم ما عمر جاني شعور اني مرتاح
مع ان المظهر للوظيفة اني فعلا في قمة الراحة
لكن عمل بدون انجاز بدون تطور بدون فائدة :62:


دخل معي نفس الشركة محاسب ..
كلنا الاثنين جايبينا على شان نظام مكتب العمل
خويي يدخل الساعة 8:30 يبصم 8:31 طالع

اقول له ما عندك عمل تسويه
قال هم قايلين لي لا اسوي شي ارتاح

يجي الصباح يبصم دخول
ويروح يتقهوى في المقهى لبعد الظهر
ويرجع يبصم خروج ... هذا دوامه

هو يقول زيك انه مرتاح
بس تعابيره ما توحي انه مرتاح على وضعه


أسأل الله لك راحة تملأ نفسك
ورضا يغمر قلبك وعملاً يرضي ربك
وسعادة تعلو وجهك وذِكراً يشغل وقتك
وعفواً يغسل ذنبك وفَـرَجاً يمحو همك

بقولك شي وانت حكم عقلك

الراتب البسيط في البدايه هذا هو وضع 90% من الخريجين يعني وضعك طبيعي في وقت من الاوقات -وركز زين- وقت لازم تستغله صح بتجيك قفزه في الراتب مع ترقية او شركة ثانية او مجال مختلف المهم انك تعمل وتأدي الي عليك وتستشعر مراقبة الله جل وعلى لك يعني تخلص في عملك
راح تجيك هذي اللحظه بس انت استمر على اجتهادك وانضباطك




ملاحظه خارج السرب:
( دخلت المنتدى بالغلط :mrgreen: ناسيه، مسجل من 2009 ايام الجامعه ثالث سنه هندسة ايام ميتل جير 4 و ديمون سول واون لاين كيل زون 2 :mrgreen: وقبل الوظيفه والزواج والابناء كنت هاج داج ماعندي شي والان مدير على ادارة في جهة شبه حكوميه كبيره ولله الحمد، ماني مصدق ان المنتدى لازال موجود ومحافظ على ستايله القديم، يالله كانت أيام جميله، والحساب بيني وبين اخوي يدخل يرد بعض الاحيان
اعذرني شطحت شوي )

اسمع العلم الطيب :20: انا نفسك ونفس تخصصك ..
انت ايش تبي بالضبط طبيعه العمل ومكان العمل ..

انا تركت التخصص في مجال ميداني وركزت على مجال الاداري المكتبي
دور على هذي المسميات الوظيفه والي مشابهه لها لانك مهندس تقدر تدخل فيها

Planning engineer
risk engineer
Safety engineer
Procurement Engineer
Supply chain engineer
estimating Engineer
Sales Engineer << هذا الي انت شغال فيها الان


مو شرط تشتغل فيه نفس المسمى على الشهاده ,, ممكن شي يكون له علاقه 20-40% من تخصصك عشان يسهل على الشركه امر الشراء / تطوير بعض المنتجات يحتاجون يكون فيها مهندس ملم بالتخصص الكهرب او الميكانيك على حسب كل شركه

بعض المسمسات تتطلب شهاده معينه او دورات راح تعزز موقفك مراح تكون اساسيه بالشركات الي بتقدم فيها .. والله يسهل لك ..

انا شغال الحين مع اداره SCM مرتاح الحمدالله كرف صحيح ولكن خلاص صار لي 2019 متخرج ما حصلت شي بنفس المسمى قمت ادور المسمات الفرعيه سبحان الله اكتشفت هذا الي ارتاح له اكثر من جو المصانع و الفيلد

نعم مهندس مبيعات ، شغلتي تعتمد على القطع الميكانيكية وشوية كهرباء والحمدلله عندي معرفه بالأثنين

عادي أنك تبدأ بوظيفة في غير مجالك, اللي مو عادي أن هذي الوظيفة تخليك تنسى تخصصك..

استمر في الاطلاع والاندماج في تخصصك أو شيء يتبع لتخصصك ويساعدك تروح للأعلى, دورات, شهادات, تكون ملم بالحديث والتعرف على الشركات المحلية والعالمية المهتمة بنفس المجال, اندمج معهم في لينكدان وشوف أيش مشاريعهم الجديدة وأخبارهم وتقاطع مع موظفينهم لايك هنا واعجاب هناك :68: وسع علاقاتك مع الناس اللي بالمجال والرزق يجي لو بعد سنتين والله فجأة يجيك اتصال: أخبارك علومك, عندنا بالشركة يبحثون عن شخص خبير بالبرنامج الفلاني وذكرت أنك تشتغل فيه قلت أكلمك :38:

تراك يوم تقول لا يقارن براتب المهندس غلطان, راتب المهندس مايتعدى المبلغ اصلا وكويس اذا بدأ به, ولا يصير راتبه افضل الا بعد سنين من العمل والخبرة, ومجال عمل عن عمل يفرق حتى في نفس التخصص من ناحية الفائدة والمردود والخبرات , ويمكن الحوافز اللي تأخذها تخليك تتخطى المهندسين بفارق.

دامك مرتاح خلك في وظيفتك واجتهد واسع ترتقي فيها حتى لو ماكانت بمجال تخصصك, واذا حاس بذنب على تخصصك لأنك ماتستفيد منه , ما يمنع كشي جانبي مع وظيفتك واجتهادك فيها انك تبحث عن عمل في مجالك, اذا لقيت شي مناسب لك تقدر تتوكل على الله وتتجه له , واذا مالقيت تكون ضامن مكانك ومستقبلك في نفس الوظيفة اللي انت فيها.

معلمين تركوا التعليم على الرغم انه في مجالهم واشتغلوا في مطاعمهم الخاصة , لا لسبب الا لراحتهم النفسية وتحقيق الدخل الأفضل, وكذلك اطباء و مهندسين وعسكر تلاقيهم فاصلين من وظائفهم اللي فمجالاتهم باختيارهم وشغالين في فود ترك ومطاعم وبقالات ... الراحة والنفسية أهم شي.

نفس وضعك :)

المسمى والتخصص والعمل عندنا زي قميص النوم
يستخدم لكل شيء ماعدا النوم
:d

8 الاف وانت فريش ومو مقتنع ؟؟؟ ومميزات فيها كمان

عليكم السلام ورحمة الله وبركاته


استمر فيها ترا المبيعات اذا كونت لك اسم و علاقات بتفتح لك ابواب ما تتخيلها

راجع معدل رواتب المهندسين

ماجربو الجوع والطفرة عيال البابا والماما

عيال البابا اقول تشتغل مرتاح ما يهم في تخصصك او غيره مشكله يجونك يقولك انت مو قد الكرف انا شهادتي ثانويه وتحصل ناس مرتاحه دبل راتب بس يقعد يصور سناب ولا يوتيوب وانت لما تستغيل من وظيفتك يقولك مو قد الشغل تعذبني واقف عشر ساعات وبريك قليل وتحسب ليه وفوقها تقعد تقول ليش تتاخر عيب اذا شركه دخلها قوي وتحاسبك في كل شي وراتب ياليل الحرج يكفي

ابغاك ترجع انت وتسجد لله سجدة شكر على نعمه
وانا كمان:2::4:

مو مهم تشتغل بمجال تخصصك. اهم شي الراتب

وعليكم السلام ورحمة الله وبركاته

فاهمك زين لأني مريت بتجربة ليست بعيدة عن تجربتك ولكن تسبقك ربما ب20 سنة
لما طالب هندسة كهربائية يتعلم في أمور علمية هندسية رهيبة ثم لما يدخل سوق العمل يجد نفسه بعيد فأكيد تجي له حالة عدم ارتياح

وهذا بعكس كثير من التخصصات مثل المالية أو المحاسبة أو الطب وغيرها اللي غالبا خريجها يشتغل في مهنته بالضبط

لكن تعلمت من الحياة الوظيفية أن خريج الهندسة عموما، وهذا عالميا ولكن عندنا أكثر، مو شرط يشتغل في نفس مجاله

خريج الهندسة السعودي نادرا ما يعمل في مجال هندسي علمي بحت. بل أغلب شغله يندرج تحت باب الإدارة الهندسية ولذلك كثير من المهندسين يكمل في ماجستير الإدارة الهندسية

عموما، انت وظيفتك والحمد لله فيها بعض الميزات، القرب، والحوافز، والراتب لا بأس به. عسى بس الشركة جيدة وفيها أنظمة جيدة وناس خبرات تتعلم منهم.
والبيع، وضغط العمل، يعطيك مهارات وخبرات في زمن قصير

رأيي أكمل بكل اجتهاد، وفي نفس الوقت فكر في الماجستير وكذلك في برامج التدريب المقدمة من جهات حكومية مختلفة مثل مؤسسة محمد بن سلمان (مسك) ووزارة الاتصالات وأكاديمية طويق. عندهم برامج عن الإدارة والقيادة والتحول الرقمي وعن الذكاء الاصطناعي وغيره.

أيضا هناك كورسات موجودة في Coursera و edx عن الشبكات الكهربائية الذكية smart grid وهذا مستقبل شبكات الكهرباء

والله الموفق

وعليكم السلام ورحمة الله وبركاته نصيحة لك اخوي طالما انت مرتاح في شغلك كمل فيه ولا تروح مكان ثاني وتندم عليه لان بيئة العمل والراحة النفسية انا اشوفها افضل من الراتب ايش الفايدة تاخذ راتب 10 او 15 او 20 الف و بيئة عمل تجيب لك الهم والاكتئاب وراتبك ما شاء الله يعتبر كويس لان اعرف كذا مهندس رواتبهم قريبة منك طبعا ما اتكلم عن الشركات الكبيره ونصيحتي لك دائما طالع اللي اقل منك وقول الحمدلله انا عندي اعاقة ولا اقدر اشتغل اي شغلة ولا اي مكان ابغى وظيفة تناسبني لو 2000 مو محصل بالتوفيق لك