مافي نظام ينافس الماك بالسلاسه

لكن الويندوز واحد والاجهزه بحر واسع من المواصفات وانت واحتياجك

طيب ليش ما تركب وندوز على الماك اذا استخدامك بسيط

جربت الفكرة بس المشكله ماتعطيك نفس تجربة الوندوز الأصلي، حتى في برامج الاوفيس

انا جربت hp و Dell
الدل ممتاز

وعليكم السلام
لو قلت معالج انتل بدال m1 كان افضل لان بصراحة معالج ام ١ شي خرافي

عالعموم ذي بعض الاصدارات من بعض الشركات اشوفها مشابهه للماك بالتصميم والقوه
مايكروسوفت ( لاب توب مايكروسوفت سيرفس )
لينوفو ( اصدارات yoga slim )
اسوس ( اصدارات ZenBook )
اتش بي ( اصدارات EliteBook )
هواوي ( ميت بوك دي 14 )
ديل ( اصدارات xps )

ولكن بالنهايه لا تخسر فلوسك وخلاص اشتري شي حسب احتياجك وعملك

ليش حددت في لينوفو اصدارات yoga وحددت منها اصدار ال slim ??
وش معنى هالاصدار اللي اعرفه انه نفس الاصدار العادي بس انحف

ياليت توضح يهمني اعرف اكثر عن سلاسل فئه yoga من لينوفو
وماهي افضلها وغيرها

هلابك عزيزي
افضل اجهزه بلينوفو بدون شك سلسة الثينك باد .. ولكن ماتتوفر هنا الا باسعار فلكيه
فاعتقدت ان السائل يبي شي من هنا جاهز وبسعر معقول ذي اول نقطه
ثاني نقطه ردي تفضيل شخصي ووجهة نظر
سلسلة yoga تعتبر متوسطة الى عليا وافضلها اكيد سلسلة البرو ..
هالسلسله بطاريتها بالغالب ممتازه وحجم وتصميم الجهاز مشابه للماك والشاشه اوليد
والسعر معقول على المواصفات وحتى مواد تصميع الجهاز تختلف عن الاصدارات العاديه زي سلسه لينوفو ايديا باد ..


و اذا كنت تبحث عن افضل جهاز بلينوفو وعادي تجيبه من بره اتجه للثينك باد لان هالجهاز سالفه لوحده وخط انتاج مستقل نفس لكزس بتويوتا

صحيح بس اذكر سلسله البينك باد اشكالها بدائيه

بس بايش تتميز ؟

اجهزة ThinkPad ايام ما كانت تبع IBM قبل اكثرمن 30 سنة
كانت موجهة للشركات و الاعمال

الاجهزة تتميز بمواصفات عالية و تتحمل الشغل المتواصل عليها و توافق انظمة الويندوز عليها و قلة الاعطال

لدي جهاز ThinkPad x12 شبيه بالسيرفس برو
لم اشتكي من اي شيء منه

بالعكس ذي افضل سلسه ورأس مال لينوفو باللابتوبات لدرجة ان لها مسار تصنيع خاص

الجهاز فيه منه مقاسات مختلفه 13 و 14 و 15 … انش

وماقصر اخوي RMDI
تقدر تقرا اكثر عن الاجهزه بالبحث فاليوتيوب

لكنها باختصار اجهزة اسطوريه

في عرض اسطوري على جهاز Lenovo yoga pro 7 في اكسترا بحكم متابعتي للسوق مافي اي جهاز ينافسه بالسعر والمواصفات
نازل عليه عرض جامد كان سعره تقريبا 5600 ريال
الان ب 2900 ريال
مواصفاته i5 13500H Evo يعادل بقوته i7-1360P
شاحن تايب سي 140W
كرت RTX3050 6GB
16GB RAM 5200 DDR5
512 m.2 Nvme
14.5" Ips ani glare 3K
امس اشتريته والجهاز جميل لكن امانةً ماراح تحصل نفس بطارية ال M1 لكن الجهاز وحشش بمعنى الكلمة مواصفات وسعر

توي اشيك اونلاين مكتوب انه out of stock لكن لايعني انه مخلص...
بالمعارض لو كان في اقل من 4 حبات وأقل يطلع اونلاين انه مخلص.

اجهزة الـ ThinkPad تعتبر Commercial laptops نفسه نفس الـ Hp EliteBook, Asus ExpertBook
مخصصة للـ Business
وبعضها يجي بمعالجات انتل vPro يكون فيها سيكيوريتي زيادة

لو استخدامك طبيعي مايحتاج تشتري الثنك باد