وعليكم السلام ورحمة الله وبركاته

كيف يكون تعاملنا مع المدير وزملاء العمل ؟


الجواب بكل بساطة : عامل الناس كما تحب أن تعامل .

مافي شي كامل الا في a Perfect world والمدينه الفاضله :)

اهم شي التواضع قم بعملك ومهامك ولا تقصر فيها وطور من نفسك وامورك طيبه جرب العطاله لفتره وستدرك انك في خير ...

أظن عامل الناس كما تحب ان تعامل يجري في الامور اليوميه والحياتيه مع الاقارب وعامه الناس

لكن في بيئه العمل اظن يجب تكون هناك ضوابط للعلاقات وامور مهمه يجب معرفتها قبل ذلك .. وهذا ما اسألكم عنه

الأمر الذي لازم تعرفه

مكان العمل قائم بشكل كامل على المصالح ، سترى النفاق والتعامل السيء في كُل قطاع والأسوء راح تشوفه في القطاع الخاص

لكن لازم الواحد يحاول يتأقلم مع الوضع عامل الناس أجمع بما يناسبهم ( لازم يكون عندك مبدأ التسليك شي أساسي في مقر العمل ) ، والأهم خلك مع الجميع واضح وأنتبه من عينة المغتابين لأنهم عبارة عن ناقلي السوالف والكذب

وعليكم السلام ,,

اخوي ما قلت شنو شهادتك الجامعه ..



بيئه العمل تختلف مكان الى اخر ,, من شركه قديمه,, وشركات جديده من عمل مكتبي او عمل ميداني او صناعي ..

كل مكان فيه الصالح والطالح .. العقليات المختلفه شخص اكبر منك 20 سنه يتصرف تصرفات اطفال يحسسك انك في مدرسه يتصيد اخطائك ,, الاحترام اولا والتقدير ثانيا والله يوفقك


داوم انجز عملك وخلص واطلع لا تكون صداقات قوية جدا بالعمل .. كون لك زملاء ولكن لا تعتبرهم مكانه اخوياك القدامى انت جاي تنجز وتستلم راتب مو جاي تتعرف

نسيت اقتبس ردك ردي فوق

كل شخص تجربته تختلف عن الشخص الاخر وكل مدير يفرق عن المدير الاخر وكل بيئة عمل تفرق عن بيئة العمل الاخرى

ما فيه قواعد ثابته، ولكن من خلال تجربتك ممكن مريت بامور اكيد ما تبغاها تكون فيه عملك الجديد وامور ودك تكون موجوده

بتجاربك راح تعرف

ولكن من جهتي انا ابحث اول شيء عن 5 ايام عمل، وراتب مميز، الباقية متغيره في كل مكان، اساسي انا اللي اقدر اختارة هو راتبي وايام عملي ومكان عملي، وهذي اللي اركز فيها اما سياسات الشركة وطباع الافراد وغيرها هذي ما افكر فيها اطلاقاً لان مالي يد فيها.

مافيه شي اسمه ضوابط عمل في العلاقات بين الموظفين
كما تكون ستجد
اجتماعي بتجد معك ناس اجتماعيين
متفرد ووحداني محد بجايك ولا غاصبك
طبيعة العمل بعض الاحيان توجب عليك علاقات ومجاملات
انت تحتاجه يوم وهو يحتاجك يوم
احيان عملك يكون مرتبط بناس قبلك وناس بعدك
يعني اللي قبلك يكون عنده اوراق لازم يخلصها قبل يعطيك وانت تتخذ بموجبها اجراء وتسلمها لمن بعدك ليتخذ اجراءاته سواء توقيع او اضافة مستند او اي ايا كان فالعلاقات انت من يحددها كصداقة واما فيما يخص العمل لابد من المرونه
عملي الان اثناء العمل امزح واسولف واضحك لكن لم اخرج معهم كشتات او اجتماع استراحه بشكل دوري . طبعا مو عدم محبة ولا بحث عن ضوابط لكن لظروف صحيه وعائليه ماعندي وقت لهم .

طيب فرضاً جاك وظيفتين بنفس الراتب بشركتين مختلفه

كيف تعرف بيئة العمل الأفضل بينهم؟

وشكرا على ردك


التخصص مالية


شكرا على ردك



شكرا على ردك..

غالبا في الوظيفة الاراء تختلف
ممكن تحصل احد غيرك ونفس عملك ومرتاح ومبسوط

بيئة العمل اذا ما كانت مريحة لك ما راح تنجز بالشكل المطلوب
وراح تحس كل مهمة تجيك كأنها مثل الجبل حتى لو كانت سهلة.


لكن سؤالك بخصوص كيف تعرف بيئة العمل قبل تنظم لمكان العمل الجديد
الأغلب والأفضل هو اللنكد ان،

ادخل ابحث عن الشركة، وادخل ابحث عن الموظفين
وشوف اللي يعمل في نفس الادارة اللي عليها الوظيفة
وبالعامي كذا قط وجهك على واحد او اثنين واسألهم
ولو تحصل احد كان عندهم وانتقل افضل وافضل لأنه هو اللي بيعطيك العلم الأكيد.

للأمانه السؤال جدا مهم
عن المدير أولا، والزملاء ثانيا ثم بيئة العمل

كل ما كانت بيئة العمل مريحة كل ما تكون مرتاح نفسيا.


لي تجربة سيئة جدا سنتين كانت من أسوأ السنين اللي مرت علي
في إحدى الشركات الكبيرة والكبيرة جدا
بسبب المدير

وهذي نصيحة لك وللكل، اذا طلعت من مكان عمل اطلع من عندهم وهم يذكرونك بالخير
وخل لك طريق رجعة في حال ما ناسبك المكان الجديد، تقدر تتواصل معهم وتشوف امكانية العودة للعمل السابق.
وهذا اللي صار معي بعد سنتين معاناة الحمد لله قدرت ارجع مكان عملي السابق

والله يوفق الجميع

انا مدري وش ظروفك
لكن انت حديث تخرج عليك وربما صغير السن وربما غير متزوج او توّك متزوج وما عندك التزامات مالية مرهقة
فما أشوف فيه شي يخليك تجلس في مكانك وخصوصا تخصص مالية اللي على حد علمي تخصص تحتاجه أي منظمة سواء منظمة ربحية أو منظمة حكومية أو منظمة غير ربحية أو حتى منظمة خيرية

اجتهد في تخصصك وحاول تتقنه
فيه كورسات في المحاسبة والمالية والاستثمار والمصرفية موجودة في coursera و edx
وفيه منصة خاصة بالتدريب المالي اسمها corporate finance institute
وطبعا قبل واثناء وبعد ذلك طور اللغة الانجليزية تحدثا وكتابة

طبعا لا اقصد على طول تخربها وتستقيل
لكن مع شغلك، اسعى في التقديمات واستعن بالكتمان
ودايما اجهل سمعتك تسبقك حتى في عملك الحالي. فانت لا تعلم من ستواجه في مستقبل الايام. قد يكون هالضابط في زمن مستقبلي مسؤول في شركة وتحتاج تعاونه. بل وحتى الفرد، ما تدري.
ثم إن السمعة تنتنشر، فاحرص عليها. من باب المصلحة احنا نتكلم الحين، غير الاخلاق والمبادئ الخ

والله الموفق

ما الومك

التعامل مع الموظفيين الحكوميين يفرق كثيييييييييير خصوصا لما تكون الجهة عسكرية

في مكان عملي جزء منه تحت حرس الحدود والجزء الثاني تحت الجمارك

تعال شوف البيروقراطية وسوء التعامل وكلمات كثير مقدر اقولها... وكل يوم مهاوشات انا وهم لانهم عطلوني عن شغلي وبحكم ان جهة العمل الي انا شغال فيها تملك المكان وكلمتها اقوى منهم فأنا ماراح اتضرر بس لازم من حب الخشوم وتكلم القايد و و ...