وعليكم السلام ورحمة الله وبركاته،


لهذا المبلغ، برأيي سيارة مثلا من نوع فان صغير بحيث تكون هذه السيارة مغسلة سيارات متنقلة وتحتوي على خزان مياه صغير وأدوات لغسيل السيارات، بشرط عدم الاسراف.

فكرة ممتازة بس الفان لحاله يكلف 40 الف

بالميزانية هذي ما معك الا التركات ولا الدبابات ولا الهايلوكس او اي سيارة مصندقة تبيع منها

مثال خضار مكسرات مشروبات مثلجة قهوة شاهي الخ

او قلي بطاطس عادي او قلي زنجر دجاج راب او وجبات برجر مع بطاطس او اندومي او رامن الخ من مأكولات الاستريت فود

https://syarah.com/ ادخل هنا دايم احصل فانات بحدود 20 الف

جزاك الله خير

لا تشتري فان ب ٤٠ ألف

قد أكون مخالف في هذه المشاركة، ولكن على أية حال، لو كنت مخالف سيتم الحذف إن شاء الله









هذه لقطة شاشة لإعلان في موقع حراج سيارة فان صغير سوزوكي لنفس المشروع اللي أتكلم عنه، سبحان الله بالصدفة وجدته، بحثت في حراج علشان أثبت ان فيه أسعار أقل وأفيدكم.

(لا أعرف صاحب الإعلان اللي في حراج ولا لي علاقة أبدا فيه!)

السعر في الإعلان ٣٥ ألف ريال، ويمكن لو يحاول فيه بسعر أقل ممكن يوافق، والمتبقي ٥٠٠٠ ريال جزء منها تحسينات للمشروع وشراء منتجات جيدة للتنظيف، وممكن تسوي إعلان لمشروعك ولكن قد يحتاج ميزانية أخرى للإعلان.


الأمر الأهم، هل لديك استعداد تعمل بذاتك؟ أي أنت من يقوم بمهمة غسيل السيارات؟ إذا كان الجواب نعم، أبشرك أنه إن شاء الله إذا نجح المشروع ربما في فترة قصيرة تستطيع جمع مبلغ يساعدك في إحضار عامل يقوم بالمهمة، وعلى هذا النحو يكبر المشروع وتحضر عمالة زيادة وإن شاء الله تكون الإجراءات يسيرة ومسموح. وإذا كان جوابك لن تقوم بمهمة غسيل السيارات بنفسك منذ بداية المشروع، فهذا المشروع قد يكون غير مناسب لطرحك، لأنك لن تعمل بنفسك والعامل أو مجموعة عمال لغسيل السيارات يحتاجون ميزانية إضافية.


هذا والله تعالى أعلم،


وبارك الله فيكم،

احس ٤٠ قليله علي مشاريع ماتكفي

فيه خيار اخر اسهم وتوزيعات كويسه الفكره عندك شركات توزع توزيعات طيبه

اشتر سلعه وبيعها على ناس تبيع منتجات هذا النشاط بربح فوق التكلفه الاجماليه بزياده 20% 30% 15%

اتفق معاك لكن حنى نتكلم على المشاريع البسيطة … اي بقدر الميزانية

كنصيحة أخو البحث عن الثراء السريع ماهو موجود فلا أحد يقول لك تعال يافلان اربحك ذهب

بالغالب اما سيارة غسيل او ترك فود شفت كذا اعلان من 17 الف إلى 30 الف حسب الحجم والنشاط وكل ماتحتاجه تصريح عمل حر وشهادة طبيه والأكل اللي بتسوية او بالغالب اذا الأهل يعرفون يطبخون وهذي نعم فيها خير من الله كثير طالما انت الشخص المباشر على مشروعك

اذكر واحد كلمته بالدمام صاحب مطعم يقول والله بديت بمنقل وكباب اسويه بنفسي والحين عندي 3 فروع للمشويات

عدا اللي اعرفهم من القرابه والمعارف ولله الحمد خير من الله مقومين بيوت من الأعمال الحره اللي بدوها بشيء بسيط

بس التفكير والتركيز وربي بيرزقك الحلال الطيب والصبر مقدم على كل شي بالحياة

اشتري فان بضاعه وااجره

اذا انت مستعد تشتغل كل يوم وانت تقووم بحلالك


بدون اي مبالغه واقدر اقولك بكل ثقة افضل مشروع لك بذا المبلغ


الخضار والفواكه






ابدا صغير و الزمن يخليك كبير

حلاق او مغسله ملابس حتى اجارها ماهو مكلف والمكان له دور طبعا والحجم

الحلاق ماشوفه مكلف خاصه اذا محل علي قدك وقد اشتغل واحد من شباب يقول
مرتاح اول شي من الغرامات متفق مع الحلاق نفسه اذا اي مخالفه هو يتحملها عشان يلتزم بي
اللبس ونظافه
والدخل 50٪ للطرفين عشان يخليه يشتغل ويدخل اكثر للطرفين

مايسوي لك شيء. انفقه على نفسك مثل دخول دورات, تصليح اسنان او تصحيح نظر, بناء مكتبة في المنزل.. الخ

فيه مشروع ممتاز جدا جدا جدا خذ لك دباب كفرين وركب عليها شناط خلفيه حقت هنقر ستيشن ومرسول وطلبات التوصيل والدباب يكلفك 5-6 يمديك تاخذ الدبابات هذي وتاجرها بس بشرط تاجير يكون بالتفويض عن طريق ابشر ويفضل شخص سعودي عشان تمسكه مع اذنه لو سرق الدباب او شي وتحط قيمه الاجار اليومي 100-80 حبه حبه افتح لك مكتب تاجير وبيجونك العمال ياخذونها منك ويوصلون وترجع لك اخر اليوم او تاجرها بشكل شهري بس فيها مشكله هذي انه نادر تلاقي احد معاه رخصه دباب + التفويض والتامين والخ كنصيحه لاتبدا هذا المشروع الا لما تكون نظامي

تدور تلقا مثلا تأجير فانات بضاعه سوزوكي وديهاتسو فان بضاعه مثلا او رينو دوكر مثلا تأجرها ٢٥٠٠ ريال فالشهر، ما ناسبك شوف منصات المساهمات اصيل مثلا او صكوك او عوائد كلها فيها مساهمات وتمويل تقدر تشارك فيها وعوائدها سنويا بحدود ١٥٪ تزيد لين ٢٠ تقريبا

المشاريع ذات رأس المال البسيط كثيرة ولكن هناك مشكلة ان راس المال المدار والارباح ستكون قليلة جدا ولكن مع الصبر تزيد وتكبر رأس المال بإذن الله تعالى ...
ممكن تفتح محل كشتات وتجهيزات الشواء
ممكن تأخذ لك خضار أو فواكه من أسواق الجملة وتوزعها خارج المدينة
توزيع كراتين البيض بس تحتاج سيارة مبرده وتقدر تستأجر وتوزع فيها رزق كبير بإذن الله
اخر شيء الأسهم أفتح لك محفظة وحط لك نص المبلغ في احد الشركات ذات توزيعات الأرباح الجيدة
وممكن تبيع وتضارب بربع المبلغ وتخاي الربع الاخير معك إحتياط ...

همم، الكل يفتي في الردود لذلك راح افتي مثلهم
أستأجر سيارة واشتغل في تطبيقات الاجرة بشكل عام (اوبر وكريم وكيان وبلت وجيني وايجو وكيان) او تطبيقات توصيل الطعام (هنقرستيشن ومرسول وجاهز)

اذا عندك سياره وصل طلبات الصبح