وعليكم السلام
في حال كنت مسجل عنوانك بشكل صحيح، تتحملها الجهة اللي شريت منها المنتج، يعني مثلاً لو انت شريت من موقع امازون وشركة الشحن سلمت البضاعة لعميل اخر هنا تقع المسؤوليه كامله على نفس شركة امازون، تواصل مع الجهة اللي شريت منهم المنتج وقدم شكوى

ياغالي انا صاحب المتجر والخطأ صدر مني انا. تواصلت مع العميل وطلبت منه اعادة الشحنة لخطأ خارج عن ارادتنا ولكن لا يتجاوب معي.

والله ما ادري ايش اقولك

كنت في شركتي السابقة اكثر من مرة تم ارسال بضاعة بالغلط لزبائن وبعضها تجاوز ال11 الف ريال وما كان فيه تجاوب وللاسف مافيه شي تقدر تسويه. ولا احد رح يقدر يفيدك

الله يعوضك ان شاء الله.

خاصة اذا كان مراهق صعب جداً للاسف
حاول تضل تتواصل معاه ولو قدرت تجيب رقم احد اقربائه اخوه او ابوه رح يفيدك جداً.

اعتقد اذا كانت الشحنة باسمه وعنوانه ما تقدر تطالب فيها زي حوالات البنوك اذا صارت بالغلط ولا اعرف اذا فيه قانون يمنع استلام شحنة او حوالة بدون تأكيد من مرسلها.

المسألة اكبر من انها قانونيا مسموح له او لا المسألة هل يجوز له ياخذها وهل تبرأ ذمته يوم القيامة ؟! الخطأ وارد وماله حق ابد يستلم السلعة او ينتفع فيها خاصة اذا عرف انها بالغلط ارسلت له، حسبك الله والله مستعان.

فيه ناس ما تخاف الله
اذكر مره اشتريت من برا السعودية
ولما وصلت مكتب ارامكس
فيه واحد استلم شحنتي بالغلط

اتصل علي
وقال استلمت شحنتك بالغلط
قلت والله انا بالجنوب حاليا لكن ان كنت حاب تتركها عندك لين ارجع بعد يومين
او رجعها للفرع واذا جيت استلمها منهم
قال طيب

رجعت الرياض واتصل عليه ما يرد
ارسلت له واتساب رد علي الفجر واتصلت بعدها الصباح
قال ارامكس ضيعوا شحنتي واعطوني شحنتك
قلت وش اسوي لك رح تفاهم معهم وعطني شحنتي والا رجعها للفرع
وسحب علي اليوم الثاني
بعدها ارسلت له رسالة قلت رجع الشحنة للفرع او راح اقدم عليك بلاغ في الشرطة

وراح رجعها

يبي يحاسبني انا على ضياع شحنته من ارامكس :d


بالنسبة لك يا صاحب الموضوع
حاول تتفاهم معه واتصل عليه وازعجه بالعربي يعني
اذا كانت الشحنة غالية وتسوى انك تطارد وراها

لو قيمتها بسيطة وما تسوى التعب
الله يعوضك
واهم شي لا تنسى اللي اشترى ودفع بس :d

وعليكم السلام

اذا تعرف واحد في الشرطة عسكري ضابط

خليه يكلمة ويهددة بالسجن

خصوصا اذا كان سعر السلعة كبير اذا بسيط انسى الموضوع ما يسوى التعب

واذا ما تعرف احد مر الشرطة ورح الى رئيس قسم الجرائم الاكترونية وشرح له السالفة

يمكن يقبل مشكلتك ويرفعها لا تروح الى العساكر بطنشوك اطلب المسؤل

بغض النظر عن موضوع الأمانة بس الصدق المفروض أرامكس هم يتفاهمون معه ويعوضونك

هو اتصل علي
استلمها وراح البيت واكتشف انها مو له لما وصل البيت وكلمني
وانا اشوف انه ما قصر لأن اخاف اذا رجعها يضيعونها ارامكس :d

عشان كذا قلت له خلها عندك واذا جيت استلمها

وشركات التوصيل عندنا عساهم يوصلونها بس عشان اطالبهم بتعويض

دام أنه ما يتجاوب مالك الا الحل القانوني
تقديم شكوى افضل حل مرفقه بصور المحادثات انك تواصلت معه وما يتجاوب وقتها بيجيبها

انت تنصحة والا تبغى تسجنه؟؟؟
قال هدده بشرطي او ضابط؟؟ راح تنهي مستقبلهم كلهم الدنيا مو فوضى
يروح يقدم شكوى وانتهى

غلطك وتحمله خلاص الله يعوضك

الله يرضى عليك افهم الكلام صح

الرجال عندة قضيه مع واحد وجالس يطلب حقة لو عنده واسطة مشت اموره وتم رفع قضيه على الجاني

وقبل رفع القضيه بتم التفاهم وتهديده برفع قضيه عليه يمكن يتجاوب مع الواسطة

هذا القصد

أول شي تبلغه يرجعها ولو رفض قوله بيني وبينك الشرطة والمحكمة

ارفع بلاغ للشرطة وبعدها على المحكمة يرجعها غصب أو يدفع قيمتها

فيه حل إنك تذكره بالله واليوم الآخر وبأن الواحد سيسأل عن كل شيء يوم القيامة وإن ما أخذه لا يحل له ولا بينك وبينه عقد ولا صفقة بيع وأن ما أخذه حرام عليه وأنك لن تحلله عنه ولن تبيحه، وفيه أيضاً حلول أخرى مثل تشوف تقوله أبروح لأهلك وأقولهم السالفة وأعلمهم، أو إنك تروح لزملائه بالعمل، وإذا رفض وما استجاب تروح لهم فعلاً وتكلمهم يقنعونه ومعك الاثباتات والأدلة، وعموما انعدام الأمانة أعوذ بالله في بعض الناس خلق سيء وأحيان مالك حل مع هالأشكال، أنا لي قريب يبيع مساويك بالجملة في حراج وجاه واحد وقاله أبشتري منك ولما راح له لبيته قاله ورني المساويك ثم يوم مسكها قال لحظه أبوريها أمي من داخل إذا جازت لها جبت لك الفلوس وسكر الباب وذهب وأغلق جواله وسوا له حظر في حراج!! حاول قريبنا وحاول يدق الباب يكلمهم ما ردوا وراح وحسيبه رب العالمين.

كل الحلول ماتنفع وعقيمة، الحل انت تتحمل الغلط مثل ماسويته وترسل شحنة بديله عنها للعميل وبعدها تفهام مثل ماتبي مع مستلم الشحنة الاخر اما اعطه تعويض على غلطتك واستلم الشحنه منه او خلها عنده وانساها

اذا انت تاجر صح فالمفروض سمعتك اهم من ان تتشاجر مع عميل محتمل وتترك صاحب الشحنة ينتظر تعويضك له

اذا انت المرسل وكاتب العنوان فتتحمل المسئوليه كامله لا ارامكس ولا غيره
الحل الوحيد تتوجه لااقرب قسم شرطه والافضل صباحا وعلمهم سالفتك ممكن يفيدونك
وقبل تروح كلم الشخص وعلمه انك وكلت محامي وبتتخذ اجراء ضده
وزي ماتفضل الاخ السابق شق لك مسئول بعض الافراد بيصرفك او بيفتيك من راسه
اذا مانفعت الشرطه خذ لك استشاره من اي محامي ممكن تكلفك 500 ريال

لو سواها الظابط عز الله راح يروح غلطه ههههههههههههههههههههه انت في بلد قانون يالطيب سلامات هذا استغلال للسلطه على طول فصل من العمل وللسجن وديني , انت تفكر اننا في بلد فوضوي ؟

, اما موضوعك ياصاحب الموضوع فاعتقد اذا تم ارسالها بعنوان صحيح وتم الدفع تعتبر الشحنه ماشيه بمسار نظامي من المتجر للعميل فكيف تبي تقدم بلاغ سرقه ونظاما ماتعتبر سرقه , الا ممكن في حاله وحده اذا مادفع الحساب ممكن تستغل هذي النقطه