عليكم السلام , اخوي من سنييين في تجارة علي اكسبريس وماشاء الله شهريا يطلع مبلغ زيييين (بالالاف) لكن اعرف البضاعة اللي تشوف سوقها بيمشي واعرف مين بيكون جمهورك
نصيحتي لك اشتري ليد للسيارات اللي كأنه زينون ترا فييه خييير وعندك كمان سماعات الايربودز

علي بابا افضل منه و ارخص

ما انا متأكد ... هل تحتاج سجل تجاري
انتبه لتحذير الجمارك بخصوص الكميات التجارية

وعليكم السلام

موضوع الشراء سهل

الصعوبة في التصريف

من هو عميلك وكيف تصل له وكيف تقنعه بالشراء ومن هم المنافسين في السوق

كذلك عليك أن تعرف متطلبات التجارة من ناحية سجل تجاري، رسوم جمارك، الضريبة ... الخ

وكذلك يختلف الآمر من ناحية آلية البيع هل هي محل أو أونلاين أو توزيع على محلات

الله يرزقك الشراء سهل لكن التسويق لها صعب

ولا تشتري اعمل متجر وحط رابط المنتج

وكذا انت وسيط لموقع علي بابا بالسعر اللي انت تحطه
والطلبية توصل للزبون مباشره

اذا قصدك دروبنق شوب هذا حرام ومكسبه حرام

اغلب الشيوخ مايعرف وشو دروب شيبنج حرفيا اول ما العميل يدفع توماتيك تشتري من الموقع اللي فية البضاعه نقول مثلا علي اكسبريس يعني مو بيع ماليس عندك فرق كبير مجرد وسيط

اذا كنت تعرض بضاعه و انت ما تملكها هذي حرام
اما اذا انت موضح للزبون انك بتشتريها له و تتابع الطلب و لك اتعاب شغلك فهذا حلال

الحلال بين والحرام بين مايحتاج شرح
الدروب شوبينق اغلب معاملته قائمة انو الواحد بيبع سلع لا يملكها
ولابد يكون عتدك دراية بشي ذا لها شروط عشان تكون جائزة
اما انك تكون وكيل للعلامة او البضاعه هنا عشان تقدر توفرها للزبون


ابعدو عن اي تعاملات مشبوهه
وشكرا

لفيت ورجعت لنفس النقطة
انت كذا جالس تعرض منتجات في متجرك وهي مو عندك اساساً
هل انت وكيل للتاجر ؟ لا
هل استاذنت من التجر ؟ لا
تاخذ فلوس قيمة سلعه لا تملكها اساسا وتروح تشتري له السلعه والتاجر هو الي يتواصل مع المشتري ويرسل له الشحنه واذا فيه مشكله يتحملها التاجر واساسا انت تروح تحط عنوان المشتري ومعلوماته

نقول لكم اي معاملات مشبوهه نصيحه لوجه الله ابتعد عنها
اما تاخذ وكاله باذن التاجر وتضير وكيله ونعرض منتجاته في متجرك
او اشتري البضاعه بنفسك واعرضها بسعر الي تبيه

لاتنسى
الجمارك والضرايب
من تجربة

الله يجزاك خير على حرصك

انت على خير باذن الله لبعدك عن الشبهات




ردي كان عن الوسيط و ليس صاحب المتجر

لان صاحب السؤال بيشتري كميات و يملكها

و كان ردك على من يضع رابط للمنتج وهو لا يملكه و التبس علي الموضوع

و الا كلامك في محله :17:

و اللي يضع رابط للمنتج و يوضح للزبائن انه وسيط و لا يملك المنتج و ياخذ اتعاب لاستخدامه بطاقات الفيزا و متابعة الطلب بسعر رمزي هذي ما فيها شي

علي اكسبرس رافع اسعاره مقارنه بالسوق المحلي
قبل شهر تقريبا كنت ابي اشتري انتركوم وكاميرات مراقبه ماركة هيكفيجن بعد البحث البطحاء ارخص من علي اكسبرس بفرق فوق 30% - 40% وغيرها من الاشياء اذا قارنتها مع نون مثلا يانفس السعر ياحوله

MH47 كتب:

علي اكسبرس رافع اسعاره مقارنه بالسوق المحلي

صحيح انا لا اشتري من علي بن إكسبريس إلا السلع التي لا توجد في المحلات عندي والسبب سعره غالي والجوده غير جيده