الجو بارد في نوفمبر
ويمكن تلحقون على الخريف

المهم يارجال اذا في قروب تليجرام عن سكوتلندا ابيه تكفون محتاجه ابي اجمع معلومات

رح مريشوس .. افضل جزيرة على الاطلاق ..

رياضات بحريه كثيرة من سنوكر وغوص سطحي .. دبابات بحريه و ادغال و تسلك جبال .. وكل شي

بلد رخيص جدا .. تاخذون فلة 5 نجوم على البحر مباشرة باسعار معقول وخصوصا اذا تقاسمتوها بينكم

حسب إهتماماتك للوجهات بشهر نوفمبر:-
للوجهات الإستوائيه:-
تايلند
موريشس
بالي
للتجارب الثقافية و الآثار:-
الهند
مصر
المغرب
للمغامرات و الطبيعه:-
البوسنه (دول البلقان عموما)
روسيا
سياحة المدن الكبيره:-
نيويورك
طوكيو

بصراحة انا لو اني منك اروح تايلند
نفس بالي في اندونيسيا اذا رحت لها ولكن اكثر فعاليا المدن قريبه من بعض
يعني لو زهقت جمبك اكثر من مكان تقدر تروح له

رخيصة نظيف وفيها فعاليات جميله

بخصوص السياحه في تايلند
بصراحه ما انصح فيها اطلاقاً لسبب واحد
حسب ماسمعت الامان فيها لك عليه وخصوصا النشل والسرقات
صحيح انها بلد جميله وطبيعه خلابه لكن وش الفائده السرقات تكثر فيها للاسف

للامانه اول مره اسمع هالكلام
صحيح لي فتره كبيره عن تايلند لكن متابع العالم الي تروح وتجي
قولي فيه مشاكل بموضوع الاكل اتفق معاك قولي مشاكل استأجر الدباب سواء البحري او العادي اتفق معاك لكن نشل وسرقات هذي جديده

وعموما هذي موجوده بكل مكان بما فيها اوروبا وامريكا وبريطانيا يسروقنك وانت واقف

الموضوع يعتمد عليك وعلى حذرك واسلوبك بالسفر

والله نصيحه تأكد 100% قبل ما تسوي الحجز عشان سلامتك قبل كل شيء والاحتياط واجب
اهم شيء في السياحة الامن والامان وبدونها بتتنكد طول السفره ويضيق صدرك لو صار شيء لاسمح الله
وحسب ما سمعت انه تايلند فيها عصابات اجراميه متخصصة بالاعتداء والسرقه والنشل
وعموما البدائل موجوده لشرق آسيا مثل سنغافورة وماليزيا وعندك جزر بيننغ ولينكاوي في ماليزيا قمة في الامن والأمان والاحترام
الله يكفينا شرهم ويحفظنا من كل مكروه

اخوي انا مسافر قبل مايفتحون تايلند قبل كورونا

كنت خايف خوف بشكل مايعلم فيه الا الله قابلت واحد من الشباب مبلط في تايلند واندونيسيا ، كل سنة شهر ونص في تايلند و3 شهور في اندونيسيا

قلت له كيف الامان قالي تايلند نم بالشارع الوضع امان ( نم بالشارع هذي كله قويه يعني كاني بالسعودية ماحد حولي )

وفعلا كلامه صحيح مستوى الامان عالي جدا ولا شفت اي مشاكل وطلعت بجميع الاوقات صبح ليل فجر ظهر مع العلم اني اذا سافرت ما اطلع بالليل نهائي
لكن طلعت بتايلند فجر وكليت يمكن ما ضايقني الا الليدي بوي ومحاولة التحرش بالكلام او بالاشارات لكن تمشي ماتعطيهم وجه وضعك بالسليم

انا رحت اسكوتلند
جميلة بس باردة
والداون تاون حقهم نايم
بس انا بالنسبة لي ناسبتني
اقعد امشي في شوارعها
اغلبها مرصوفة زي الجنوب عندنا :60:
دخلت على بريطانيا بالفيزا البريطانية وتنقلت بين اسكوتلند وويلز
ماحد له دخل
تنقلاتي كانت بالقطار
وبما انكم شباب
سوو مثلي
مرو كل المدن مثل ليفربول ونيوكاسل ومانشستر وغلاسكو وادنبره
الديرة اللي ماتعجبكم لاتطولو فيها اكثر من يوم
السفر بالقطار ممتع جداً

بالتوفيق

استجمام يعني راحه مافيه فعاليات
هدوء وتسدح واستكنان
خدمات خمس نجوم خل حجزك شامل كليا

نوفمبر افضل مكان شرم الشيخ
غيوم وامطار والمسابح يشغلون التسخين فيها
قريبه ورخيصة

فيه فندق جديد فتح اسمه ميراكي في شرم
للامانه ماجربته بس فخم واغلى من منتجع حدائق السلطان اللي دايم اروحه

جرب شرم في نوفمبر وادعي لي