عسى يعطونك فترة طويلة

عندي موعد بعد يومين وكشف الحساب حاط 3 شهور :25:
يمشي ولا نرجع نعدله هههههههه

شكرا لك على التقرير

عدل 4

اذكر قدمت عليهم بالخبر و كنت جايب 4 شهور و اخذ 3 فقط او حتى 2 ما اتذكر ..
و اعطوني 5 سنوات .. التقديم الخميس بالخبر الثلاثاء الجواز بيدي

بشر كم اعطوك؟

عندي سؤال لك وللأخوان لو طلعت تأشيرة شنقن فرنسية والهدف اني ازور دولة ثانية في الاتحاد الاوروبي ، هل لازم اول شي ادخل فرنسا وبعدها انتقل للدولة اللي ابغاها او اقدر مباشرة اسافر للدولة اللي ابغاها بما اني طلعت الشنغن؟

الدولة اللي ابغى ازورها هولندا

قدم على أي دولة
وادخل من أي دولة

لكن عند التقديم لازم تحط عدد اقامة الفنادق الاكثر في الدولة اللي بتقدم التأشيرة من عندهم
وعند الدخول لأول مره من أي دولة خذ معك حجوزات وهمية من بوكنق فيها اقامة عدد ايام اكثر في الدولة اللي اعطوك التأشيرة + حجز وسيلة تنقل سواء سيارة او طيارة او قطار


وطبعا انت وحظك ممكن يسألونك وممكن لا

يعني مثال لو جيت تقدم على تأشيرة من فرنسا
حط كل الاقامة في فرنسا عشان تاخذ التأشيرة
طبعا تختار في بوكنق اللي يجيك الغاء مجاني وحاول يكون الالغاء بيوم الاقامة او قبلها بيوم او يومين

اذا طلعت تأشيرتك على طول ادخل بوكنق والغ حجوزاتك


واذا سافرت تبي هولندا ودخولك من هولندا
ممكن يسألونك في هولندا وين رايح وحجوزاتك فندق وتنقل
احجز في فرنسا حجوزات وهمية بالغاء مجاني

واذا خلصت منهم وختموا جوازك تقدر تلغيها خلاص

طبعا هذا الكلام للسفر أول مره
بعدها اذا التاشيرة سارية عادي ادخل اي دولة مو شرط

مو كل الدول يسألونك لكن احتياطا عشان ما تبلش معهم
ألمانيا سألوني وايطاليا سألوني
هذا اللي جربتهم
الباقي ادخل وتأشيرتي سارية ومحد سأل أبد

تحديث عطوني سنتين تاشيرة

استلمت الجوازات امس
المدة سنة متعدده - اول شنقن


الغريب انه ما احتاج ترجمة الهويه
ولا صوره من الهويه كذلك مايحتاج كشف حساب تطبعه كامل يبي اول صفحة واخر صفحة فقط
يعني 30 مليون صفحة ماتحتاج
ايضا طلب صورة للجوازات وهذي ماهي من ضمن الطلبات لكن قالي بمشيها هههههه
التأمين الطبي متوفر مع تأمينك الشخصي اذا عندك مع التعاونية انا كنت بشتري وطلع عندي مجاني من التعاوني تغطية 500 الف
وفرت صورتين وقالي ماتحتاج صورة وحده تكفي بس اعتقد انه فاهم غلط الشخص
او يمكن البالغ صوره والطفل صورتين لكن الاحتياط جب معك صورتين
التوقيع على كل جواز سواء الاب على جوازات الاطفال او الجواز الخاص فيك
المركز سلس لكن بصراحة منصدم من كمية البشر ماتوقعت اني بحصل كل هالزحمة ابد
كل شيء تمام الا شغل المعقبين يمرض يعني تنتظر دورك ثم يجي معقب يعرف فلان وعلان يدخل 600 جواز وانت تنطق تنتظر يخلص المعقب الاول يدخل الثاني والثالث والرابع ................... الخ
كلها بدون مواعيد شغل معارف يرمي عليه الجوازات ويمشي كل واحد يدخل يعطلنا من 5 الى 10 دقايق واحيانا اكثر
يمكن هذي الشغله الوحيده الي تضايقت منها

مبروك
كم أخذت يوم من وقت التقديم حتى استلام الجواز؟

شكرا

لاهنت كم اخذ يوم اجراءات لين استلمته؟
عندي موعد الاحد السفارة الفرنسية
وعندي رحلة غير اوروبا بعد 10 ايام من موعدي عندهم

باقي على طلباتهم السخيفة هذي احسب سهلوها

انا سلمته الاربعاء واستلمته الاسبوع الجاي الخميس او الاربعاء

يعني اخذ اسبوع لكن بالعادة 3-4 ايام لا تشمل ويكند


معلومة اذا عندك فيزا سابقة شنقن حاول تكتب للسفير خطاب انه يعطيك فيزا مدته اطول مثل 4 او 5 سنوات

شفت واحد بتويتر مرسل الخطاب وفعلا قبلوا طلبه واخذ 5 سنوات

هي تجربه ماراح تضر ولا شيء ان جت جت ماجت عادي

اكتب الخطاب بالعربي في جوجل ثم ترجمة انجليزي
بعدين على بنق شات يقلبه لك احترافي بالانجليزي وصلى الله وسلم وبارك

يعطيك العافية

سلمته لهم الاحد الاسبوع الماضي 5 نوفمبر
ووصلني امس 13 نوفمبر

عطوني 3 سنوات الحمد لله

مع العلم اني حاجز التذاكر من الخطوط الاماراتية غير مدفوعة
وتكنسل الحجز بعد 72 ساعة لأني ما دفعت
وقلت شكلي انقفطت :d

وكنت حاط تاريخ السفر 23 نوفمبر
وعطوني بداية التاشيرة 24 نوفمبر

مهابيل
لكن ما لي نيه للسفر الا في ديسمبر
بس قدمت كذا من الحين
والحمد لله 3 سنوات جدا ممتازة

ماشاء الله تبارك الله
اتوقع 3 سنوات كافيه في ظل النظام بيتغير يعني فيما يتغير تكون انت بالسليم وتقدر تروح وتجي ومع وز اير عيش ملك :17:

اي والله الحمد لله
ارتحت من سالفة كل سنة اطلعها مره او مرتين

الحين اروح اتقهوى في ميلان وارجع بس لو يزودون رحلات :d

ياشباب لاحظت فيه مكاتب سياحية في الرياض والخبر عندهم جهاز البصمة خاص بالسفارة الفرنسية في المكتب نفسه مايحتاج تروح مكتب التأشيرات الموحد

هل فيه مكتب في جدة عنده هالشيء ؟

ماعرف عن جده بس اكيد فيه

لكن بكم المبلغ !!

اعرف مكتب يطلعها بنفس اليوم وقيمة شغله مع الفيزا 1800 ريال

اسف بس لو ما اسافر خير شر ما ادفع له هذا المبلغ

خلاص بتصير اونلاين قريبا ان شاء الله اعلنوا ذلك قبل اسبوعين