تخصصي فيزياء والمصير المجهول
banner
2023-09-22 , 03:57 صباحاً
شكواي لله وحده’s Avatar
شكواي لله وحده

مشارك

المشاركات:120
التسجيل:Jul 2012
شكواي لله وحده
السلام عليكم ورحمة وبركاته

ي اخوان انا خريج من تخصص الفيزياء من سنه وللأسف بمعدل " مقبول " لأن التخصص مالي فيه ابد ، وكملت الآن من التخرج سنه كامله وتايه ماني عارف خصوصا مع المعدل النازل وين اروح فكرت اني وانا عمري الان ٢٥ اتوجه لتخصص ثاني على حسابي الشخصي اللي هو " التمريض" بناءً على احتياجه في سوق العمل لكني محتار جدا الصراحه وخايف انها تكون اهدار للسنين
Enlarged Image
2023-09-22 , 03:57 صباحاً
2023-09-22 , 05:02 مساءً
خبل بس ثقة’s Avatar
خبل بس ثقة

كيــميــائي

المشاركات:4837
التسجيل:Sep 2008
خبل بس ثقة
لا تطالع في المعدل كلام فاضي, وللمعلومية كل الخريجين تقريبا في التخصصات العلمية هذا متوسطهم في المقبول, عندك التعليم مجال متاح لكن الفترة هذي فقط الوظائف بالقطارة, والفيزياء مطلوبة, تحتاج فقط تجتاز اختبارات رخصة المعلمين وتطلع الرخصة وبتحسن فرصك اذ اخذت دبلوم تربوي عالي

برضو توك سنة من تخرجت الناس تجلس على ال 3 سنوات الى 5 سنوات وتجرب تشتغل في الوظائف اللي تمشي الحال حتى يفرجها الله

التمريض مايفرق عن تخصص الفيزياء ولا بشي من حيث التعقيدات, برضو تاخذ التخصص ووراك اختبارات وتراخيص وملاحقه للوظائف وينما كانت وبتظلك عاطل فترة من الزمن , ولا تفكر للحظة انك بمجرد تاخذ شهادة تمريض وظيفتك بتلقاها بكره, لا هي ولا حتى الطب .
2023-09-22 , 05:02 مساءً
2023-09-22 , 07:23 مساءً
Hatem1400’s Avatar
Hatem1400

نشيط

المشاركات:886
التسجيل:Jun 2014
Hatem1400
شد حيلك في اختبار الانجليزي ستيب وقدم على الامن الصحي بالعكس يحتاجون فيزياء
2023-09-22 , 07:23 مساءً
2023-09-22 , 11:28 مساءً
سلطان الاحمدي’s Avatar
سلطان الاحمدي

مشارك

المشاركات:402
التسجيل:Oct 2013
سلطان الاحمدي
وعليكم السلام والرحمه
لا تدرس من جديد ولا شي
فقط تحتاج ستيب

وقدم على احد برامج الاكاديمية الصحيه التابعه لهيئة التخصصات الصحيه
مثل فني رعايه مرضى
https://ha.edu.sa/Programs/id=9

او مساعد طبيب اسنان
https://ha.edu.sa/Programs/id=8

انصحك فيها برامج منتهيه بالتوظيف والان التقديم متاح
2023-09-22 , 11:28 مساءً
2023-09-25 , 08:47 صباحاً
aalrodan’s Avatar
aalrodan

متميز

المشاركات:6815
التسجيل:Feb 2004
aalrodan
الله يفتحها و يوسع لك في رزقك

اذا لك في تخصص السلامة اهتمام
حاليا تمت سعودة قطاع الصحة و السلامة المهنية بالسعودية و وصلت النسبة 70% و متوقع توصل 100%

لذلك تم انشاء برنامج كوادر السلامة والصحة المهنية
عنده مسارين .. مشارك للجدد او اللي معاه دبلوم
و محترف للي معاه بكالريوس و خبرة اتوقع اكثر من 10 سنوات

انت بتدخل مشارك .. و بما ان ليس لديك خبرة .. تدخل دورة مدتها 3-4 شهور دراسة مكثفة و الحلو بالموضوع الدولة بتدفع لك رسوم الدورة ..

بعد ما تخلص الدورة تدخل اختبار سهل مدته ساعة و هو 100 سؤال أختيارات .. بعدها تبدأ تقدم على الشركات اللي بدأت من الآن تطلب ناس معاهم هالشهادة و التصنيف
و مع الوقت تتخصص في مجال السلامة و تأخذ دورات متقدمة ..

https://osh.coe.com.sa/
2023-09-25 , 08:47 صباحاً
2023-09-25 , 09:49 صباحاً
PQQP’s Avatar
PQQP

نشيط

المشاركات:1136
التسجيل:Jun 2013
PQQP
اكبر خطأ انك تدرس بكالوريوس من جديد



انا يوم دخلت تخصص طب اسنان عام ٢٠١٣ كانو يقولون فيه احتياج ووظايف حكومية ( كنت راغب في التخصصات الطبية بأيه حال)



تخرجت ٢٠١٩ - الوضع اختلف كلياً لي ٣ سنوات بالقطاع الخاص والوضع سيء



واكيد سمعت عن عطالة أطباء الاسنان، اللي بوصله لك التمريض يمكن يكون فيه اكتفاء على وقت تخرجك



هيئة التخصصات عندهم برامج لمدة سنة زي ما ذكرو الاخوان فوق ( مساعد طبيب اسنان ، فني بصريات )



انت الان ممكن تروح للبصريات بما أنه قريب من الفيزياء، والحلو عقد منتهي بالتوظيف ووظيفة حكومية ان شاء الله
2023-09-25 , 09:49 صباحاً
2023-09-25 , 11:08 صباحاً
jibreen’s Avatar
jibreen

مشارك

المشاركات:196
التسجيل:Feb 2013
jibreen
احد الزملاء معي في الشركة كان موظف استقبال تخصصه فيزياء والرجل اشتغل على نفسه في

المهارات الادارية (مثل صياغة العقود - مراجعة الخطابات وتعديلها - وبعض المهارات في الاكسل ) وهذا

مثال فقط ، وفي احد الايام جاه عرض يشتغل سكرتير رئيس جمعية خيرية توها تتأسس، اخذ القرار

ووافق مع ان المجال مختلف جدا عن شهادته وفي خلال سنتين اصبح مدير ادارة في هذي الجمعية ، لا

تيأس واي فرصة تجيك خذها حتى لو كانت خارج شهادتك.

تحياتي لك واتمنى لك مستقبل رائع
2023-09-25 , 11:08 صباحاً
2023-09-26 , 03:11 صباحاً
wikii’s Avatar
wikii

مبدع

المشاركات:4247
التسجيل:Mar 2014
wikii
اجتهد في اختبار المعلمين
وخذ كورس في السلامة والصحة المهنية واشتغل في مجال المقاولات
فيه برنامج عند طاقات لتأهيل الكوادر
ومثل ماقالوا الشباب سجل ببرامج وزارة الصحة
ترى القطاع الخاص مايهتم وش شهادتك يبون خبرة وبس
:55:
2023-09-26 , 03:11 صباحاً
2023-09-26 , 07:44 صباحاً
Techreneur’s Avatar
Techreneur

مشارك

المشاركات:316
التسجيل:Apr 2023
Techreneur
شف الكلام في الماضي واجترار الأحزان غير مفيد بل مضر جدا
حصل ما حصل وانتهينا وانظر للحاضر والمستقبل

عندك الان مسارين؛ صحي، تعليمي

مدري إذا فيه وظايف حكومية لتخصصك. ومسار القطاع الخاص يطول الحديث فيه ومختصره القطاع الخاص انت وشطارتك ولا تركز انت على تخصص البكالوريوس أو المعدل. وفيه القطاع العسكري ممكن تقدم فيه

في المسار الصحي، فيه تقديم الآن ينتهي السبت بعد كم يوم، لكن يحتاج منك اختبار ستيب، اختبرته؟
لا؟ إذن هذا طريق لك ابدأ فيه للتجهيز للتقديم في المرات القادمة، تقريبا يفتحونه مرتين أو ثلاث في السنة
ابدأ جهز نفسك لاختبار الستيب

في المسار التعليمي، يحتاج منك اختبار الرخصة المهنية، إذا ما اختبرته، فهذا مسار آخر تاخذه بالتوازي مع الأول، تبدا تجهز لاختبار الرخصة المهنية

وانت الان في مرحلة حرجة، ضبط امورك وابدأ اشتغل في اللي فوق، وتستطيع أن تقوم وانت تدبر نفسك بوظيفة مؤقتة، انت وعزيمتك وقوة إرادتك

والله الموفق
2023-09-26 , 07:44 صباحاً
2023-09-26 , 07:54 صباحاً
Techreneur’s Avatar
Techreneur

مشارك

المشاركات:316
التسجيل:Apr 2023
Techreneur
شكواي لله وحده كتب:
السلام عليكم ورحمة وبركاته

ي اخوان انا خريج من تخصص الفيزياء من سنه وللأسف بمعدل " مقبول " لأن التخصص مالي فيه ابد ، وكملت الآن من التخرج سنه كامله وتايه ماني عارف خصوصا مع المعدل النازل وين اروح فكرت اني وانا عمري الان ٢٥ اتوجه لتخصص ثاني على حسابي الشخصي اللي هو " التمريض" بناءً على احتياجه في سوق العمل لكني محتار جدا الصراحه وخايف انها تكون اهدار للسنين


وفكرة دراسة البكالوريوس في التمريض مش بطالة من الناحية المبدئية إذا أمورك المادية ممتازة محفول مكفول وعندك قيمة البرنامج وتقدر تصبر عالوظيفة والزواج اربع إلى خمس سنوات
لكن الأهم هي الرغبة والاهتمام بالدراسة ولك خلق لدراسة اربع سنوات بكل نشاط وحيوية واجتهاد وعندك القدرة على التغيّر لتكون من الطلاب المتميزين

بس يبي لك تتأكد زيادة من تخصص التمريض وتوجهات الدولة والقطاع الخاص له
اللي اعرفه انا ان القطاع الصحي العام والخاص وبالذات الخاص مقبل على نقلة نوعية وتوسعية ولذلك لازم تحط في بالك القطاع الخاص ومعاييره يعني فهم ومهارة ولغة انجليزية

والله الموفق
2023-09-26 , 07:54 صباحاً