وعليكم السلام,

تم التحذير سابقا من الطريقة

الشحنة دفع عند الاستلام و دور شركة الشحن وسيط فقط,
ارسلك عقد بقيمة 10 ريال مثلا وانت دفعت 250, الشركة تاخذ الرسوم نفترض 30 ريال و البايع دفع شحن 30 ريال = 250 - 60 - 10 = 180 ريال صافي للي ارسلها وانت خسرت 250

الافضل دائما التأكد من المرسل قبل استلام اي شي وبالذات الدفع عند الاستلام

صحيح، انا اعترف ان الخطأ مني بالأساس.. ومن المفترض ما ادفع على شيء بدون التأكد من ان الشحنة فعلًا انا طلبتها..

هل في طرق قانونية لاسترجاع المبلغ وبنفس الوقت محاسبة المرسل؟

انت مستلم ودافع بنفسك, و الغالب انك وقعت او سلتمهم رمز التسليم
يعني زيه زي اي معاملة انت برضاك دفعت المبلغ و الغالب مالها طريقة قانونية لكن
ما يمنع تستشير اهل الخبرة بهل مجال

ما اتوقع فيه شخص عاقل بيستلم غرض ما يدري شنو وغير مدفوع القيمة

+1

أمس كنت أقرا موضوعك و اليوم وصلتني رسالة و أنا ما طلبت شي و اتصل مندوب التوصيل مرتين و رفضت الاستلام و قلت له هذي شحنة نصب و ببلغ عنها و اذا انتم ما بلغتوا عن الشحنة معناها انتم شركاء في النصب

اي طريقة جديدة اللي رسلها يحط لك حاجة بقيمة 10 ريال و يخلي الدفع عند الاستلام

وبعد ما الشركة تحصل المبلغ تاخذ قيمة الخدمة (( مثلا 30 ريال )) و يحولون له باقي المبلغ

طبعاً الواضح إن شركة الشحن مشتركة معهم في النصبة لأنه ببساطة أكيد اللي اتنصب عليه اشتكى لهم و هم عارفين بيانات مرسل الشحنة و رقم حسابه اللي بيحولوله عليه قيمة الشحنة و ممكن يعطوها للجهات الأمنية او للمستلم و هو يشتكي
الغريب اني دخلت موقعهم و حطيت رقم الشحنة و سويت تتبع طلع لي الشحنة مرسلة من الرياض و انا بالرياض و مافي بيانات للمرسل او اسمه و لا حتى بيانات لي لا اسمي و لا عنواني مجرد رقم جوالي
هل في طريقة للتبليغ عنهم ؟

صارت معي لأني كنت منتظر شحنه من موقع صيني وقلت يمكن هو, وجاني وقت كنت مشغول وماني مركز
وطاح الفاس في الراس وتقريبا نفس مبلغك 240 او حولها.

وصلتني رسالة ان عندي شحنه وعليها دفع عند الاستلام وانا ماطلبت اي شحنه دفع عند الاستلام وقتها
فشكّيت وتأكدت من كل المواقع اللي اطلب منها مالقيت شيء.
وكلمني المندوب عشان عنوان التوصيل , فقلت له يصور لي الشحنه اول ومعلومات الشحن لأنها الظاهر بالخطأ.

مثلك مرسله من الرياض بدون تفاصيل بس اسم متجر عام ورقم جوال من الفلبين ورقم الطلب
كلمت الرقم واتساب حساب بزنس باسم خدمات مابعد البيع, قال لي كيف اقدر اخدمك وارسلت الصوره ورقم الطلب واستفسرت من اي موقع هذا الطلب ووش المحتويات.
قرأ الرسائل ومارد.
راسلته بعد فتره يقرأ ولا يرد!.



بعدها ارسلت للشركة ايميل وابلغتهم عن الحركة هذي في النصب وكنت كاتب فيها كيف الشحنة بدون اية تفاصيل عن المرسل ومصدرها الرياض والرقم اجنبي, واطالب حالاً بالتحقيق ومراجعة أي سجلات واذا هذا وضعكم فأي شخص يقدر يستغل هالحركه في الاحتيال وحذرتهم بالشكوى اذا ماتعاملوا مع الموضوع, غير انه ممكن تتكرر القصة مع احد ثاني وتسوء سمعة شركتكم.
وماردوا على رسالتي بعد!
وهالحدث قبل نصف سنة تقريباً بس للأسف مافضيت اصعّد الموضوع لأي جهة وقتها ومرت الأيام.


وأظن مثل ماذكرت انت انهم شركاء في النصبه, وغالباً موظف معاهم يسوي هالحركة ويجيب البيانات والعنوان كامل من شحنات ثانيه عندهم, لأن انا مكتوب عنواني كامل.
واسم المرسل (اسم المتجر) يسجله حسب نوع المنتجات اللي مشتريها اخر فتره.
وصحيحه نقطتك أكيد عندهم سجل بالنظام ﻷسمه وحسابه لأن راح يحولون له لفلوس.

الله يعوضك

غير بطاقتك عشان مايسحبو منها

محاسبة المرسل صعبه كانه الملك النيجيري الي تحوله ويقولك بعطيه لك بعد شهر واسترجاع المبلغ صعب شويتين الا دفعت بطاقة تقدر تكلم بنك لكن لازم بنفس اليوم وتطلب باسترجاع المبلغ

كيف تسمح لغيرك يستخدم هويتك الالكترونية بدون علمك؟

المفروض ما تسمح لأحد (حتى لو كان من عائلتك) يستخدم حساباتك بالمتاجر او يدفع ببطاقاتك او يحط بياناتك بأي امور الكترونية و يجلس يشتري و يسوي كل شي باسمك و برقم جوالك و بعنوانك كمستلم...الدنيا تطورت ما عاد هي مثل اول!

هي مو على موضوع الثقة و الامانة و لكن بالزمن هذا المسؤوليات كبيرة و اساليب الخداع كثيرة و سهل تتعرض لسرقات او لمسائلات قانونية او غرامات بسبب شي تافه او خطأ او سوء فهم

مو معقول الواحد يترك الدعوة فوضى و ضايعة و مجهولة ما يدري وش له و وش عليه و وش بيوصلك و متى يوصلك و رقمك منتشر عند العالم كل من هب و دب اتصل عليك و قال عندي لك غرض ارسل لوكيشن بيتك او تعال ادفع و استلم ثم تضطر تصدقه

طيب وش شعورك لو جالس في اجازة ودك ترتاح او تبي تاخذ غفوة او عندك دوام مبكر و طاقها نومة ثم يجيك اتصالات و ازعاجات عشوائية :d

ابعد عن الشر و غني له..الحلول ما فيه اسهل منها:

1- إما كل شخص الله لا يهينه يتحمل المسؤولية كاملة و يسوي حساب خاص فيه (الحسابات بالمتاجر مجانية يا جماعة!) ثم يبدأ يطلب بنفسه و يستخدم بياناته اسمه و جواله و عنوانه و يدفع ببطاقة الدفع اللي باسمه من البنك او يختار دفع عند الاستلام ثم يتابع طلبيته (بالمختصر يسوي كل شي بنفسه).
2- او تكون المسؤولية عليك بالكامل و يوصونك على الشي ثم انت بنفسك تطلب لهم و تتابع كل شي بنفسك كأنك انت المالك للمنتج ثم بمجرد ما يوصلك تستلمه بنفسك من شركة الشحن و تسلمه لراعيه و صلى الله و بارك.

طبقوها على كل مشترياتكم الالكترونية و صدقوني بترتاحون كثير حتى على اشياء بسيطة مثل طلبات المطاعم :17:

فيه خيار ثالث مناسب لكل الأطراف و يجمع بين النوعين و هو انك تشتري بنفسك و تدفع من بطاقتك [U]لكن[/U] عند بيانات الشحن تحط بيانات صاحب الغرض (اسمه - جواله - عنوانه) يعني مسؤوليتك تنتهي من لحظة الشراء و الباقي عليه

يجي موضوع قيمة الطلبات و هذي سهلة يا تكون عليك او تتحاسبون و تأخذ حقك قبل الشراء او تتحاسب بعد وصول الطلب يعني الأمور هذي سهالات و ما تعتبر عائق

النقطة الأخيرة هي موضوع مين يستلم الغرض من مندوب التوصيل و هذي مو لازم يكون هو نفسه صاحب الطلب يعني بالامكان غيرك يطلب ثم عند وصولها يتصل عليك يقول اطلع خذها و انتهينا :)

صارت معي سابقًا وبنفس الطريقة لكن كان المبلغ 50 ريال، وللاسف الى الآن مافيه اي تحرك من الجهات المختصة


https://www.adslgate.com/dsl/showthread.php?t=2...

صارت معي سابقًا وبنفس الطريقة لكن كان المبلغ 50 ريال، وللاسف الى الآن مافيه اي تحرك من الجهات المختصة


https://www.adslgate.com/dsl/showthread.php?t=2...

هي حاجه من اثنين
يا ان بعض موظفين الشركات المحلية تبيع بيانات العملاء
او البائعين من نفس المتاجر امثال علي اكسبريس و تيمو و تيكتوك
المتاجر الصينية بشكل عام