غير الهمجية فيه عندك ناس تمشي على اقل اقل اقل من مهلها ما ادري هو عته او قلة دراية بالسواقة!!!!

والإشكال انه مو بس المسار الأيمن بل حتى الأوسط ما يمشي السرعة المعقولة للمسار ابدا ولا هو لمّها

اذا انت ما تعرف تسوق ليش تسوق اصلا وترفع ظغطي:angry1::angry1::angry1:

انت تبي تخلص مشوارك و هم ولا همهم ابدا حتى انك تطق بوري ولا يستجيب ابدا..

يعني التكدس والزحمة مو بس من الاشارات بل من طريقة سواقة بعظ خلق الله

خلها على الله والله العظيم شي ينرفز
سواق جايبه كفيله يتعلم في الشوارع والزحمة
كبار السن اللي اذا تجاوزته اجلس استغفر من كثر ما دعيت وسبيت ولعنت واكتشفت انه كبير في السن
والا الجنس الناعم اللي تدق اشاره قبل المخرج بثلاثة كيلو وتسقط عليك ماشيه 70 في الدايري
والا من ابو الشباب اللي أحس انه طالع للدوام بدري وقاعد يحك اذنه والا مركز بزياده مع خشمه ينظفه قبل يوصل الدوام والا قاعد يحتسي القهوة السمراء ويتلذذ فيها


بالنسبة للاشارات نعم
شالوها من فتره ومو كل الاشارات
لازال فيه اشارات قليل موجودة الارقام فيها لكن قليل جدا
واتمنى انهم يرجعونها وتتبرمج على حسب اوقات الزحمة
بحيث الاشاره اللي عليها زحمة الصباح مثلا يكون الوقت اطول من الليل
وهكذا
بعض الاشارات تفتح 30 ثانية فقط
ما يمدي تمشي ثلاث سيارات او اربع كل مره

لأن عداد الارقام على الاشارات مايجيب مخالفات

هذا اللي اقصد بعضهم يمشي صفر ويتخذ قرار ويراجع نفسه ويصلي الاستخارة هو يمشي والا لا وذالعينات من اسباب ان الاشار تقفل عليك في مكان حرج لوما العلة او البلية اللي قدامك كان يمديك تلحق الاشارة

صادق في كل اللي كتبت وفعلا لازم حل للاشارات وضعها الحالي لايرضي الله ولا خلقه

هو سبب حوادث اكثر من المخالفات شركات التامين استفادت

امسك بريك تتعدى الخط وتاخذ 150 ولا تلقم 3 الاف

الأشارات مش كلها واحد والبعض منها الفرق بين الأصفر والأحمر ثانية والبعض الآخر يطول لين تقلب من الأصفر للأحمر

الطامة الكبرى في ان الأشارات ماتم وضعها بشكل تقني الأطراف أولا ثم الأمام ولو طبقت القوانين ماكان في زحمة وفي عينات من هذا الشيء في المدن الصناعية مثل مدينة الجبيل الصناعية
حتى الشاحنات صارت تجي من اليمين ياخذ يوتيرن كأنه راعي كامري ويقفل عليك ام الشارع وتقعد ولا سيارة عدت الا الشاحنة

ساهر اذكر رفضت تحط الكاميرات قبل إزالة العداد وهذي خباثة منهم وفي احيانا بسبب الإزدحام او حادث تلقى نفسك علقت بالنص والحين برضو صارو يخالفونها بأسم تعطيل مسار مع انه مالك دخل في الموضوع في امان الله كنت ماشي والمسار وقف بوجهك عند الإشارات

ناهيك عن ان بعض الإشارات مثل مدينة الدمام مافي اي خط ومن حسن حظي ودعوة الوالدين وقفت في مكان على بعد امتار قبل الإشارة لأي ماني شايف اي خط حوالي 5 امتار او اكثر واطالع يسار في الشارع المظلم الا والقى لوحة صغيرة مكتوب عليها الوقوف هنا مع ان الشارع وااااااسع حده بس تخيل كم شخص حطو عليه مخالفة دعس على الخط

يعني لا تنظيم مروري
لا خطوط مثل الاوادم
لا عدادات إشارات
ناس تمشي كأنها تمشي على بيض ويكبس قدامك بمجرد انه شاف الإشارة الخضراء قامت تفلش
ويتحملها المواطن اللي يحاول يوصل لمشاويره او عنده حاله طارئه

هدي و اترك مسافة شوي كبيرة مع اللي قدامك لا تلحم باللي قدامك خصوصا اذا الاشارة صار لها مدة من تحولت للون الأخضر


لسببين تترك مجال للي خلفك و تعطي اشارة انه يهدي و يضغط بريك ممكن في أي لحظة تتغير الإشارة ، و تترك مجال و نسبة هامش أعلى لك عشان تقرر اذا توقف اذا الاشارة تغيرت او تنطلق و تعدي الاشارة و ماتتضطر تحط نفسك بموقف تتخذ قرار متسرع تكون فيه نسبة الخطأ أعلى و ممكن تنصك مخالفة أو تسبب حوادث لا قدر الله ، القرار هذا ممكن يكلفك 3,000 آلاف أو أكثر


اذا وصلت قبل الاشارة الخضراء و خط المشاه و شفت السيارة اللي قدامك مشت و عدت ، ادعس بنزين و تسارع ، "يعني لا تمشي بنفس الدعسة" !! ، مجرد ماتتعدى الخط و الاشارة خضراء ، انته فيه المجال الاخضر.


و اذا تسرعت و كنت متخوف الاشارة ممكن تتغير في أي احظة و كنت مستعجل و تبي تلحق على الإشارة اتخذت قرار غلط و تغيرت الاشارة للحمراء في جزء من الثانية ، اذا ماقدرت توقف قبل خط الوقوف ، وقف بخط المشاه اذا قدرت بطريقة آمنة ، في اسوء الاحوال مخالفة الوقوف على خط المشاه و ممكن ماتجيك أساسا.


و دائما قبل الاشارة اذا كان الخط مفتوح لك و مافيه سيارات ، خلك ماشي بسرعة ، تعطي دائما لنفسك مجال العبور و الوقوف بنفس الوقت و خط الرجعة عشان تكون بالSafe Side !! مستحيل اعدي ال60 و اظل ضاغط البريك و اهدي لمن اشوف قربت قبل الخط بشوي و الاشارة ماتغيرت بعدها ادعس.

المهم هو تركيب اجهزة استشعار عند الاشارات
للأسف اغلب الاشارات تمسك عندها فترة طويلة
والمصيبة كل الاشارات فاضية ما فيها سيارات