سلام عليكم ورحمة الله وبركاته
كيف الحال
سبق نزلت موضوع عن قبول في جهة حكومية وهي مجلس التعاون الخليجي وتواصلوا معي وقالو لاتستقيل لين نقول لك وحفظت رقم الرجال الي يكلمني ووقعت على العرض الوظيفي وارسلت ملفات مطلوبة تمام بعد شهرين ونص اتصلت على نفس رجال وقال لي مدري وش موضوعك بسال عنك ودق علي بعد شوي قلت طيب ورجعت كلمته قال سالتهم وقالوا لي ماجانا توجيه
ومرت اللحين 3 شهور ارسل لهم ايميلات ادق محد يرد خير شر دقيت كل ارقامهم في قوقل محد يرد
انصدم ان المجلس فتحوا موقع جديد للتوظيف ونزلوا وظايف جديدة !!! المهم دخلته لقيت ايميل للاستفسارات ودعم فني بخصوص توظيف ارسلت لهم رسالة عن موضوع وانصدم صدمة ان راسلين لي
بعد مفاضلة مع مرشحين تم رفض طلب تقدم للوظيفة بسبب عدم استيفاء شروط الوظيفة ورديت عليهم ارجوا توضيح اي شرط تقصدونه وانتظر ردهم وانا اذكر مستوفي كل شي ماعدى شهادة توفل او ايتلس لكن كانو كاتبين توفل او ايتلس او مايعادله ووقتها اصلا ذيك فترة سبق طلبوا ارفق شهادات كلها واكيد شافوا كل شي وماخلوني اختبر ولا سوو لي مقابلة الي شافوا كل مستندات وانا اشك الي رد علي رد آلي يحسبني مقدم على وظايف جديدة المطروحة ولا عاد عرفت ايش اسوي وحاليا لقيت مدير اتش ار في مجلس في لينكدن تواصلت معه انتظر رده لي ويارب انه يرد انا ماشفت بحياتي جهة مثل جهتهم ولا فيه اي ادمي تقدر تكلمه محد يرد عليك