شوف الموقع هذا ممكن يفيدك


https://www.aljdwa.com/

اي موقع يستعرض الميزات و بالاخير ما يحط السعر حتى لو تقريبي اسحب عليه لان عارفين نفسهم بيكون سعر فلكي ومبالغ فية:27:

صح ويخلونك تسجل عشان يزعجونك بايميلاتهم التسويقية

سجلت ودخلت الين وصلت الى السعر

السعر لديهم 2,490 ريال

فاعل خير :mrgreen:

هذي تكلفة الديكورات
ولا تكلفة فتح خط معهم :new7:

والله لوني رايح جمعيه خيريه ماوصل كذا هههههههههههههه

لاهنت الله يسعدك بس واضح فيه نصبه بالموضوع

من رأيي الخاص

اي دراسة جدوى سواء كان صاحب المشروع الي يسويها او احد الموظفين ماتتم بشكل صحيح الا بعد زيارة تجارة مماثلة والاطلاع على البيانات
اما شغل ملفف اكسل وارمي ارقام تقريبية مايمشي ابد

100%

حراج مليان بتوع دراسة جدوى اي شي تبي
تحول له ويرسلك ملف كله ارقام ماتدري بناء على ايش وضعها

اهم شيء تتأكد ان وضع الشارع اللي بتفتح فيه تمام من ناحية البلدية

إذا تبي أرقام ما فيه أرقام دقيقة ممكن مطعم مثل هذا يكلف 250000
وممكن 80000 على حسب الموجود والناقص في المحل اللي تستاجره
و تعتمد على مساحة المحل والمدينة اللي تستهدفها
لان الشغل والاغراض من مكان إلى مكان تفرق بالسعر
التراخيص البلدية الان لها تكلفة وتعرف المساحة اللي
تتناسب مع الترخيص وشروطهم للمكان قبل تتستأجر
انت يبي لك تتعب شوي تشوف الاجارات في المكان
اللي بتفتح فيه وتشوف لك مكتب لتخليص الرخص
وتشوف كم التكاليف التقريبيه وما أصعب عليك الموضوع بس لازم
تعرف الحاجات هذي بنفسكلأنك أنت اللي بتدفع .. ولازم تعرف إن الحسبة
ممكن تتجاوز حسبتك بهامش ما يقل 15% .

https://www.youtube.com/watch?v=FIXYm3AmEGA&t=8...
مقطع فيه بعض تجارب الخبراء

قبل لا تبدا شيك على اللي لك واللي عليك خذ لك نظره على هالتغريده

https://twitter.com/almtam10/status/17395347035...

صحيح اهم من فتح المطعم حساب التكاليف الاضافية , وغالبا المطاعم شغلها ودخلها يبدأ بطيء ويزداد مع الوقت والشهرة والخبرة, يعني السنة الاولى راح تكون خساير غالبا ويمكن يتبعها سنة او ثنتين على بال مايتعدى الوضع ويصير الواحد يقدر يحسب حسابه بدون خلل.

اشوفهم كثيرين يفتحون مطاعم وفي شهور معدودة يقفلون مايكملون السنة, والسبب البدايات البطيئة , دائما يفتحون ويتوقعون ان الرواتب وكل شي بيتعوض شهريا وبسرعة , بينما الواقع بتدفع رواتب وتكاليف والارباح ماتغطي شي يذكر في البدايات, غير الن البلديات شادة حيلها , على الشعرة مخالفة.

الان اصحاب السلاسل هم اللي يقدرون يقاومون بسهولة , لان الفروع الباقية تغطي خساير الفروع الجديدة.

نصيحة اخوي ترى الشاورما والله مافيه ربح اقل المطاعم ربحية هي الشاورما انت اللي تشوفه من العمالة تستر تخيل تشتري 2000الى 3000ريال دجاج شاورما الربح مايتجاوز700ريال بينما البرستد و البيتزا ربحة ممتاز الدجاجة تشتريه 18 تطلع لك ربح بين 30الى50ريال اغلب المطاعم توفر الشاورما لكي تكسب العميل.

مطاعم الشاورما التقليدية اهم شيء فيها الموقع والان المنافسة حامية والسوق نايم، اشوف لو تغير الفكرة لمطعم شاورما فيه خدمة سيارات بيكون الموضوع مربح وهذي الهبة، الحين غالبية المطاعم يحطون سيارات

الشاورما المفروض في اليوم تسوي اقل شي 5000 ريال

احسب السندويش وكم حبه يسوي السيخ

كلامك مو معقول هل هو من واقع تجربه ولا كيف ؟

لو فرضنا السيخ يسوي 500 حبه

هو طبعا يوصل اكثر بالراحه ولكن لنقل اقلها 500 لان كل سيخ فيه فوق 100 دجاجه


500 * 10 ( سعر السندويش ) = 5000 ريال يوميا

في 30 يوم 150,000 ريال شهريا

-----
الان لنحسب الربح لو قلنا يكلف الدجاج بشكل يومي 1500 ريال مع التتبيله وكل شي ( 100 دجاجه بسعر الجمله كل حبه ب 15 ريال)

بالشهر تصير 45000 ريال

الان الخضار والخبز والتغليف لنقول 10000 ريال اقصى حد ممكن



صافي الربح يكون 95000 ريال


ما ادري كيف تقول ما يطلع شي

هناك محلات تبيع شاورما فقط وهي كثيره لو ما تربح ما احد يفتحها

والشاورما اكثر شي يحذب الذبائن ويربح بالمطعم بحسبه بسيطه


اتمنى لو من واقع خبره تصحح كلامي

صافي الربح احسب العماله + تجديد اقامات + مخالفات اذا سلمت شهر الثاني لا + سكن ومصاريف العمال + صيانه سياره المحل ووووووووووو غير الرسوم واشياء ثانيه تجهلها يصفى لك اذا انت بار والدين 25 الف فقط

ولاتنسى ايجار المحل؟

لكن لويصفى له 5-10 الاف ريال شهريا , ممتاز