الاتحاد الاوربي والان السعودية كلهم يجبرون ابل تحول تايب سي
وكل الاجهزه الاكترونية من الشركات الاخرى تتحول نفس الشيء

بس تنتقل للمشكله الاخرى الموثوقية حيث شاحن سريع سامسونج ما يشحن هواوي او ايفون بسبب التوافق هههههههه يعني تصلح من هنا يخربون من هنا

ع حسب تسريبات اللي شفته تصميم نفس الشي و كاميرات و غيره

ماعاد تايب تغير بس

الافضل حاليا هي 14 برو ماكس

الجديد حسب التسريبات
منفذ تايب سي
بطاريات اكبر (البروماكس 4852)
رام 8 قيقا
معالج A17
زر الاجراءات
راح يبدا من سعة 256 قيقا كستاندرد (وهالشي بيخفض سعرها)
لون العنابي ديب ريد + الدارك بلو الازرق الغامج
طبعاً كل اللي ذكرته يخص فئة البرو
باقي شهر ونشوفه ع ارض الواقع ان شاء الله

حسب ما شفت مافيه تغيير الا بسيط بس يقولون اعلى فئة راح يضيفون عدسة تقريب لين ست مرات

يعني يتحدد تشتري او لا لانزل رسمي نشوف وش الجديد فيه هل يستاهل الترقية او لا

بنتظار نزوله الايفون سوف يتم الترقيه من ايفون ٧ الى ١٥
بعد صبر طويل

راح تحس بفرق شاسع
اما اللي يشتري كل سنة او سنتين واحيان ثلاث مايلاحظ اختلاف جوهري

ان شاء الله يكون فيه ذيك الفروقات الي تستحق
معي 11 برو ماكس حالياً ، بشوف كيف بيكون التصميم والاسعار والاحجام وقت العرض

اذا صدقت التوقعات وتغير مدخل الشاحن وزر الاجراء محل الصامت بيكون تحديث يستحق
اما السعر الله يعينك

اتوقع اصحاب ايفون 11 الى 14 مايفرق معهم 15 الا شي بسيط

وش افضل هو ولا ايفون 14 بلس ؟ وكم تتوقعو السعر

عن نفسي جوالي ايفون XR شريته مستخدم قبل سنة (هذا اول ايفون اشتريه بحياتي كلها)
مادري هل تشوفون الترقية من XR الى 15 تسوى ؟

انتظر ينزل 15 عشان يرخص 14 ويرخص 13 اكثر واشتريه :p

ماعليك ب الناس وش يشوفون ، شف انت وش تحتاج وهل مرتاح مع جوالك ويكفيك ؟ اذا شايف كذا خلاص اما لو في حاجات مضايقتك وتحس ودك تحسّن من تجربتك انتظر ينزل وشوف المراجعات وجربه ان امكن وبعدها قرر

يارجال لاتسريب ولا شي
سعيد اخو مبارك

حبيت بس اعرف اذا فيه فرق يسوى عن نفسي مرتاح مع الجوال ولا اشوف فيه داعي اخذ ايفون جديد اذا الفرق فقط 5G وكاميرا ومعالج افضل لانه جوالي شايفه جدا ممتاز ولا يعلق ولا فيه اي مشاكل حمد لله

الي جرب جوال

One Plus 11

ولا ايفون 20 يجيب مستواه بالقوة وبالاداء

انا واحد من الناس الي استخدم 14 برو ومع الاسف تجاربي مع الايفون دائما سيئة السعر ما يعطيك مقابل اداء بحكم عملي بالتجارة الالكترونية والسوشال ميديا الايفون يسخن يعلق بطاريته تخلص بسرعة وايضا جودته سيئة يتكسر بسرعة من الخلف والامام لدرجة اني كل 6 شهور كنت اشتري ايفون جديد

مرة واحد من الاصدقاء قلي جرب one plus ضحكت وقلت له جوال سواقين قلي انت السواق جربه واشتريه لو ما ناسبك انا بشتريه منك وفعلا رحت شريته كان موديل ون بلص 9 وبصراحة انصدمت من قوته وسرعته وقوة تصويره في السناب وتيك توك واستخدمته سنتين وبعته وجبت اخر اصدار ون بلص 11 بصراحة هذه الشركة مظلومة مرة وكيلها الحين بالسعودية الحداد انا ما توقعت انه يوجد جوال اندرويد بمثل هذه القوة والمتانة طاح مني 4 - 5 مرات على الارض لا استكر حماية ولا شيئ لكن ما شاء الله وحش بكل معنى الكلمة بطاريته تدوم يوم كامل مع الكرف والاستخدام عيبه الوحيد عدم توفر كفرات وستكرات له بالمحلات تلقاها بامازون ومتاجر كثيرة لكن بالسوق السعودي مظلوم الجوال او بالاخص باقي الشركات

كنت استخدم هواوي لكن خلاص ماتت بعد خدمات قوقل راحت منه

لكن حاليا اشوف اقوى جوال بالساحة هو ون بلص حيث انه يستخدم اندرويد خام زي ابل نظام خام سريع وهذا ما تميز فيه ون بلص قوي بشكل صاروخي ما شاء الله واتمنى ما يزيد سعره لاني بظل عليه بشكل دائم للون بلص ومنتظر الاصدار الجديد منه 12

ملاحظة : انتشر مقطع على اليوتوب وعلى السوشال ميديا اقوى 10 جوالات بالساحة حاليا واكتسح ون بلص 11 المرتبة الرابعة تقريبا مع العلم ايفون المرتبة 14 جاء الي هو اخر اصدار من ابل


كلمة اخيرة : احنا مشكلتنا نمشي ورا المشهور والمرغوب ما نعرف وفهم بالتقنية اكثرنا لذلك اعطينا ابل فوق حجمها مما خلاهم كل سنة يغلون سعر المنتج بشكل جنوني انا بالنهاية يهمني الاداء مقابل السعر

آبل تعلن رسميا موعد مؤتمر الكشف عن آيفون 15
يبدأ مؤتمر آبل Apple الخاص للكشف عن الجيل الجديد من آيفون iPhone 15 في الساعة الثامنة مساء بتوقيت مكة المكرمة، وذلك يوم الثلاثاء الموافق 12 سبتمبر 2023، ويأتي مؤتمر آيفون لهذا العام 2023 بعنوان Wonderlust “استكشف العجائب”، وهو المؤتمر الذي تقيمه الشركة من مقرها الرئيسي Apple Park بولاية كاليفورنيا الأمريكية.

الايفون ليس جوال سنوي اكيد ما تحس بالفرق وبتحس بالاستغفال المادي لك



الايفون الصحيح تغير كل 3 او 4 سنوات حتى تحس بفرق ملحوظ بكل المميزات



اما اللي يغير كل سنة هذا راعي محتوى سوجل ميديا او ماتفرق معاه الفلوس فهاؤلا استثناء لا يقاس بهم

بالضبط والله ، انا بالنسبه لي اشتري ايفون احلل قيمته ٣-٥ سنوات وبعدها اغيره .. الا في حاله وحده ان حصل مشكله للجوال وصار تصليحه ماينفع وقتها ارقي امتلكت ايفون 6 وخرب الic ورقيت ل 7 plus وبعدها ل 11 pro وان شاء الله الترقيه الجايه 15 ويمكن اصمل لين 16[emoji23]