الدعم هذا تحصل عليه اذا وقعت عقد عقاري مع ممول اللي هم البنوك باختصار.
الدعم مو شرط الجميع ياخذ 100 الف مشروطة بسياسة الممول يعني اذا وضعك المادي ما يسمح مايعطوك ال100 كامله ممكن 70 وممكن 80 وممكن اقل
كلها رابطينه بسياسة واحكام وشروط الممول .
واتوقع انها بتكون داخله في التمويل مثل موضوع الدعم سابقا
يعني بتكون في حساب التمويل

شفت جدول

https://ibb.co/sKWBSm8

السؤال اللي راتبه 7000سعر البيت 500 الف ينزل له دعم 850 ريال لمدة 20 سنة او تدفع مره واحده قيمة الدعم 204 الف

تنزل شهري لك مايعطونك كاش
سمعت ماعدى بنكين يسونها استثناء تجيك كاش

اذا تعرف اسم البنك لو تفضلت علي مشكوراٌ

سألت واعطوني الاسم: بنك البلاد

محد يقدر يحدد لك شي
انا سمعت كلام كثير جدا جدا
ويوم رحت البنوك طلع لي كلام جديد وامور جديه
مو جميع من راتبه 7 الاف يكون كلهم نفس الدعم ونفس كل شي
يدخل في الحسبه امور كثيره
العمر
سنوات الخدمه
السجل الائتماني
عدد افراد الاسره الكبار لهم نسبه والاطفال لهم نسبه
خطوط الجوال باسمك
كم سياره باسمك
وجود عماله منزليه
والكثير من الامور يدخلونها في الحسابات بعدها يطلع لك كم تستحق دعم ووش يناسبك وما يناسبك

لازم انت تلف عالبنوك وتعرف الحسبة الاقرب للصحيح

ما فيه بنك يعطيك اياها كاش

الراتب اكثر من 10 الدعم 100 الف ريال يعني دعم شهري 416 ع 20 سنة
الراتب اقل من 10 ال3عم 150 الف ع 20 سنة اعتقد 600 ريال شهري

الان البلاد والعربي وساب والانماء والاهلي

يخصمونها لك من قيمة العقار

يعني لو الفيلا بمليون - الدعم 100 الف

900 الف ينزل عليك العقار

وغير كذا كلام موظفين البنوك ماهو اكيد 100%

مجرد تجي الموافقة من الادارة عندهم تلقى الكلام مختلف والاقساط مختلفة

هذا اللي حصل معي

يأثر على القسط يخف الاستقطاع انا بشتري خارج الرياض واللاسعار بحدود 500 الف تنزيد شوي او تنقص شوي

عالعموم بنتظر الطلب اللغاء منتج ارض وبروح لل بنوك المذكورة بورقة وقلم الله يسرها

على حد علمي، الدعم المقدم ما هو لك، إنما ينزل دفعة مقدمة في الوحدة السكنية اللي بتشتريها
لذلك بعض الناس يتفق مع المطور إنه يزيد في سعر الوحدة بمقدار الدعم علشان يعطيه إياه كاش




الدعم 100 الف كاملة (للي رواتبهم أعلى من 10 الاف، و150 الف للي أقل)
التغير بحسب الوضع يكون في اللي يختار الدعم الشهري بدلا من الدعم المقدم

عموما الفيصل في الأمر هو مراجعة البنوك

القسط بيكون ما بين 50% الى 60% من الراتب

الافضل

1- تاخذ لفة ع البنوك وتشوف اقل نسبة لانها تفرق كثير

يعني لو النسبة 4 معناه فوائد البنك تقريبا الريال بريال

تاخذ 500 الف ترجعها مليون 500+500 فوائد = مليون
2- ابحث عن البنك اللي يدعم الدفعة المقدمة لانها توفر عليك قريب 200 الف المبلغ مع الفوائد
3- افضل ما يكون عليك اي التزام يعني الراتب صافي
4- تاخذ قرض شخصي اعلى مبلغ تقدر تاخذه خذه لانه 5 سنوات وينتهي
ويكون القرض الشخصي دفعة للعقار والباقي خذه قرض عقاري
5- افضل لك تكون مدة التمويل على 20 او 25 سنة يقل القسط عليك
وتزيد فائدة البنك .

مجرد اقتراحات اذا ما عجبتك اتركها

وبالتوفيق

((( هذي الاجراءات حتى نهاية الشهر الماضي )))

مبلغ 100 الف يكون ضمن الشيك اللي يصدر لبائع العقار بشرط انه يغطي الدفعة 10% أو انت تدفع من عندك فوق الدعم حتى يكون المجموع ( الدعم 100 الف + المبلغ اللي تحطه = 10% من قيمة العقار )

من شروط الحصول على الدعم 100 الف ريال ان التقسيط ما يكون اكثر من 20 سنة او 240 شهر

بشرح لك بمثال عقار قيمته مليون ريال

تروح للبنك وتقدم طلب التمويل وتعطيهم السعر وبيانات عامة عن العقار، بعدها يطلبون منك صور واثباتات عن العقار ومالكه ( تقريبا 6 طلبات هوية المالك الصك رخصة البناء الضمان شهادة اطلاق الكهرباء شهادة اتمام البناء الخ )

ثم يعرض لك الموظف طريقة الاقساط والمدة حسب اللي يناسبك انت سواء 10 او 15 او 20 سنة

بعدها انت او البنك تكلمون صاحب العقار يوقع نموذج عدم التصرف بالعقار لمدة معينة غالبا 30 يوم او اسبوعين

بعدها تنتظر الاجراءات الروتينية ثم يتم تقييم العقار و تدفع 1500 ريال قيمة تقييم العقار وبعد وصول التقييم تروح توقع عقد التمويل النهائي

العقد النهائي يكون عقد ثلاثي من 3 اطراف:

الطرف الاول/ صندوق التنمية العقاري
الطرف الثاني/ انت المشتري
الطرف الثالث/ البنك الممول نقول مثلا بنك البلاد

الجزء الاول من العقد هو بينك وبين البنك ( الطرف الثاني والطرف الثالث ) وفيه الاتفاق على عقد التمويل العقاري ( مرابحة ) بسعر العقار مخصوم منه الدعم ، لو كان العقار قيمته 900 الف والدعم 100 الف فالعقد يكون مكتوب 800 الف ريال

الجزء الثاني من العقد يكون قرض حسن بين صندوق التنمية العقاري والبنك الممول اللي هو بنك البلاد وهذا ما لك علاقة مباشرة فيه

يكون في هذا الجزء ان البنك يقوم باقراض صندوق التنمية العقاري مبلغ 100 الف ريال بدون فوائد على ان يقوم الصندوق بسداد القرض بدفعات شهرية على نفس فترة قرض البيت في الجزء الاول سواء 20 او 15 او 10 سنين

بعد توقيع العقد النهائي خلال اسبوع تنتهي الاجراءات والافراغ

رسوم ادارية 5 الاف ريال تدفع قبل توقيع العقد النهائي


----------------------

اللي يتكلم عن القسط بالنسبة للراتب بشرح الوضع وكل واحد يحسب عقاره:

نسبة الفائدة السنوية عند بنك البلاد كانت 3.89% لو ضربتها في 20 سنة المجموع 77.8%

بمعنى عقار سعره مليون ريال وبعد خصم الدعم 100 الف فالقرض يساوي 900 الف ريال

مجموع التكلفة عليك = 900 الف * 20 سنة * 3.89% سنويا = 1600200 ريال

نقسم المجموع على 240 شهر ( ما يعادل 20 سنة ) فالقسط الشهري = 6667.5 ريال شهريا

لو راتبك 20 الف هذا المبلغ يعادل ثلث الراتب او 33.33%

فيه من ضمن خيارات الدعم اللي هو التأثيث
هل احد يعرف آليته؟
هل ينزل في الحساب
أو متعاونين مع محلات معينة اروح لهم والا كيف طريقته
اللي يعرف لا يبخل علي الله يعافيكم

كلمت سكني ع رقمهم وسألتهم عن باقة الاثاث

والاجابة حتى الآن ما اتفعلت يعني حبر ع ورق

لكن فيه ف تطبيق سكني قسائم شرائية لبعض المحلات كهوم سنتر وغيرهم

لكن ما جربتهم .