فكر قبل ان تدخل الهندسة
banner
2023-08-03 , 03:38 مساءً
م محمد1’s Avatar
م محمد1

مشارك

المشاركات:367
التسجيل:May 2020
م محمد1
بما اننا في ايام التقديم و القبول في الجامعات حبيت اكتب عن وضع الهندسة هذه الايام خصوصا في سوق العمل

نجي للدراسة انا درست في جامعة الملك سعود الدراسة مو سهله و كرف بين صعوبة المواد من رياضيات و تفاضل و تكامل و فيزياء و بين التعامل مع الدكاتره و مزاجيتهم

لذلك نادرا تحصل طالب ما يتاخر ترم او ترمين

نجي للكلام المهم و هو ما بعد التخرج طبيعي انت كمهندس تعبت على نفسك بيكون طموحك عالي و تبغى ارامكو سابك معادن و الجهات على نفس هذا المستوى

الشي المحزن ان الجهات هذي استحدثت برامج ابتعاث يستقطبون خريج الثانوي و يرسلونه يدرس برا ! لذلك نسب توظيف خريجي الجامعات المحلية اصبح اقل من السابق

ايضا موضوع المعدل لازم تجيب معدل عالي جدا و هذا مو مستحيل لكن يحتاج منك تضحيات في حياتك

طيب بتقول بلاش الشركات القوية خلنا ننزل لمستوى اقل مثل شركات المقاولات اللي تحتاج كثير مهندسين و هنا اقول الله يكون بعونك لانك جيت في عقر دار الاجانب و اكتفي لحد هنا لان معروف السيناريو ...

لا و فيه شي جديد داخل عالخط . البنات صار عندهم هندسه ههههههههههه

صاحب هذا القرار ما مر عليه المثل القائل الضرب في الميت حرام !!!

يعني حتى شمعة الامل الاخيره السعودة يبدو انها بتروح لبنات حواء


بتقول خلاص انا ما ابغى اتوظف بشهادة الهندسة و كرهتها خلاص ابغى اشتغل اي شي سكرتير تسويق مبيعات ... للاسف حتى الوظايف هذي يشوفونك اكبر منها و بتطلب راتب عالي فلذلك تستبعد من الفرز الاول

هذي تجربتي كتبتها لكم و انا عاطل حاليا بخبرة 3 سنوات و بالنهاية القرار قرارك
Enlarged Image
2023-08-03 , 03:38 مساءً
2023-08-03 , 03:57 مساءً
LLM’s Avatar
LLM

متميز

المشاركات:6939
التسجيل:Aug 2015
LLM
أكبر سبب نسيت أن تذكره هو عدم وجود صناعات محليه, سيارات؟ من برا, قطارات؟ من برا, معدات منزليه من خلاطات وغسالات وغيره, من برا وهكذا كل شي يصنع بالخارج.
لا يوجد توجه لجعل القطاع فعلا منافس, تركيز القياده الان على القطاع السياحي بينما القطاع الصناعي الإهتمام به ضعيف.
2023-08-03 , 03:57 مساءً
2023-08-03 , 04:57 مساءً
هوغوورتس’s Avatar
هوغوورتس

مشارك

المشاركات:534
التسجيل:Mar 2022
هوغوورتس
م محمد1 كتب:
بما اننا في ايام التقديم و القبول في الجامعات حبيت اكتب عن وضع الهندسة هذه الايام خصوصا في سوق العمل

نجي للدراسة انا درست في جامعة الملك سعود الدراسة مو سهله و كرف بين صعوبة المواد من رياضيات و تفاضل و تكامل و فيزياء و بين التعامل مع الدكاتره و مزاجيتهم

لذلك نادرا تحصل طالب ما يتاخر ترم او ترمين

نجي للكلام المهم و هو ما بعد التخرج طبيعي انت كمهندس تعبت على نفسك بيكون طموحك عالي و تبغى ارامكو سابك معادن و الجهات على نفس هذا المستوى

الشي المحزن ان الجهات هذي استحدثت برامج ابتعاث يستقطبون خريج الثانوي و يرسلونه يدرس برا ! لذلك نسب توظيف خريجي الجامعات المحلية اصبح اقل من السابق

ايضا موضوع المعدل لازم تجيب معدل عالي جدا و هذا مو مستحيل لكن يحتاج منك تضحيات في حياتك

طيب بتقول بلاش الشركات القوية خلنا ننزل لمستوى اقل مثل شركات المقاولات اللي تحتاج كثير مهندسين و هنا اقول الله يكون بعونك لانك جيت في عقر دار الاجانب و اكتفي لحد هنا لان معروف السيناريو ...

لا و فيه شي جديد داخل عالخط . البنات صار عندهم هندسه ههههههههههه

صاحب هذا القرار ما مر عليه المثل القائل الضرب في الميت حرام !!!

يعني حتى شمعة الامل الاخيره السعودة يبدو انها بتروح لبنات حواء


بتقول خلاص انا ما ابغى اتوظف بشهادة الهندسة و كرهتها خلاص ابغى اشتغل اي شي سكرتير تسويق مبيعات ... للاسف حتى الوظايف هذي يشوفونك اكبر منها و بتطلب راتب عالي فلذلك تستبعد من الفرز الاول

هذي تجربتي كتبتها لكم و انا عاطل حاليا بخبرة 3 سنوات و بالنهاية القرار قرارك

انا خريج ثانوي وين هاذي البرامج ما حصلتها
ابقدم عليها بعد عدم حصولي على قبول جامعي للاسف
2023-08-03 , 04:57 مساءً
2023-08-03 , 07:26 مساءً
DraGon Spirit 00’s Avatar
DraGon Spirit 00

محارب لوحة مفاتيح شرس

المشاركات:4223
التسجيل:Jul 2012
DraGon Spirit 00
الفكرة تكمن في تسويقك لنفسك و بناء علاقات

عندك خبرة عمل 3 سنوات ، طيب هل بنيت علاقات و سوقت لنفسك بطريقة جيدة خلال هالفترة ؟

2023-08-03 , 07:26 مساءً
2023-08-03 , 07:35 مساءً
هالبينو’s Avatar
هالبينو

متميز

المشاركات:7356
التسجيل:Nov 2009
هالبينو
اوافقك في كل شي بس برضو انصح بدراسة الهندسة لان فيه احتياج كبير

مجموع عدد المهندسين اجانب وسعوديين تقريبا 200 الف ( الرقم قديم وممكن وصل 250-300 الف)

عدد السعوديين منهم حاليا ممكن 100 الف فقط! وبرضو مع الاجانب فيه نقص كبير

اما الي قلته بخصوص البنات والله انك صادق والمشكلة بسبب الخرفان الشياب مواليد 1400 وتحت.,

في وحدة مشهورة في نيوم عمرهم ماشافوها تداوم خبرتها 4 سنين وكل يوم يسوو معاها مقابلة وينادوها مؤتمرات وانها مثال للمرأة الناجحة ومسماها سينور والشباب الي خبرتهم دبل خبرتها يحطوهم على عقود مؤقته وغيرها الكثير

صندوق السمب للاستثمارات نكب الشباب بسبب تفضيلة للبنات في شركاته..


اما بخصوص ان عاطل

الله يرزقك ونصيحة يمكن انت في غنى عنها وعن نصايحي

هل جربت مع شركات صغيرة كبداية بس ؟ اهم شي تكون في مجال عملك وتخصصك مو مهندس مثلا وتشتغل كاشير.

لاني شايف كثير من اقاربي والي حولي يتخرجوا هندسة ويقولك ما ابغا الا ارامكو تقوله قدم هنا او هنا هات السي في اعطيه لشركات مقاولات تقبل مهندسين الخ

بس كبداية بعدها راح تجيك العروض يرفض يقولك انا مهندس ابغا ارامكو ..
2023-08-03 , 07:35 مساءً
2023-08-04 , 02:21 صباحاً
4DOL’s Avatar
4DOL

بارز

المشاركات:1877
التسجيل:Jul 2005
4DOL
الهندسة من تجربة ما انصح احد يدخلها ابداً

خلينا بعيد عن الاحلام والشركات الكبيرة ونتكلم عن الوضع العام للوظائف، وظائف متدنية برواتب متدنية واجهاد عملي وفي النهاية تفضيلات البنات عليك اكثر، طيب هل يعني لو بنت تدخل هندسة؟؟ برضو لا لان نص الدفعة البنات ماهم محصلين شغل.

فما تدري الكلام عنها كثير وقد ما تبحث وتحاول تشوف المشكلة فين كل شخص مهندس بيحكيلك مشكلة غير عن الاخر، ولكن الجميع اتفقوا ان ما فيه وظيفة هندسية من غير تأخير رواتب بالشهور وهذي مشكلة كفيلة بأنها تخليك تبعد عن الهندسة، والدراسة المتعبة اللي ما راح تواجهها في حياتك او في عملك!

وزي ما تفضلت تحاول تبعد عن تخصصك وتشتغل في شيء اخر بما انك مؤهل فيه اكثر من الناس الثانين تنرفض لانك باعتبارهم فوق المؤهلات المطلوبة.

وبخصوص الشركات الى الان وهذا الشيء اللي مستغرب منه ما زالو فيه مهندسين فقط سعوده!

وتحصل نفسك تايه جداً لان لا العمل الهندسي بيعجبك ولا وضعك الحالي بيعجبك واذا حاولت تغير تخصص بتلقى اللي يوقف فوجهك ولو قدرت تغير بتلقى ان الوضع الجديد ماهو عاجبك، مجال متخبط جداً واذا مسكت فيه من البداية طريق خطأ راح تاكلها باقي مسيرتك، خلينا نتكلم في المجال فقط الهندسي لو انك متخرج بتخصص معين مثلاً هندسة ميكانيكية او كهربائية او معمارية راح تواجهك الوظائف التالية وكل وظيفة عالم عن الاخرى ( مهندس تصميم، مهندس تنفيذ، مهندس مكتب فني، مهندس مشتريات، مهندس مبيعات، مهندس انتاج، مهندس جودة، مهندس صيانة، مهندس امن وسلامة، مهندس اخصائي عقود، مهندس اخصائي مناقصات، مهندس ......الخ) وطبعاً في كل مجال مختلفة عن الاخرى ( المقاولات - الاستشارات - الصيانة - المصانع - .....الخ ) فتلاحظ فيه تخبط كبير هذا من غير الوظائف الجديدة البيئية والاستدامة وغيرها، وهذا ايضاً من غير الوظائف الادارية مثل ( مدير مشروع - مهندس مشروع - مدير مشاريع - مدير عمليات - ....الخ ) وباختلاف المجالات ايضاً، فزي ما صار مع البعض اخذ شيء منهم فالبداية وانحكر فيه وجلس فيه فترة، يعتبر هو تخصصه وصعب يخرج منه.
2023-08-04 , 02:21 صباحاً
2023-08-04 , 02:29 صباحاً
bury my bones’s Avatar
bury my bones

مبدع

المشاركات:3878
التسجيل:Sep 2008
bury my bones
4DOL كتب:
الهندسة من تجربة ما انصح احد يدخلها ابداً

خلينا بعيد عن الاحلام والشركات الكبيرة ونتكلم عن الوضع العام للوظائف، وظائف متدنية برواتب متدنية واجهاد عملي وفي النهاية تفضيلات البنات عليك اكثر، طيب هل يعني لو بنت تدخل هندسة؟؟ برضو لا لان نص الدفعة البنات ماهم محصلين شغل.

فما تدري الكلام عنها كثير وقد ما تبحث وتحاول تشوف المشكلة فين كل شخص مهندس بيحكيلك مشكلة غير عن الاخر، ولكن الجميع اتفقوا ان ما فيه وظيفة هندسية من غير تأخير رواتب بالشهور وهذي مشكلة كفيلة بأنها تخليك تبعد عن الهندسة، والدراسة المتعبة اللي ما راح تواجهها في حياتك او في عملك!

وزي ما تفضلت تحاول تبعد عن تخصصك وتشتغل في شيء اخر بما انك مؤهل فيه اكثر من الناس الثانين تنرفض لانك باعتبارهم فوق المؤهلات المطلوبة.

وبخصوص الشركات الى الان وهذا الشيء اللي مستغرب منه ما زالو فيه مهندسين فقط سعوده!

وتحصل نفسك تايه جداً لان لا العمل الهندسي بيعجبك ولا وضعك الحالي بيعجبك واذا حاولت تغير تخصص بتلقى اللي يوقف فوجهك ولو قدرت تغير بتلقى ان الوضع الجديد ماهو عاجبك، مجال متخبط جداً واذا مسكت فيه من البداية طريق خطأ راح تاكلها باقي مسيرتك، خلينا نتكلم في المجال فقط الهندسي لو انك متخرج بتخصص معين مثلاً هندسة ميكانيكية او كهربائية او معمارية راح تواجهك الوظائف التالية وكل وظيفة عالم عن الاخرى ( مهندس تصميم، مهندس تنفيذ، مهندس مكتب فني، مهندس مشتريات، مهندس مبيعات، مهندس انتاج، مهندس جودة، مهندس صيانة، مهندس امن وسلامة، مهندس اخصائي عقود، مهندس اخصائي مناقصات، مهندس ......الخ) وطبعاً في كل مجال مختلفة عن الاخرى ( المقاولات - الاستشارات - الصيانة - المصانع - .....الخ ) فتلاحظ فيه تخبط كبير هذا من غير الوظائف الجديدة البيئية والاستدامة وغيرها، وهذا ايضاً من غير الوظائف الادارية مثل ( مدير مشروع - مهندس مشروع - مدير مشاريع - مدير عمليات - ....الخ ) وباختلاف المجالات ايضاً، فزي ما صار مع البعض اخذ شيء منهم فالبداية وانحكر فيه وجلس فيه فترة، يعتبر هو تخصصه وصعب يخرج منه.


لا تشكي لي، أبكي لك :(
أكثر ما ندمت عليه هو دخولي مجال الهندسة، إرهاق جسدي ونفسي ومردود مالي ضعيف ولا لك سلم حكومي ولا مسار واضح مثل الطبيب
والقطاع الخاص جحييم دوام أكثر من 48 ساعة بالأسبوع وبيئات عمل قاتلة خاصة الشركات العائلية
والمجال الي تشتغل فيه ضايع، سنتين تشتغل مهندس صيانة، ينتهي عقدك مع السلامة، تدور وظيفة تشتغل مهندس مبيعات ، تتوظف مهندس مشتريات ما تشوف نفسك بهالمجال ولا تدري وش المجال الي يناسبك أصلاً من قل الفرص وقل الدبرة والحيلة

الله يصلح الحال
2023-08-04 , 02:29 صباحاً
2023-08-04 , 03:29 صباحاً
4DOL’s Avatar
4DOL

بارز

المشاركات:1877
التسجيل:Jul 2005
4DOL
DraGon Spirit 00 كتب:
الفكرة تكمن في تسويقك لنفسك و بناء علاقات

عندك خبرة عمل 3 سنوات ، طيب هل بنيت علاقات و سوقت لنفسك بطريقة جيدة خلال هالفترة ؟



البعض موظف في مصنع 9 ساعات - 6 ايام على مكتب لمدة 3 سنوات وماله اي تعامل خارجي، هذا كيف يبني علاقات؟

ولا اللي موظف في مشروع وجلسته كلها مع العمال والفنين كيف يبني علاقات ويسوق لنفسة؟

وقيس على هذا من الوظائف الاخرى.

انا معك في فكرة العلاقات، ولكن مو اي شخص اشتغل 3 سنين يقدر يكون علاقات.
2023-08-04 , 03:29 صباحاً
2023-08-04 , 12:24 مساءً
عبدالله595’s Avatar
عبدالله595

نشيط

المشاركات:579
التسجيل:May 2012
عبدالله595
نفس الوضع باختلاف التخصص
(ادارة مالية)
2023-08-04 , 12:24 مساءً
2023-08-04 , 12:28 مساءً
Rarr’s Avatar
Rarr

عضو جديد

المشاركات:9
التسجيل:Jul 2023
Rarr
هالبينو كتب:
اوافقك في كل شي بس برضو انصح بدراسة الهندسة لان فيه احتياج كبير

مجموع عدد المهندسين اجانب وسعوديين تقريبا 200 الف ( الرقم قديم وممكن وصل 250-300 الف)

عدد السعوديين منهم حاليا ممكن 100 الف فقط! وبرضو مع الاجانب فيه نقص كبير





بصراحة ردك رد شخص تابع للحكومة ويبغى يسوقها على الطلاب المساكين حتى بس تنشغل الكليات والجامعات بالطلاب، وما يهم تضيع سنين وأعمار الشباب عالفاضي والوهم

لكني بحسن الظن فيك وبقول انك على نياتك ولا تدري عن شي

يا اخي على كلامك ان فيه نقص وحاجة، اجل على كذا ما عندنا مهندسين عاطلين ابد (او من بعض الردود الي تقول أنهم ما يبغون يتوظفون الا في شركات كبيره نفهم أن كل المهندسين العاطلين هم عاطلين باختيارهم) .. بس للعلم احصائية رسمية قبل يمكن 3 سنوات تقدر أعداد المهندسين العاطلين بأكثر من 10 آلاف

طبعاً يا شباب لا أحد يصدق مثل هالكلام تراه من يمكن 2008 أيام الأزمة العالمية والوظايف نادرة جداً بالنسبة للمهندسين، وشركات القطاع الخاص ما تبغى توظف سعودي خريج جديد يتعبون عليه يدربونه وبعدين يعطونه ولو حتى راتب 5 آلاف ... يجيبون باكستاني والا مصري، فلسطيني الخ خبرة 10 سنين يفيدهم بخبرته ويعطونه راتب 2000 وانا شفت مواقع التوظيف الخاصة فيهم بعيوني (مطلوب للعمل مهندس كذا كذا في السعودية، متطلبات الوظيفه والله ما تحتاج ولا حتى خبره ولا شي اقامه وبس)

صاحب العمل يجيب عمال أجانب يوفر ويستفيد والحكومه تستفيد تأشيرات واقامات وأنت السعودي ابن البلد امسك طابور العاطلين لا هنت، وفي الأخير يطلعلك قرار وظف سعودي معاق وجيب 5 عمال أجانب، ويا كثر المعاقين حتى اللي عنده تكسر دم يعتبر معاق وخذ يا سعودة

وشركات مثل أرامكو أساساً من يومها عنصرية ما تقبل طلاب الا من جامعة البترول (لأنها هي اللي مأسستها) وحتى الطلاب من جامعة الملك سعود ما تقبلهم مع أنها جامعة معترف فيها عالمياً ولها ترتيب متقدم في التصنيف العالمي لأفضل الجامعات
2023-08-04 , 12:28 مساءً
2023-08-04 , 06:40 مساءً
هالبينو’s Avatar
هالبينو

متميز

المشاركات:7356
التسجيل:Nov 2009
هالبينو
Rarr كتب:
بصراحة ردك رد شخص تابع للحكومة ويبغى يسوقها على الطلاب المساكين حتى بس تنشغل الكليات والجامعات بالطلاب، وما يهم تضيع سنين وأعمار الشباب عالفاضي والوهم

لكني بحسن الظن فيك وبقول انك على نياتك ولا تدري عن شي

يا اخي على كلامك ان فيه نقص وحاجة، اجل على كذا ما عندنا مهندسين عاطلين ابد (او من بعض الردود الي تقول أنهم ما يبغون يتوظفون الا في شركات كبيره نفهم أن كل المهندسين العاطلين هم عاطلين باختيارهم) .. بس للعلم احصائية رسمية قبل يمكن 3 سنوات تقدر أعداد المهندسين العاطلين بأكثر من 10 آلاف

طبعاً يا شباب لا أحد يصدق مثل هالكلام تراه من يمكن 2008 أيام الأزمة العالمية والوظايف نادرة جداً بالنسبة للمهندسين، وشركات القطاع الخاص ما تبغى توظف سعودي خريج جديد يتعبون عليه يدربونه وبعدين يعطونه ولو حتى راتب 5 آلاف ... يجيبون باكستاني والا مصري، فلسطيني الخ خبرة 10 سنين يفيدهم بخبرته ويعطونه راتب 2000 وانا شفت مواقع التوظيف الخاصة فيهم بعيوني (مطلوب للعمل مهندس كذا كذا في السعودية، متطلبات الوظيفه والله ما تحتاج ولا حتى خبره ولا شي اقامه وبس)

صاحب العمل يجيب عمال أجانب يوفر ويستفيد والحكومه تستفيد تأشيرات واقامات وأنت السعودي ابن البلد امسك طابور العاطلين لا هنت، وفي الأخير يطلعلك قرار وظف سعودي معاق وجيب 5 عمال أجانب، ويا كثر المعاقين حتى اللي عنده تكسر دم يعتبر معاق وخذ يا سعودة

وشركات مثل أرامكو أساساً من يومها عنصرية ما تقبل طلاب الا من جامعة البترول (لأنها هي اللي مأسستها) وحتى الطلاب من جامعة الملك سعود ما تقبلهم مع أنها جامعة معترف فيها عالمياً ولها ترتيب متقدم في التصنيف العالمي لأفضل الجامعات



تابع للحكومة :30:


من ردك الطويل واضح انك جاهل وماتفهم في سوق العمل

اجل مهندس هندي ولا مصري براتب 2000؟

الجامعي الاجنبي ماصار يرضا ب اقل من 10 الاف لانها ماصارت تسوي شي في بلدة

وانا اشتغلت في اكثر من مكان وشفت بنفسي لبناني توه خريج يستلم 15 وهندي يستلم 12 وفلبيني فوق ال10,,, ليش الاجنبي راتبه زاد؟ لانه كفو يوقف مع بني جلدته ويوظفه ويطلعه دورات وترقيات والسعودي اذا جا مديرك يخسفبك التقيم

انت ياسعودي اذا مسكت منصب او شفت نفسك ناقص او في مرتبه اقل

تحسد اخوك السعودي الي وضعه احسن

في نفس الوقت الاجنبي يضبط عيال ديرته ويجيبهم هنا والنتيجة؟
في مكان عملي الحالي تحتنا مقاولين واستشاريين هنود وجنسيات غريبة رواتبهم توصل ال100 الف محد يستلم 2000 غيرك ياسعودي

والحكومة جات وزادت الطين بله وقالت راتب المهندس السعودي 7500 والشركات ماصدقت والي كانت تعطي اكثر نزلت رواتبها!

الي يضحك انت من كم اسبوع سويت مقابلة مع شركة امريكية وعرضت عليا راتب 7 اساسي! الشركة هذه اشتغلوا في مشروع تابع لنا وشفت بنفسي رواتبهم

بس طلع هذه معدل رواتب السعوديين! الهنود يستلموا دبله 3 مرات !

--------------------------
المهم
بدل ماتجلس تصيح وتقول عن ارامكو عنصرية وجامعتي احسن جامعة بالعالم

شوف غيرها وشوف مكان يفضل طلاب جامعتك لان زي ماارامكو تفضل خريجي البترول

في جهات حكومية وهيئات خكومية مقرها الرياض تعبد خريجي سعود عبادة

ارامكو ماهي احسن في البلد والعالم جالسه تتركها وتروح نيوم وغيرها

------------

اما من ناحية الارقام الي ذكرتها وبسببها خليتني تابع للحكومة

هذا شي متأكد منه مليون % عندنا نقص والقبول في الكليات الهندسيه صار اصعب مستقبلا راح تعرف ان كلامي صح

Image

هذا رقم قديم واكيد اتغير بس ما اتحسن...

والعقل يقول المفروض مافي اي مهندس عاطل بس مافي تحرك حقيقي من فوق

لان مشاريع الدولة تتطلب مهندسين كثير والحل الاستقدام

خليك رجال و روح لومهم و وصل صوتك لهم








وفي الاخير

الوضع عندنا كله واسطات ومسماها الجديد علاقات

تضبط وضعك مع ناس تمام راح يروحوا اماكن افضل وياخذوك معاهم سوأ سعوديين او اجانب وهذا الشي بشوفه حاليا في مكان عملي

ماعندك احد او ماتعرف احد؟ ضيفهم في لينكدان وانشبلهم بالخاص بس بعد ماتضبط حسابك
2023-08-04 , 06:40 مساءً
2023-08-04 , 11:02 مساءً
s3idan11’s Avatar
s3idan11

مشارك

المشاركات:467
التسجيل:Jul 2013
s3idan11
تدري وش اللي يقهر بعد؟
تمهير اللي يعتبر فرصة كبيرة للشركات يوظفون شخص بالمجان لمدة 6 شهور ما تقدر تاخذه بسهوله
الا بعد مقابلة أشبه ما تكون بمقابلة وظيفة رسمية واحتمالية رفضك كبيرة
2023-08-04 , 11:02 مساءً
2023-08-04 , 11:16 مساءً
Rarr’s Avatar
Rarr

عضو جديد

المشاركات:9
التسجيل:Jul 2023
Rarr
هالبينو كتب:
تابع للحكومة :30:


من ردك الطويل واضح انك جاهل وماتفهم في سوق العمل

اجل مهندس هندي ولا مصري براتب 2000؟

الجامعي الاجنبي ماصار يرضا ب اقل من 10 الاف لانها ماصارت تسوي شي في بلدة

وانا اشتغلت في اكثر من مكان وشفت بنفسي لبناني توه خريج يستلم 15 وهندي يستلم 12 وفلبيني فوق ال10,,, ليش الاجنبي راتبه زاد؟ لانه كفو يوقف مع بني جلدته ويوظفه ويطلعه دورات وترقيات والسعودي اذا جا مديرك يخسفبك التقيم

انت ياسعودي اذا مسكت منصب او شفت نفسك ناقص او في مرتبه اقل

تحسد اخوك السعودي الي وضعه احسن

في نفس الوقت الاجنبي يضبط عيال ديرته ويجيبهم هنا والنتيجة؟
في مكان عملي الحالي تحتنا مقاولين واستشاريين هنود وجنسيات غريبة رواتبهم توصل ال100 الف محد يستلم 2000 غيرك ياسعودي

والحكومة جات وزادت الطين بله وقالت راتب المهندس السعودي 7500 والشركات ماصدقت والي كانت تعطي اكثر نزلت رواتبها!



هذي تجربتك الشخصية أنت مع شركات المقاولات اللي ادارتها أجنبية، أنا أكلمك عن شركات ومصانع ادارتها سعودية وعقلية القطاع الخاص من يومهم يفضلون الاجنبي على السعودي



هالبينو كتب:
المهم
بدل ماتجلس تصيح وتقول عن ارامكو عنصرية وجامعتي احسن جامعة بالعالم

شوف غيرها وشوف مكان يفضل طلاب جامعتك لان زي ماارامكو تفضل خريجي البترول



لا ما أصيح ولا شي بس ذكرت أرامكو لأن جا طاريها في أغلب الردود فأقول اذا هي أصلاً ما تقبل غير من البترول فأي مستقبل للمهندسين فيها وأيش العقلية اللي عندهم هذي (ما نقبل الا من جامعتنا عشان ما أحد يقول أنها صارت تخرج مهندسين ما يلقون وظايف) والواقع أنها من أكثر من 15 سنة صارت تخرج مهندسين ما يلقون وظايف

يا أخي زي ما يقربولك مهندسين أنا برضو يقربون لي مهندسين واحد منهم متخرج بمرتبة شرف وهذا هو 5 سنين عاطل (مثل كاتب الموضوع وأعرف أكيد أن مثلهم آلاف) وما خلوا شركات أو مصانع صغيرة أو كبيرة ما راحوا لها واللي عملوا لهم مقابلات أغلبهم سعوديين، وأنت نفسك جبت المفيد (واسطات أو علاقات) ومتطلبات توظيف تعجيزية مثل الخبرة وهو أصلاً خريج جديد ما سبق له العمل واذا مضى عليه سنة بدون شغل وراح لك مقابلة كلن صار يسأله ليش ما اشتغلت في هالسنة وصار كأنه عذر لهم في رفضه وأزيدك أن العالم ما يقعدون في وظايفهم شهر أو شهرين الا نقلوا عشان زياده 100 او 150 ريال في الراتب ويجونك عندهم خبرات من سنتين وطالع، كيف بتكون فيه فرص لأي خريجين جدد .. واحد يقولي ما يحضر مقابلة الا وأغلب الحاضرين عندهم خبرات سنتين وطالع، فأيش الحل ؟ تزوير شهادة خبرة وبعد سنة تقرا في الجريدة اكتشاف 3000 مهندس بشهادات خبرة مزورة ؟

على قولتك الحكومة تسوي مشاريع جديدة ومحتاجه مهندسين وما يشوفون أحد فيستقدمون من برا، طيب هي نفسها الحكومة طلعت احصائية قبل أكثر من سنتين تقول أن فيه 12 ألف مهندس سعودي عاطل (وطبعاً اذا اضطرت الحكومة انها تعترف بهالرقم فأنت اضربه في 10 عشان تحصل على الرقم الحقيقي)

لاحظ أنك تناقض نفسك لما تقول أن فيه نقص في عدد المهندسين لكن ما فيه تحرك من فوق من الحكومة ؟ يعني أنت تعرف أن فيه عاطلين وتعرف أن السبب الحكومة وأنها ما تبغى تتغير أو منتظرين رجال يجي يلومهم ويوصل لهم صوته طيب ليه تنصح بدراسة الهندسة ؟

ومن يقول أن الجامعات صارت تصعب قبول الطلاب ؟ الكلية الصناعية في الجبيل اللي يشوفها يقول جامعة وكل مالها تتوسع عشان تقبل طلاب أكثر، هي وأختها اللي في ينبع صار لهم سنين يخرجون مهندسين، جامعة الملك فيصل الآن راح تصير مدينة جامعية وبتقبل أضعاف الأعداد اللي كانت تقبلها، هذا اللي أشوفه في منطقتي، لكن هذي استراتيجية لاقناع الناس بالبطالة، تضيع سنين العمر في الدراسة وبعدها الخريج يشوف روحه صك الثلاثين ويجيه الاحباط في كل سنة تمر عليه لأنه بعدها يصعب قبوله في أي مكان

الزبدة أنت تكلمت عن مهندسين عاطلين يقربونلك (سالفة أنهم يشترطون أرامكو أو شركة كبيرة والا ما رح يشتغلون هذي شوف غيرها لأنها ما تدخل العقل)، يعني قلنا مثلاً أول 6 شهور بعد التخرج كانوا يطمحون أنهم يتوظفون بشركة كبيرة طيب وبعدها ؟ بيفضلون أنهم يقعدون عاطلين طول عمرهم على أنهم يشتغلون في شركات صغيرة ؟ حاجه ما تدخل المخ والأخ كاتب الموضوع هذا مثال وينصح بتجنب هالمجال، وأنا أضيف أني برضو أعرف مهندسين عاطلين، فالزبدة لا احد يتعب نفسه ويدخل هالمجال يا شباب
2023-08-04 , 11:16 مساءً
2023-08-05 , 12:39 صباحاً
م محمد1’s Avatar
م محمد1

مشارك

المشاركات:367
التسجيل:May 2020
م محمد1
هالبينو كتب:

اما بخصوص ان عاطل

الله يرزقك ونصيحة يمكن انت في غنى عنها وعن نصايحي

هل جربت مع شركات صغيرة كبداية بس ؟ اهم شي تكون في مجال عملك وتخصصك مو مهندس مثلا وتشتغل كاشير.

لاني شايف كثير من اقاربي والي حولي يتخرجوا هندسة ويقولك ما ابغا الا ارامكو تقوله قدم هنا او هنا هات السي في اعطيه لشركات مقاولات تقبل مهندسين الخ

بس كبداية بعدها راح تجيك العروض يرفض يقولك انا مهندس ابغا ارامكو ..


والله انا اقدم على كل شي و متواضع و اقدم على سكرتير مساعد اداري اي وظيفه اشوفها تناسبني اقدم مباشره لكن سبحان الله ما فيه اي تواصل


الله يسهل عالشباب و تزين امورهم
2023-08-05 , 12:39 صباحاً
2023-08-05 , 02:21 صباحاً
ملك الالعاب’s Avatar
ملك الالعاب

مبدع

المشاركات:2720
التسجيل:Aug 2004
ملك الالعاب
ياخي مدري وش تشكي وش تخلي

لما جيت اتخرج من الثنوي قبل اختار التخصص شفت المهندسين سوقهم مرا ارتفع (تقريبا سنة 2011 او 2012) حتى الي تقدير جيد جدا من الشباب الي اعرفهم لقى وظيفة في شركات مرموقة،
ف اخترت التخصص ، ولما قربت اتخرج قمت اشوف الدفعات الي قبلي للحين عاطلين ! واشوف اعلانات الشركات تطلب موظفين بشهادة دبلوم او مثيلاتها وتعطيه راتب طفسه وماتبغى المهندس لانه غالي !
هنا بديت اخاف والطموح نزل،

مع ذلك تخرجت بمرتبة شرف، وجلت كم شهر اتلطم بين المقابلات وكلها رفض من اكبر الشركات، وتحس انه اختاروا الشخص الي بيوضفونه حتى قبل المقابلة ! لما أدخل المقابلة يناظرون ببعض ومحد له خلق ، مره دخلت مقابلة لقيتهم يكلمون بعض (عندك سؤال ؟؟ مالي خلق اسأل اسأله انت !! طفشنا ياشيخ متى نمشي) وقبل ادخل المقابلة كنت جالس فالانتظار واسمع المنسق يكلم الاشخاص الي بيقابلونا وبالحرف يقول (معليش سامحونا ادري انهم كثير بس هذولا وتمشون)،

الي يقول اشتغل أي شي ولا تجلس، قدمت كل مكان حتى جرير واكسترا وبندة ووو ، قالولي شهادتك اعلى من المطلوب !!

وبعد كم مقابلة يأست وصرت أبكي بالليل وادعي الله اشتغل اي شي (اتذكر في ليلة دعيت يارب اشتغل اي شي لو راتب طفسه)

لكن الحمدلله بعد وقت ودعاء الوالدين + الكثير من الحظ توظفت لكن بعيد جدا عن أهلي

بحكم ان الشركة الي شغال فيها عندها عقود مع أجانب، صادفت كثير منهم واسولف معهم كم تستلم ووو الخ

اكتشفت انه يسوي نفس شغلي بالظبططط لكن راتبه 20 الف وانا نصف الراتب او اقل !! ويعطونه فلة ببلاش هو واهله ويغسلون ملابسه لو عزابي وتذكرة كل سنة لديرتهم ويوصلونه الدوام ويجيبونه !!!!!!!!!! يا شباببب شدعوه ترا انا ولد البلد دلعوني كذا !
2023-08-05 , 02:21 صباحاً
2023-08-05 , 03:38 صباحاً
Rarr’s Avatar
Rarr

عضو جديد

المشاركات:9
التسجيل:Jul 2023
Rarr
ملك الالعاب كتب:
اكتشفت انه يسوي نفس شغلي بالظبططط لكن راتبه 20 الف وانا نصف الراتب او اقل !! ويعطونه فلة ببلاش هو واهله ويغسلون ملابسه لو عزابي وتذكرة كل سنة لديرتهم ويوصلونه الدوام ويجيبونه !!!!!!!!!! يا شباببب شدعوه ترا انا ولد البلد دلعوني كذا !



مثالك حلو، وش جنسيته ؟ المتعارف عليه السياسة عندنا أن الأوربي والأمريكي له راتبين وسكن وتذكره

في المرتبه الثانيه يجيك السعودي على حسب قد يكون راتبه أقل النص أو أقل ب20% من اللي فوق حسب مؤهلاته

بعدين الجنسيات الآسيوية والعربية هذول رواتبهم تحت تحت

أعرف ناس في أرامكو يقولون طريقتها أنها تجيب موظفين بعقود من شركات متعاونة معهم وادارتها سعودية عرب وآسيويين وتعطيهم رواتب 3000 وعندهم خبرات 5 و 7 سنين وأنهم يتذمرون ويبغون الشركة ترسمهم دامهم يشتغلون لحسابها

أنا كلامي مو عن الشركات الكبيرة والشركات التابعة لها أو شركات أجنبية، كلامي عن شركات أو مصانع صغيرة ملاكها سعوديين (قطاع خاص) ذول يقولون لك الأقربون أولى بالمعروف فبيوظف اللي يصيرون له واذا محتاج مهندسين استقدام والسبب ؟ أن المهندس السعودي ما بيرضى براتب أقل من 4 أو 5 آلاف .. يعني الأخ "هالبينو" يتكلم عن أجانب ما يرضون بأقل من 10 تحس كأن نيوم هذي اللي يتكلم عنها على كوكب ثاني .. المهم فيه مهندسين أجانب باكستانية وهنود مصريين يرضون حتى ب 2000 ريال وهذا السبب اللي يفسر الاحصائية اللي جابها الأخ (عدد المهندسين الأجانب 5 أضعاف عدد السعوديين)

بس تشوف أنت تجربتك اللي تكلمت عنها وكيف أنك تعذبت عبال ما لقيت وظيفة وما أدري كم شهر أو سنة مرت عليك عاطل، أنت قد تكون من عايلة ميسورة الحال كل صبحية تدق سلف السيارة (الجديدة) وتروح وين ما تبغى تدور عن وظيفة ومخاسير مواصلات على سفريات ويمكن تضطر تبات بفندق ليلة المقابلة وتشوف وين موقع الشركة قبل بوقت حتى تصحى الصباح وما تتأخر عن الموعد الخ، لكن فيه ناس كثير ما عند أهاليهم الامكانيات المادية اللي تسمح لهم فيرضخون للأمر الواقع وما يواصلون البحث عن عمل
2023-08-05 , 03:38 صباحاً
2023-08-05 , 01:52 مساءً
هالبينو’s Avatar
هالبينو

متميز

المشاركات:7356
التسجيل:Nov 2009
هالبينو
[QUOTE=Rarr;1083612030]/QUOTE]


بخصوص نصيحتي بدراسة الهندسة

صح فيه احتياج وفيه تطفيش للسعودين بس مصيره ينتهي بشخطة قلم وامورهم تتحسن

بكرا يسعودوا ومايلقوا خريجي هندسة راح نرجع لنفس الموال جيب اجنبي واعطيه راتب فلكي لان التخصص نادر الخ...الواحد مايبغا يلوم خريجي الهندسه نفسهم عشان لايتحسسوا والي فيه يكفيهم بس في اسباب كثير لهذا الشي..

الا اذا فيه تخصص راح تضمن تتوظف فيه من اول يوم تتخرج وما اعتقد ان في تخصص احسن لان كل السعودية تعاني من هذا الشي حتى الدكاترة صاروا يشتكوا...

----------
اما بخصوص الرواتب

انت مصر انهم يقبلوا رواتب متدنية وتحسب نيوم بس تعطي رواتب عالية

ترا يوم اقولك في اجانب مايرضوا برواتب متدنية مو شغالين في نيوم نفسها

اخوي شغال في بنك فرعهم في المنطقة الصناعية وكل يومين يقولي قدم عالشركة الفلانية بيجونا موظفين جدد معاهم تعريف بالراتب وبالمبلغ الفلاني

خريج فلبيني راتبه 12 مصري راتبه 18 حتى السعوديين بيقولي جاله واحد راتبه كذا شغال في الشركة الفلانية قدم عليها

غير الي انا شفتهم بنفسي واشتغلت معاهم

عندنا في المشروع مقاولين جايين من الرياض وتبوك وبعضهم من ضبا نفسها يعني شركات ابوكلب محد يعرفها

بس رواتب الاجانب فيها من 10 وفوق وتوصل مبالغ فلكية وممكن تتعدا ال100 الف (ممكن حتى يعطوه نسبه من العقد زي ما بن لادن كان يسوي قبل يفلس)

الايجارات في ضبا حاليا لشفة 3 غرف ب5 الاف الشهر واعرف كثير هنود ومصاريه شغالين عند هذول المقاولين جايبين عيالهم وبيدفعوها بالله هذا يستلم 2000 ولا حتى 10 ويدفعها ايجار بالكامل؟

المشكلة الي بقابلهم ماهم مدراء ولا ماسكين مناصب في شركاتهم مهندس مشروع ولا سايت



طبعا نيوم نفسها وباقي شركات الصندوق لو اقولك كم رواتب الاجانب راح تنجلط لدرجة مدير البحر الاحمر عنده طيارة خاصة فيه مشتريها وموقفها في مطار الوجه... كم تتوقع هذا يستلم؟

بس للامانة الشركات هذه معطيه السعوديين رواتب محترمة ومميزات بدون تفرقة...
2023-08-05 , 01:52 مساءً
2023-08-05 , 03:23 مساءً
م محمد1’s Avatar
م محمد1

مشارك

المشاركات:367
التسجيل:May 2020
م محمد1
7bajh كتب:
أكبر سبب نسيت أن تذكره هو عدم وجود صناعات محليه, سيارات؟ من برا, قطارات؟ من برا, معدات منزليه من خلاطات وغسالات وغيره, من برا وهكذا كل شي يصنع بالخارج.
لا يوجد توجه لجعل القطاع فعلا منافس, تركيز القياده الان على القطاع السياحي بينما القطاع الصناعي الإهتمام به ضعيف.


الصناعات النفطية و مشاريع الانشاءات هذي لحالها توظف لك ما لا يقل عن 50 % من الخريجين

ما تكلمت عن الصيانة و عقود التشغيل وووووووو
2023-08-05 , 03:23 مساءً
2023-08-05 , 07:03 مساءً
DraGon Spirit 00’s Avatar
DraGon Spirit 00

محارب لوحة مفاتيح شرس

المشاركات:4223
التسجيل:Jul 2012
DraGon Spirit 00
4DOL كتب:
البعض موظف في مصنع 9 ساعات - 6 ايام على مكتب لمدة 3 سنوات وماله اي تعامل خارجي، هذا كيف يبني علاقات؟

ولا اللي موظف في مشروع وجلسته كلها مع العمال والفنين كيف يبني علاقات ويسوق لنفسة؟

وقيس على هذا من الوظائف الاخرى.

انا معك في فكرة العلاقات، ولكن مو اي شخص اشتغل 3 سنين يقدر يكون علاقات.





الزملاء في العمل ، ابن معهم علاقات ، اذا فيه اجتماعات اطلب انك تكون فيها

اشتغلت في شركة لمدة سنة و نصف ، خلال هالسنة و النصف استقال مديري السابق في الشركة و راح لشركة ثانية

بعد 6 شهور تواصل معي و قال لي في شركة عندهم وظيفة شاغرة لنفس وظيفتي ، قلت تمام راح أتواصل معهم و أعمل مقابلة معهم و أنا مو محتاج لها و فعلا عملت المقابلة

نفس الكلام خلال السنة و النصف ، خرج أحد الموظفين و تواصل معاي بعد فترة من خروجه

و رحت عملت مقابلة في الشركة التي يعمل فيها



بناء العلاقات تتيح لك الفرص ، و ليست واسطة كما يسميها الناقمون على أنفسهم و على الحياة
2023-08-05 , 07:03 مساءً
2023-08-06 , 10:17 صباحاً
4DOL’s Avatar
4DOL

بارز

المشاركات:1877
التسجيل:Jul 2005
4DOL
DraGon Spirit 00 كتب:
الزملاء في العمل ، ابن معهم علاقات ، اذا فيه اجتماعات اطلب انك تكون فيها

اشتغلت في شركة لمدة سنة و نصف ، خلال هالسنة و النصف استقال مديري السابق في الشركة و راح لشركة ثانية

بعد 6 شهور تواصل معي و قال لي في شركة عندهم وظيفة شاغرة لنفس وظيفتي ، قلت تمام راح أتواصل معهم و أعمل مقابلة معهم و أنا مو محتاج لها و فعلا عملت المقابلة

نفس الكلام خلال السنة و النصف ، خرج أحد الموظفين و تواصل معاي بعد فترة من خروجه

و رحت عملت مقابلة في الشركة التي يعمل فيها



بناء العلاقات تتيح لك الفرص ، و ليست واسطة كما يسميها الناقمون على أنفسهم و على الحياة


نفس اللي صار معك بالضبط صار معي، ونفس المدير الاول الى الان مديري مع اختلاف الشركات، ولكن هذا ما يعني ان الجميع بإمكانهم عمل علاقات فالعمل، الظروف تختلف.
2023-08-06 , 10:17 صباحاً