رأيكم بطرق المعالجة المنتشرة مؤخرا ؟
banner
2023-08-02 , 08:44 صباحاً
ميلاني متعصب’s Avatar
ميلاني متعصب

مبدع

المشاركات:2891
التسجيل:Feb 2009
ميلاني متعصب
السلام عليكم ورحمة الله وبركاته

لاحظت انتشار طرق معالجة للقهوة غريبه ومميزه وهي تسمى التحفيز الحراري أو التنقيع وهي نقع كرزات البن في الماء مع قطع من الفاكهة مثل العنب و الكرز و الفراولة وتعطي هذي الطريقة ايحاءات عالية وواضحة جدا و حلاوة عالية.

أنا بالنسبة لي هذه الطريقة ناسبتني جدا جدا بالقهوة المقطرة صحيح انها تكون اغلى من غيرها من طرق المعالجة لكن تستمتع بكوب قهوة خرافي

جربت نوعين من هذه المعالجة وهي

لاكنديرا - كولومبيا من محمصة ORO : نكهة العنب واضحة جدا وانت تشرب هذا الكوب لكن للاسف حاليا مقطوع.

لالا - كولومبيا من محمصة Rays : نكهة الكرز واضحة جدا وحلاوة ماهي طبيعية بهذه القهوة لدرجة تشك انهم ناقعينها بشيرة :d

طبعا انا معتمد طريقة موحدة بالتحضير وهي 20 جرام بن على 300 جرام ماء موزعة بالتساوي 60 جرام على 5 صبات بوقت 2:45 ثانية.


هل قد جربتم هذه الطريقة من المعالجة ورأيكم فيها
Enlarged Image
2023-08-02 , 08:44 صباحاً
2023-08-05 , 09:38 صباحاً
أبو حـاتم’s Avatar
أبو حـاتم

نشيط

المشاركات:842
التسجيل:Jun 2007
أبو حـاتم
المعالجات الجديدة اكثر من بدّع فيها الكولومبيين ونفعتهم مع سلالاتهم الرخيصة كاستيلو وكاتورا

هالسلالتين تتحمل الامراض وتعيش عشان كذا هي الاوفر تواجدًا والاقل سعرًا

بهالمعالجات قدروا يرفعون سعر بيعها لكن موب كلهم مبدعين

المعالجات الحلوة غالية ولا يشترونها ربعنا لانهم يبون مكاسب أكبر فصعب يوفرون شيء غالي ويصير مكسبه أقل

معالجات بيرمودز ما مثلها وموجودة بمحمصة مانهاتن الهولندية

اذا جاء الشتاء ان شاء الله نبي نرجع نطلب منها ربع كيلو مكافأة لصبرنا على قهاوي الصيف. وعلى غلاءها الفاحش لكن تشرب شيء عجيب. وهي ألذ ما جربت اسبريسو

جربت لونا بيرمودز + ليتي بيرمودز. الاول توت ازرق والثاني خوخ (حرفيًا). لكن الربع يكلف مع شحنه تقريبًا 170 ريال :(

ولو تفكر فيها شوي. وزن 250 جرام بهالسعر. مشابه لاسعار 125 جرام الي عندنا (75-99 ريال).

ومصدر بطل وحمص رايق ولا تندم على شراءه (بناءً على تجربتي الوحيدة).
2023-08-05 , 09:38 صباحاً
2023-08-05 , 05:50 مساءً
ميلاني متعصب’s Avatar
ميلاني متعصب

مبدع

المشاركات:2891
التسجيل:Feb 2009
ميلاني متعصب
أبو حـاتم كتب:
المعالجات الجديدة اكثر من بدّع فيها الكولومبيين ونفعتهم مع سلالاتهم الرخيصة كاستيلو وكاتورا

هالسلالتين تتحمل الامراض وتعيش عشان كذا هي الاوفر تواجدًا والاقل سعرًا

بهالمعالجات قدروا يرفعون سعر بيعها لكن موب كلهم مبدعين

المعالجات الحلوة غالية ولا يشترونها ربعنا لانهم يبون مكاسب أكبر فصعب يوفرون شيء غالي ويصير مكسبه أقل

معالجات بيرمودز ما مثلها وموجودة بمحمصة مانهاتن الهولندية

اذا جاء الشتاء ان شاء الله نبي نرجع نطلب منها ربع كيلو مكافأة لصبرنا على قهاوي الصيف. وعلى غلاءها الفاحش لكن تشرب شيء عجيب. وهي ألذ ما جربت اسبريسو

جربت لونا بيرمودز + ليتي بيرمودز. الاول توت ازرق والثاني خوخ (حرفيًا). لكن الربع يكلف مع شحنه تقريبًا 170 ريال :(

ولو تفكر فيها شوي. وزن 250 جرام بهالسعر. مشابه لاسعار 125 جرام الي عندنا (75-99 ريال).

ومصدر بطل وحمص رايق ولا تندم على شراءه (بناءً على تجربتي الوحيدة).


ما تتأثر جودة القهوه مع الشحن ؟
اعطينا روابط للي ذكرتهم لاهنت
2023-08-05 , 05:50 مساءً
2023-08-06 , 03:27 صباحاً
أبو حـاتم’s Avatar
أبو حـاتم

نشيط

المشاركات:842
التسجيل:Jun 2007
أبو حـاتم
لا تطلب الان لأنها بتنعدم من الحر

عندهم شحن DHL سريع لكنه غالي

حاليًا شوب اند شيب فتحوا فرع بهولندا واتوقع ارخص على كمية قليلة

https://manhattancoffeeroasters.com/catalog/coffee

تلقى خانة يمين اسمها world class

انا ما جربت الا حمص الفلتر مدري عن غيره ولا سويته الا اسبريسو بحرارة عالية

بالشتاء ما بتخرب ان شاء الله

وتراي اخلي مسؤوليتي :d
2023-08-06 , 03:27 صباحاً
2023-08-06 , 10:36 صباحاً
أحمد’s Avatar
أحمد

.........................

المشاركات:5905
التسجيل:Jun 2007
أحمد
عن نفسي ما اقتنعت بهذه الطرق المفروض يسموها القهوة بنكهة العنب، التفاح....الخ
لانه بالواقع القهوة امتصت نكهة الفاكهة الي نقعوها فيها وهذه ليست ايحاءات القهوة هذه نكهة الفاكهة الي امتصتها
يعني تسويقها على انها إيحاءات طبيعية للقهوة هذا غش
2023-08-06 , 10:36 صباحاً
2023-08-07 , 10:59 صباحاً
ميلاني متعصب’s Avatar
ميلاني متعصب

مبدع

المشاركات:2891
التسجيل:Feb 2009
ميلاني متعصب
| AHMED | كتب:
عن نفسي ما اقتنعت بهذه الطرق المفروض يسموها القهوة بنكهة العنب، التفاح....الخ
لانه بالواقع القهوة امتصت نكهة الفاكهة الي نقعوها فيها وهذه ليست ايحاءات القهوة هذه نكهة الفاكهة الي امتصتها
يعني تسويقها على انها إيحاءات طبيعية للقهوة هذا غش


وجهة نظر منطقية جدا
2023-08-07 , 10:59 صباحاً
2023-08-07 , 01:01 مساءً
أبو حـاتم’s Avatar
أبو حـاتم

نشيط

المشاركات:842
التسجيل:Jun 2007
أبو حـاتم
| AHMED | كتب:
عن نفسي ما اقتنعت بهذه الطرق المفروض يسموها القهوة بنكهة العنب، التفاح....الخ
لانه بالواقع القهوة امتصت نكهة الفاكهة الي نقعوها فيها وهذه ليست ايحاءات القهوة هذه نكهة الفاكهة الي امتصتها
يعني تسويقها على انها إيحاءات طبيعية للقهوة هذا غش



كانت عندي نفس الفكرة هذي لين جربت محامص هولندية

لو هالبن بمعالجة مجففة او مغسولة ما راح احد يطالع فيه. لكن هالمعالجات موجهه للسلالات الارخص بهدف الربح العالي منها. صار بيرمودز يشتري محاصيل ويعالجها بعدين يصدرها

كذلك محمصة DAK بهولندا عندهم محصول اسمه ميلكي كيك. بالطواحين العادية طلع لي طعم هيل فقط لكن بفلات 98 ترس كبير طلع لي فانيليا حلوة وخف الهيل شوي. صار كأنه كيك فعلًا.

موب كل المعالجات حلوة لكن فيه ناس مبدعين + موب كل حماص بيضبط بروفايل خاص يطلع افضل ما في البن + العدة من شخص لشخص تختلف وبيختلف الطعم. كذلك الأذواق تختلف

ترى المعالجات هذي (بيرمودز) ما اتوقع انها بفواكه. اظنها كيميائية بنكهات صناعية لاني شفت له مقطع يصب سائل لونه وردي على البن في مختبر. يمكن هالسائل مكوناته طبيعية عكس توقعي. كله تخمين ما عندنا خبر يقين.

المعالجات الي يطلع لك ريحة تخمير او طعم تخمير بكوبك هذي معالجات سيئة ولا تسوى. وطعم وريحة التخمير منفرة جدًا جدًا جدًا. مفروض المحمصة ما يشترون الا بعد تجربة واي طعم او ريحة تخمير يبتعدون عنه. شوهوا سمعة التخمير هم وحمصهم الدايخ.

محمصة اشتروا محصول جديد:

استخدم بروفايلنا الموحد لكل انواع البن وميزته اومني روست يمشي كلشيء حتى في الميلك شيك.

جربوا DAK بالشتاء. حمصهم مسارين فلتر واسبريسو وكذلك سعر الشحن 25 يورو على DHL Express
واذا وصلت 150 يورو شحنك مجاني.
2023-08-07 , 01:01 مساءً
2023-08-09 , 09:58 صباحاً
أحمد’s Avatar
أحمد

.........................

المشاركات:5905
التسجيل:Jun 2007
أحمد
أبو حـاتم كتب:
كانت عندي نفس الفكرة هذي لين جربت محامص هولندية

لو هالبن بمعالجة مجففة او مغسولة ما راح احد يطالع فيه. لكن هالمعالجات موجهه للسلالات الارخص بهدف الربح العالي منها. صار بيرمودز يشتري محاصيل ويعالجها بعدين يصدرها

كذلك محمصة DAK بهولندا عندهم محصول اسمه ميلكي كيك. بالطواحين العادية طلع لي طعم هيل فقط لكن بفلات 98 ترس كبير طلع لي فانيليا حلوة وخف الهيل شوي. صار كأنه كيك فعلًا.

موب كل المعالجات حلوة لكن فيه ناس مبدعين + موب كل حماص بيضبط بروفايل خاص يطلع افضل ما في البن + العدة من شخص لشخص تختلف وبيختلف الطعم. كذلك الأذواق تختلف

ترى المعالجات هذي (بيرمودز) ما اتوقع انها بفواكه. اظنها كيميائية بنكهات صناعية لاني شفت له مقطع يصب سائل لونه وردي على البن في مختبر. يمكن هالسائل مكوناته طبيعية عكس توقعي. كله تخمين ما عندنا خبر يقين.

المعالجات الي يطلع لك ريحة تخمير او طعم تخمير بكوبك هذي معالجات سيئة ولا تسوى. وطعم وريحة التخمير منفرة جدًا جدًا جدًا. مفروض المحمصة ما يشترون الا بعد تجربة واي طعم او ريحة تخمير يبتعدون عنه. شوهوا سمعة التخمير هم وحمصهم الدايخ.

محمصة اشتروا محصول جديد:

استخدم بروفايلنا الموحد لكل انواع البن وميزته اومني روست يمشي كلشيء حتى في الميلك شيك.

جربوا DAK بالشتاء. حمصهم مسارين فلتر واسبريسو وكذلك سعر الشحن 25 يورو على DHL Express
واذا وصلت 150 يورو شحنك مجاني.



ما قصرت يا أبو حاتم على الرد المثري

الصراحة انا ما كنت فاهم الموضوع على بالي يضيفوا فواكه بعملية التخمير تنتقع فيها القهوة،
بحثت فيه شوي حسب ما فهمت انه هذه المعالجة الي طالعة يتم التدخل فيها صناعيا أثناء عملية التخمير بإضافة مواد ميكروبات وخمائر والتحكم في عدة امور وعملية مشابه للي يسووها و يضيفوها على الحليب لما يحولوه للبن او لجبن واحيانا يضيف كمية من دفعة سابقة نمت فيه البكتيريا الموضوع يبغاله بحث لكن بجربها إن شاء الله لانها طلعت شيئ غير الي في بالي


وكما تفضلت الطاحونة تبين العيوب وتبرز الايحائات لذلك الطواحين الغالية غالبا تفضح القهوة السيئة وتبين عيوبها

وغالب المحامص المحلية حتى لو لقيت عندهم محصول ممتاز يخربوه بالتحميص السيئ ومشكلتهم الثانية عدم الثبات دفعة تطلع لك زينة وتجي تاخذ منهم بعد شهرين ولا 3 نفس المحصول تلاقيه تغير وصار سيئ يعني حتى ثبات على التحميص ما فيه ومثل ما قلت يمشوا على بروفايل واحد لكل المحاصيل

بإذن الله لي تجربة من المحمصة الي ذكرتها اذا جاء الشتاء
2023-08-09 , 09:58 صباحاً
2023-08-10 , 07:12 صباحاً
أبو حـاتم’s Avatar
أبو حـاتم

نشيط

المشاركات:842
التسجيل:Jun 2007
أبو حـاتم
لاتشكي لي وابكي لك يابو حميد

مشتهي لايت روست لي شهور طويلة ولانيب قادر اطلبه بهالحر

وربعنا يحدونك على حمصهم وذوقهم. كأن ماحد يشتري منهم الا الي مكاينهم مافيها تحكم حراري.

تعبونا نفسيًا وماليًا على الفاضي.

تدري ان هولندا دولة سياحية وجميلة؟ طيب خذ لك شهرين او تدري خلها شهر فقط يا صديقي الحماص وخذ كورسين طول هالشهر. كورس صباح عند مانهاتن وكورس بعد الظهر عند داك او فرايدهاتس. واذا حماصتك لورينج رح النرويج عند تيم ويندلو او رح لهاتش في كندا. موب تحك شوشتك وتخبص وتليس وأنت عندك لورينج الي سعرها 350 الف لاصغر مقاس ولا الثاني عنده 15 كيلو جيسن ويروح يشتري اكبر منها ويشخص جنبها ويقول هذا مصنعنا. مصنع؟ ترى عيب تقول مصنع وانت تحمص قهوة فقط! ما قالوها saka وحماصتهم 120 كيلو! والله من الطقاع يا ضرما (عفوًا على المثل لكن الي قاله أكبر مني ومنك قدرًا ومكانة لذلك يسمح باقتباسه).

عزيزي الحماص يخي بالمختصر عشان تفهم وش نبي. اذلف تعلم! ترى العلم يطلب لو بالصين. موب خسارة العلم تراك تستثمر في نفسك وتطور قدراتك وخبراتك وتنهض بالسوق المحلي. مافيه احد ولد عالم. العيب الي انت قاعد تسويه! تهبد وتخلي الناس تشرب حواسك وحواقك.

حتى اللايت روست موب متوفر بالسعودية. والله العظيم فضيحة نقول ما عندنا لايت روست!

عندنا مصانع قهوة هههههههههههههههههههههه
2023-08-10 , 07:12 صباحاً
2023-08-11 , 12:44 مساءً
بني ادم’s Avatar
بني ادم

نشيط

المشاركات:865
التسجيل:Feb 2020
بني ادم
استهدوا بالله يا جماعة الخير


انا احترم اذواقكم واقدر ان كل شخص له طريقته في الاستمتاع


لكن عصير الكرز بريال في البقالة اخلطه مع الاسبريسو .. الغرض من القهوة هو جرعة الكافيين اليومية


لكن انك تشتري قهوة تصنيفها مقبول بغالي الثمن عشان طعمها خوخ و كرز اشوف الموضوع شطح عن غرضه الاساسي
2023-08-11 , 12:44 مساءً
2023-08-11 , 10:01 مساءً
أبو حـاتم’s Avatar
أبو حـاتم

نشيط

المشاركات:842
التسجيل:Jun 2007
أبو حـاتم
هههههههههههههههههههههه

شكرًا يابني آدم على المشاركة الطيبة

وعلى قولك لولا اختلاف الاذواق لبارت السلع. فيه محمصة محلية تبيع بن برازيلي (وهذا ارخص مصدر) بسعر فوق 40 للربع وهو الأكثر مبيعًا عندهم عشانه أرخص بن يبيعونه. والمدح والردح من المستهلكين. شريته بشوف وضعه وطلع لي طعم خشب :d يعني تشتريه تصير مقاول على طول.

أي مشروع فيه ألوان جاذبة وباكجنق يمشي بالقهوة حتى لو يعطيهم تراب ما دروا عنه. جيش يشرب بعيونه

ما تلومهم يوم حمصهم مضروب وغامق دام هالناس تشتري ولا تدري عن سالفة الطعم ولا تفرق.

ولاعمر هالمحامص راح يتطورون. لكن الحمدلله راح تبقى عندنا مصانع قهوة :d
2023-08-11 , 10:01 مساءً
2023-09-25 , 02:03 صباحاً
Putty’s Avatar
Putty

بارز

المشاركات:2041
التسجيل:Apr 2009
Putty
أبو حـاتم كتب:
هههههههههههههههههههههه

شكرًا يابني آدم على المشاركة الطيبة

وعلى قولك لولا اختلاف الاذواق لبارت السلع. فيه محمصة محلية تبيع بن برازيلي (وهذا ارخص مصدر) بسعر فوق 40 للربع وهو الأكثر مبيعًا عندهم عشانه أرخص بن يبيعونه. والمدح والردح من المستهلكين. شريته بشوف وضعه وطلع لي طعم خشب :d يعني تشتريه تصير مقاول على طول.

أي مشروع فيه ألوان جاذبة وباكجنق يمشي بالقهوة حتى لو يعطيهم تراب ما دروا عنه. جيش يشرب بعيونه

ما تلومهم يوم حمصهم مضروب وغامق دام هالناس تشتري ولا تدري عن سالفة الطعم ولا تفرق.

ولاعمر هالمحامص راح يتطورون. لكن الحمدلله راح تبقى عندنا مصانع قهوة :d



لايكون تقصد اندز موجيانا ؟
2023-09-25 , 02:03 صباحاً
2023-10-21 , 09:06 مساءً
PQQP’s Avatar
PQQP

نشيط

المشاركات:1136
التسجيل:Jun 2013
PQQP
أبو حـاتم كتب:
هههههههههههههههههههههه

شكرًا يابني آدم على المشاركة الطيبة

وعلى قولك لولا اختلاف الاذواق لبارت السلع. فيه محمصة محلية تبيع بن برازيلي (وهذا ارخص مصدر) بسعر فوق 40 للربع وهو الأكثر مبيعًا عندهم عشانه أرخص بن يبيعونه. والمدح والردح من المستهلكين. شريته بشوف وضعه وطلع لي طعم خشب :d يعني تشتريه تصير مقاول على طول.

أي مشروع فيه ألوان جاذبة وباكجنق يمشي بالقهوة حتى لو يعطيهم تراب ما دروا عنه. جيش يشرب بعيونه

ما تلومهم يوم حمصهم مضروب وغامق دام هالناس تشتري ولا تدري عن سالفة الطعم ولا تفرق.

ولاعمر هالمحامص راح يتطورون. لكن الحمدلله راح تبقى عندنا مصانع قهوة :d





شكلك مختم مصانع القهوة :d:d


عطني محصول استمتع واتلذذ بشكل رشفة قهوة



مليت من ريحة الخشب
2023-10-21 , 09:06 مساءً
2023-10-23 , 08:04 صباحاً
معتز الثويني’s Avatar
معتز الثويني

متميز

المشاركات:6264
التسجيل:Nov 2007
معتز الثويني
ميلاني متعصب كتب:
السلام عليكم ورحمة الله وبركاته

لاحظت انتشار طرق معالجة للقهوة غريبه ومميزه وهي تسمى التحفيز الحراري أو التنقيع وهي نقع كرزات البن في الماء مع قطع من الفاكهة مثل العنب و الكرز و الفراولة وتعطي هذي الطريقة ايحاءات عالية وواضحة جدا و حلاوة عالية.

أنا بالنسبة لي هذه الطريقة ناسبتني جدا جدا بالقهوة المقطرة صحيح انها تكون اغلى من غيرها من طرق المعالجة لكن تستمتع بكوب قهوة خرافي

جربت نوعين من هذه المعالجة وهي

لاكنديرا - كولومبيا من محمصة ORO : نكهة العنب واضحة جدا وانت تشرب هذا الكوب لكن للاسف حاليا مقطوع.

لالا - كولومبيا من محمصة Rays : نكهة الكرز واضحة جدا وحلاوة ماهي طبيعية بهذه القهوة لدرجة تشك انهم ناقعينها بشيرة :d

طبعا انا معتمد طريقة موحدة بالتحضير وهي 20 جرام بن على 300 جرام ماء موزعة بالتساوي 60 جرام على 5 صبات بوقت 2:45 ثانية.


هل قد جربتم هذه الطريقة من المعالجة ورأيكم فيها



جربت باليابان هذي القهوة .. منقعة بـ العنب الياباني :19:

https://www.blacktokyo.jp/product/alps-coffee-l...

و كانت جميلة الصراحه
2023-10-23 , 08:04 صباحاً
2023-10-28 , 11:31 مساءً
أبو حـاتم’s Avatar
أبو حـاتم

نشيط

المشاركات:842
التسجيل:Jun 2007
أبو حـاتم
PQQP كتب:
شكلك مختم مصانع القهوة :d:d


عطني محصول استمتع واتلذذ بشكل رشفة قهوة



مليت من ريحة الخشب


الله وكيلك عارفهم مصنع مصنع :d

ما اقدر ارشح لك شيء للأمانة. جرب وان شاء الله تلقى

انا للحين ابحث. الخبر الكويس ان الخريف بدا ونقدر نطلب من برا
2023-10-28 , 11:31 مساءً
2023-10-29 , 03:00 مساءً
PQQP’s Avatar
PQQP

نشيط

المشاركات:1136
التسجيل:Jun 2013
PQQP
أبو حـاتم كتب:
الله وكيلك عارفهم مصنع مصنع :d

ما اقدر ارشح لك شيء للأمانة. جرب وان شاء الله تلقى

انا للحين ابحث. الخبر الكويس ان الخريف بدا ونقدر نطلب من برا





اذا بتطلب من محمصه DAK



انا لما قريت ردك عنها رحت وحطيت كم صنف بالسله وتركتها



واليوم ارسلو لي انه بنعطيك خصم ١٠٪ ... اذا ناوي تطلب منهم حط اي شيء بالسله واتركه وبيرسلون لك خصم اوتاومتك على الطلب



----


وش رايك بمحمصه سويل ؟ جربت من عندهم البا-كولومبي بالخبر واعجبني

سلاسلات القهوة كنت اشتري اليدا ب ٩٧ الربع -- ووقفت صراحه لانه غالي جدا
2023-10-29 , 03:00 مساءً
2023-10-30 , 02:25 مساءً
أبو حـاتم’s Avatar
أبو حـاتم

نشيط

المشاركات:842
التسجيل:Jun 2007
أبو حـاتم
Dak شحنهم سعره 25 يورو. جدًا معقول DHL EXPRESS

واتوقع عندهم شحن مجاني لو وصلت 150 يورو لكن ما ينفع تطلب واجد

سويل كنت اشتري منها وتراجعت جودتهم فجاة وسحبت عليهم
2023-10-30 , 02:25 مساءً
2023-10-30 , 04:48 مساءً
معتز الثويني’s Avatar
معتز الثويني

متميز

المشاركات:6264
التسجيل:Nov 2007
معتز الثويني
أبو حـاتم كتب:
Dak شحنهم سعره 25 يورو. جدًا معقول DHL EXPRESS

واتوقع عندهم شحن مجاني لو وصلت 150 يورو لكن ما ينفع تطلب واجد

سويل كنت اشتري منها وتراجعت جودتهم فجاة وسحبت عليهم


المطاحن متقلبة للاسف .. يمكن لازم كل محصول ودفعه معايرة خاصة
2023-10-30 , 04:48 مساءً