اول شي مبروك القبول والله يوفقك ،، ثاني شي الموضوع يعتمد على اشياء كثيرة جدا(المسافه الرغبة الطموح الامور الماليه .....) ،، صعب احد غيرك يحددها ،، لكن من وجهة نظري جرب سنه وشف الوضع يمكن يجوزلك ،،

وعليكم السلام


انا اشوف انك توافق منت خسران شيء ولانك ماتدري عن المستقبل ممكن تتغير الانظمة ويفتحون النقل بالاضافة عندك امكانية تقدم على وظائف ثانية وانت على رأس العمل لانها عقد واذا جاك قبول تلغي عقدك مع التعليم


انا كنت موظف في الرياض وانتقلت لوظيفة في قطاع آخر بقرية نائية وكان معروف عنها ان النقل سريع وما تستمر اكثر من سنة بالمكان، وابشرك الان كملت 5 سنوات ما نقلت والحمدلله على كل حال فالأوضاع ممكن تختلف في يوم وليلة ولك بجائحة كورونا أكبر مثال

استخر أولاً

رأي الشخصي

توكل على الله وخلك معلم ممارس في الشرقية

والامور سهلات

والله يخوي صل واستخير ثم شوف نقاطك ونقاط الي تعينوا في الاماكن الي انت تبغاها بجدارة وقارن وما انصحك تسحب لأنك وقعت ع تعهد يمكن يحرمونك من فرص ثانيه تأكد منها .


والشي الثاني ماتدري يمكن بعدين يخلونها مداقشه ويفتحون النقل



والفرصه ماتتفوت استخير والله يكتب لك الي فيه خير

فكر لاتستعجل

لكن بالنسبه للراتب ترا التنقلات والشقه بتقص من راتبك الجديد

يعني انت خذها نسبه وتناسب وفكر زين

الله يعين الحياه صارت اصعب من قبل وهرجة عقد مكاني هذي فيها ظلم

رأيي
توكل على الله والله يبارك لك في وظيفتك
فرصة كبيرة وما تدري تتكرر مرة أخرى أو لا
وانت ابخص بظروفك

بالنسبة للنقل، اللي يُفهم من سالفة التوظيف المكاني إنه يعني ألغي نظام حركة النقل على المعلمين الجدد (السيستم اللي يقدمون عيه المعلمين الحاليين وطوابير وترتيب أولويات ... الخ ثم ينقل نسبة كبير من المعلمين بحسب المتيسر)
هذا النظام واضح أنه ألغي على الجدد
لكن هل هذا يعني إنه أبدا ما تقدر تنقل ومستحيل؟
ما أظن
أنا أشوف أن الوضع أصبح مثل الموظف الإداري
الموظف الإداري ما عنده نظام حركة نقل وسيستم وجميع الموظفين يقدمون عليه
لكن الموظف الإداري عنده طرق للنقل، المبادلة مع موظف آخر، سلخ الوظيفة، وغيره من أنظمة الموارد البشرية
فأتوقع المعلم نفس الشيء

والله الموفق

الشباب ما قصروا بالردود

راي الشخصي ولو اني مكانك بقبلها واجازف اني ابقى بالشرقية ولا انه اخاطر وانتظر سنة بشيء ممكن ما يجيني

والله يوفقك ويكتب لك الي فيه الخير

لاتضيع الفرصة من يدك ، تخصصك السوق مشبع منه للاسف

تكلم عن وضيفتك الحالية
راتب 4000 هو اقل راتب في نظام العمل السعودي

وما راح اطلب منك تحسب لي صافي راتبك
لاني عارف ان اليوم 3 في الشهر وجالس تدور احد يسلفك


ولا اعلم ما هي طبيعة العمل الذي تقوم به مقابل هالراتب

لكن باختصار هناك عمل انت مجرد ديكور
حضرت للدوام او لم تحضر انت بلا فائده

وهناك اعمال تقدم لها خبراتك ومهاراتك
ومن خلالها ايضا تطور هذه الخبرات والمهارات


وبما انك تقول ان فرق الراتب الضعف تقريبا.. انتهى الكلام

اتمنى لك التوفيق

الواحد تجيه النعمه لين قدمه ويرفسها رفس للاسف