للحين اطلب 2 واحد منهم شهر يعطيني 1000 وشهر 500 وانا ساكت دامه يسدد
الثاني ساحب وبصراحه استحي اكلمه بشوف وش اخرتها

التصريفه الجديده اي احد يبي يسلف مني خاصه اللي معاي في العمل
اقولهم انا داخل جمعيه فيها 17 شخص ومايبقى من راتبي الا 1500 :d

ياكثرهم

المتدين يرد الدين ان شاء الله اذا كان قادر او انه يعتذر منك

الملتحي غير و المتدين شي ثاني

لازم تغير هذا المفهوم عندك

ما قد مر عليا احد تسلف وردها من نفسه بدون مشاحنات بين الطرفين :mrgreen:

بالنسبة لي في حالة ان المبلغ كبير اعتذر عن اعطاء المال

اما في حالة ان المبلغ معقول وانا اعرف الحالة المادية للشخص واعرف انه ماراح يصرف الفلوس على

كماليات وما شابه راح اقدم المال واحتسبه عند ربي لاني لاني من البداية اعرف الن المبلغ ماراح يرجع.

تحياتي

تعطيه اذا يسدد حاجه ضروري

مثل سداد الكهرباء او فاتورة الانترنت البيت كذا تكسب الاجر لان فيه عائله يفرحون

اما غير كذا لا تعطيه

تجاربي في التسليف مع الأصدقاء المقربين فقط, غير كذا ما قد تعاملت الا بمبالغ بسيطة, والاصدقاء المقربين يردون المبلغ مجرد ما يتوفر لهم بطيب خاطر والوضع تمام. نصيحتي لو الشخص ماتعرفه زين لا تسلفه مبلغ بتتحسف عليه او بيسبب لك ضيق لو ما رده. سلفه مبلغ تقدر تتخلى عنه وتخليه صدقة لو مارجعه.

والله هي مشكله الطيبه وحسن النيه .. ما نقول شك بكل احد بالنهايه الفلوس تغير نفلوس ..
انت سلف الي تقدر عليه اذا من طيب خاطر و مساعده الغير .. انتبه من الي يطلبون مبالغ قليل 50 ريال و 250 ريال .. هذي لحالها لو تجمعها معاهم تطلع مبلغ ..
غالبا اذا سلفت احد ما اسأل عن المبلغ الا بعد زوال الحاجه الطرف الثاني تكون مع بدايه الراتب ..

كيفيه طريقه السداد هل بتسدده كامل ولا اقساط .. ؟ هنا بيوضح معاه العمليه كامله خصوصا بعضهم اذا طلبت منه اعرف كم راتبه مثلا 5000 و متسلف مني 2000 كيف بتردها الشهر الجاي راح يبقى معك 3000 ؟؟
لدرجه بعضهم ينصدم انه بيرجع يتسلف من جد وجديد

الدين ليس الاسوء
طر يقة التعامل بعد الدين

الله يرد لك حقوقك


هذي مشكلتنا للاسف في مجتمعنا .. اذا سوى المتدين او الملتحي شي قالو


هذا مطوع ليش يسوي كذا ويكبرون الشغله



اما الشخص العادي او من عامة الناس فصار طبيعي يسوي اي شي ماحد يستنكره او يستغربة


عموما صارت الامور الماليه تسبب مشاكل بين الناس والبعض يعتبر الصديق اقرب من القريب




وجزاهم الله خير الاخوان اللي ردو وتساعدوا مع من سلفوهم وصبرو عليهم


الله يفك ضائقة المسلمين ويفرج كربهم ويسهل عليهم ولا يعسر عليهم



قال تعالى { وَتُحِبُّونَ الْمَالَ حُبًّا جَمًّا }

زمان اشتغلت في شركة واول ما اشتغلت
جاني شخص وقال انتبه ترى فلان اذا اتسلف منك ما بيرجعها

اول ما جاني ذاك الشخص طلب مني 50 ريال
وفعلا عطيته رجع عندي الشخص اللي نبهني وقال ليش تعطيه
قلت على شان افتك منه


وفعلا رجع عندي بعدها وقال احتاج خمس ميه
قلت تمام ابشر بس رجع الخمسين اللي عندك

تصدق والله استغربت انه مشى وسحب علي
بس الحمد لله افتكيت من شر الطلبه لانه شخص لحوح



وشخص ثاني طلب مني 500 وقال والله بتزوج وناقصني اشوي اغراض
عطيته وقتها وكانت نيتي ان اذا رجعها اخليها له هدية زواجه


مرت الشهور والاخ مطنش ولا جاب طاريها قلت عادي مو مشكله

بعدها طلعت من الشركة وبعد تقريبا اربع سنوات
جاتني رسالة على الواتساب . وعادة الواتساب ما ارد عليه
لان كنت زمان اقدم خدمات انترنت ووقفت فما اهتم للواتساب

المهم بعدها بيومين نفس الشخص ارسل لي وقال وهذا نص رسالته

زعلان على الخمس ميه ما ترد علي قسم بالله ما تشمها


المصيبة اني ما طالبته ولا جبت له طاريها وانا اصلا والله ناسيه هو بنفسه
بحثت عن الرقم في الدليل وتذكرت اسمه والا والله انا ناسيها بس كيف هو متذكر
لاني اعرف ان اللي مسلف هو اللي ما ينسى مو العكس

هاذي معجزه تحصل واحد يسدد الله ييسر امورك



المتدين يعني ظاهره عليه صفات التدين ماقصد انه يتدين مبلغ وقدره





من ناحيتي يردها برضاه ولا بكيفه عساه ماردها مشكلة المشاحنات تحرجك عند اللي تعرفهم لو تواجه هاذا الرجل


فعلا عشان ترتاح نفسيا احتسبها عند ربك




فعلا كلامك صحيح اللي يطلب مبالغ صغيره سلف راح يكرر يطلبك كذا مره وصارت معي شخصيا

عاد تدري شنو المضحك بالموضوع ان في بعضهم الله يهديهم .. يحسسك ان فلوسك مالها قيمه يعني ليش عندك هالمبلغ انت ما تستحقه عطني اياه انا اولى فيه .. حتى لو ان كنت انت شخص قنوع بكل ما تملك من اجهزه و ممتلكات وانت من الناس الي تحافظ على اغراضك عشان تعيش معاك .. :mrgreen:


مايدري انك شخص تحسب للريال بكره قبل ريال يوم عشان تكون مقسم امورك الشهريه / السنويه



اذكر مره كنت طالع عشاء مع زميل عمل وقت تسديد الفاتوره غالبا مره علي مره عليه بس صادفت هالمره ما عندي مبلغ كامل للعشا طلبت انه يدفع اني بحوله بعد يومين وناظر محفظتي وزعل زعله الله لا يورك حرفيا المبلغ الي بالمحفظه مبلغ تسديد فاتوره ناوي اودعه بالبنك نهايه الطلعة. من بعدها خلاص ما صرت اشيل معاي كاش ابدا اذا بطلع مع اي شخص اتاكد بكم حسابي كل مره عشان لا يتكرر موقف هذا

يافي ناس باعو نفسهم برخيص عندي مقابل ها السلف
الحمدلله انها كانت مبالغ صغيرة ، انا اعتبرها احيانا نعمة من الله مقابل هالمبلغ الصغير بعدني عنهم بدل مااطب بامور اكبر

1 - لاتعلم الناس ان معاك فلوس
2 - لاتعلم اهلك ان معاك فلوس ، معاك فلوس ؟ عطيهم من دون مايسئلوك تلقائي المفروض.
3- لاتعلم الناس ان معاك فلوس
4 - لاتعلم الناس ان معاك فلوس لانو صدقني نظرتهم لك راح تتغير 100% مهما كان الشخص والله مهما كان الشخص انا وانت حتى هذا شيء طبيعي في الانسان.
5- لاتعلم الناس ان معاك فلوس

> اول مشاركه في المنتدى بعد سنوات، السلام عليكم كيف احوالكم شخباركم


يقول الشاعر واذا بغيت تعرف النفوس ارم الفلوس ............

لمن بديت اقرا الردود حسيتها صادمه مو لأن ما عندي تجارب لكن لان كل الردود سلبيه والى اقصى حد

مع هذا تجربتي ممكن تكون الأسوأ لانها كانت مع من كنت اعده أعز الأصدقاء وكان لما يبغى سلف كنت أشوفه أليف وديع وحياوي بشكل مو طبيعي يخليني أنحرج منه مره مع أنه لو ما سوى كل هالمسرحيات كنت بعطيه لان ما أقدر أرده أو أقوله لأ، بل أني كنت أقوله ما بيني وبينك سلف يا رجال وكنت أعطيه أكثر من اللي يطلبه

وبعد ما صرت عاطل وفلست ومع مرور فتره تغير الرجال علي وطلع وجهه الحقيقي والا هو شخص حقود حسود وكاره لي بشكل مو طبيعي وعجزت أدور له عذر غير اني ما صار عندي فلوس

يا اخي والله ما يبقى ملتحي ولا متدين ولا احد حتى امك أقرب الناس لك ما تغيرها الفلوس وياما ناس متدينين (وعلى ما قلت يا صاحب الموضوع يقومون الليل) يسكتون على الفلوس وكنه العيد

الاصل في معظم البشر الجشع و الطمع غالبا مع الاسف الشديد ..
الكثير لا تأتيه افكار او مشاريع ...الخ ،،، الا وقت المطالبه بسداد ماعليه من ديون ..
وياما الشهر لحق شهور و ياما السنه لحقتها سنوات ..
اي واحد يطلب مني سلف حاليا اتعذر منه بحجة القروض الا اذا سبب قاهر انا شخصيا مطلع عليه ممكن اساهم لو بمبلغ بسيط ..

مشاركة مزعجة نوعا ما لكنها تمثل واقع مؤلم مريت فيه ..

الموضوع ما اعتقد له علاقه بالمتدين او الغير متدين
البعض يضع مظهر المتدين لجلب الثقه من الاخرين
ايام الامور طيبه وعندي محلات كنت اسلف البعض مبالغ بسيطه ومن اعطيه احط احتمال 90% انها افلحت مابترجع
ومره جاني قريب لي راتبه ذيك الايام 45 الف وطلبني 5 الاف لظرف طاري
واعطيته وسنين مارجعها راحت محلاتي وطلعت من القطاع الخاص وقلت بدل ما اتصلف بكلمه يرجع لي المبلغ
كلمته قام يقول ابشر بس اصبر علي ومن هالكلام
رحت لااقرب لي اخرين كواسطة كان ردهم صادم انه عيب علي وهذا قريب لي المفروض ما اطلبه بينما هو على راس العمل وانا عاطل . والحمدلله على كل حال

حاليا ما اظطر للسلف الا في حال لشي طارئي جدا
لي شهر الان بدون جوال ذكي ولا فكرت استلف علشان اشتري جوال

فالسر هنا اللي بيستلف ليش يستلف مره مكلمني واحد يقول ابي 500 بروح جده اغير جو طفشان .

قلت له لي عشرين سنه مارحت مكه اعتمر ماتيسرت


واللي حاب يسلف يحاول يعرف شخصية المتسلف
البعض يكون اغنى منك لكن يحب ياخذ منك ولا يرجع كنوع من الاحساس بانتصاره عليك حسب نظرته .
مثل نوعية اللي تسلف من الاخ almhm


المهم بعدها بيومين نفس الشخص ارسل لي وقال وهذا نص رسالته

زعلان على الخمس ميه ما ترد علي قسم بالله ما تشمها

ردك مفيد وجزء من ردك اجابه على سؤالي بخصوص ان الشخص مايتسلف من القريب يروح يتسلف من الصديق او البعيد عشان الاحراجات والعيب

اما اللي كلمك يقول يبي سلف 500 يروح جده طفشان يبي يغير جو ليت كل اللي يطلبون سلف مثله لأنه ذكر السبب وكان سبب تافه الرفض راح يكون مباشر لكن اغلبية اللي يطلب سلف يجيك بوظعية المحتاج

عموما انا تغيرت نظرتي بخصوص اللي يطلب السلف الأن مانع السلف نهائيا لأن الجمعيات فاتحه ابوابها من زمان ومافيه زيارات
مجرد ايقاف خدمات عليهم لايوجد سجن امورهم الحكوميه من تجديد بطاقات وغيره ماشيه مافيه تعقييد عليهم
فقط يمنع من السفر