هذه اكيد احد تفلسف عليك فيها مهارات عادية
تعلم كتابة الايملات والتدرج المهني وخلاص

هذا الموضوع بحر، واخذت فيه كورسات لين طلع الموضوع من خشمي

اللي المهم تعرفه كموظف جديد تطور مهارات التواصل الخاصة بالعمل (تلفون، ايميل، برزنتيشن) يفضل تاخذ فيها كورس والمفروض جهة عملك يسوونها لكم ويرسلونكم لمعهد تدريبي يسويها. لأنها ممتعة والتجارب فيها حلوة ومفيدة حتى على المستوى الشخصي بعيدا عن العمل.

باقي مهارات التواصل بينك وبين زملاءك هذي تعتمد عليك وكيف شخصيتك في هالامور، وبتعرف انك كويس اذا كانت علاقاتك طيبة في حياتك الخاصة وبين اقاربك وجيرانك، لأن شخص علاقاته خارج العمل سيئة ما اتوقع بيكون كويس في العلاقات داخل العمل بحكم الضغط اللي فيها ولازم انك تتصادم بعض المرات مع الموظفين او المدراء (لكن اذا انت موظف جديد ترى بتطور فيها بسرعة اذا كنت تتواصل بشكل دائم مع الموظفين)

لكن بشكل عام الوسطية زينه لاتصير طيب مرة ولا قاسي وصعب التعامل، واهم شي لاتقطع عن الناس والزملاء فترة طويلة وحاول يكون السلام بينكم بشكل دائم وسو لك حديث جانبي مع كل شخص (طبيعي كل شخص له اهتمام او هواية يحب يسولف عنها) هذا الشي بيزيد من جماهيريتكم عندهم والشخص اللي علاقاته ومعارفه كثير غالبا فرصه اكثر في الترقية او اي مميزات وظيفية

والله اكتشفت في حياتي الوظيفية أن مهارات التواصل والعرض والذكاء العاطفي والاجتماعي مهمة جدا جدا جدا
قد تكون ذكي وفاهم تخصصك العلمي ولكن إذا كنت ضعيف جدا في هذي المهارات، فلن ينفعك ذكاؤك وشطارتك في تخصصك،
والعكس صحيح،
فلو كنت متوسط الذكاء ومتوسط الفهم في تخصصك العلمي، ولكن ما شاء الله بارع في هذي المهارات، فقد تصل إلى مواصيل عالية

على قولة فيلسوف يوناني، تكلم حتى أعرفك
الناس ما تعرف أي عبقرية عندك إلا إذا كنت قادرة على إيصالها إلى أذهانهم بالطريقة الصحيحة وبالتأثير المطلوب وهذي ما تجي لك إلا إذا طورت من هالمهارات

اللي يقلل من أهمية هالمهارات، سأقول عنه أنه لا تنقصه هذه المهارات فيظن أن كل الناس مثله
وإلا، فهو الجهل والعناد

شكراً لك




طيب كيف نطورها؟ انت قلت انها مهمه

اذكر اول عمل لي كان لي زميل بنفس العمر
شخص موسوس ويضن ان الكل يتآمرون ضده
ماننكر ان ممكن تحصل مشاكل في العمل لكن الواجب عليك انك تعرف كيف تتعامل معاها مو تصير موسوس وتنغلق على نفسك
كنت اسمع كثير عن الاشخاص الي يقولون خليك رسمي في العمل
ووالله اقول لك ان هذا اكبر خطأ ممكن توقع فيه

اسهل طريقه عشان توصل لمراتب عالية بعملك انك تكون شخص منفتح ولكن تكون فاهم الي حولك وكيف يفكر وتدخل له بالطريقه الي تناسبه
ببساطه تكون شخص دبلوماسي في العمل وتتجنب المشاكل وتحاول تحلها بطريقتك

ايضا في شي شي تعلمته في اكثر من بيئه عمل
لو كنت اكثر شخص يشتغل
ولكن ماتسوق لشغلك فأعتبر انه جهد مهدور
اطلب حقك وسوق له بطريقه ممتازه وتأكد انك راح تحصل على الي تبغاه

اول مهارة واهمها ويجب ان تضعها نصب عينيك لاتسوي شغل ماهو شغلك ولا تسمعهم يبغون يسوون شغله معينه وتقول انا لها

ثم من بعدها تجي باقي المهارات

وفي حال انه جا لك طلب مخصوص للشغله الخارج نطاقك اطلب حقها سواء كان انتداب او مبلغ مادي حسب انظمة جهة العمل اللي انت فيها