نصيحتي للعزاب لا تفكر بالزواج وفكر بجيبك

لا ضبط جيبك بيضبط موضوع الزواج بل تحصل انك تتزوج أكثر من وحده

اياك واياك واياك انك تفكر بالزواج

مع اني من مؤيدين الزواج المبكر لكن الزمن تغير حالياً

نفس حكمة القناعة كنز - والمال وسيلة كل حكمة تعارض نفسها


قال تعالى
إن يكونوا فقراء يغنهم الله من فضله والله واسع عليم

عزابي ومرتاح ومتكيف مع وضعي حاليا

اللي افكر فيه مستقبلا اذا كبرت من يعولوني ويقوم فيني

الزواج نعمه واستقرار
حياتك وانت عزوبي فيها مشاكل
فطبيعي مع شريك حياتك في مشاكل
بس بالتعامل والمؤدة تنحل المشاكل
الله يرزق كل شاب وشابة بالزواج الصالح

يعنى بعد 20 سنة مثلا !؟ بهذه أقولك أطمئن وقتها اللي يعول يقول ياليتني كنت
لوحدي وليتني أقدر أعول نفسي ... العالم مقبل على أحداث عظام في المستقبل القريب .. وبالأخير الأعمار بيد ربنا ؛ والله يحسن خاتمتنا ..

بالنسبة لقول الله تعالى انا معه وانا مغمض يارجل امشي بدون نقاش او تسائل


لكن الناس مر عليهم وقول زوجوني يمكن يضربونك بالنعال ويطردونك شر طرده

اول شي يسئلون عنه هل موظف او لا هذي الحقيقه يسئلون عن قدرتك المادية

لو انك معروف انك غني بتاخذ الموافقه اصلا حتى بدون يقولون لك انتظر نسأل البنت


وياليت والله الناس تطبيق قول الله سبحانه وتعالى


ودي

لا تتزوج الى في 40 فما فوق

الين تتحسن الاوضاع المادية

الزواج مهو لعبة الزواج شي مقدس وله واجبات

اساسا العزابي مستهدف في جيبه وفي خوته

المتزوج لادرا انك عزاب ومتوظف يدور سلف يقول اكيد ان اموره طيبه
واذا متهاوش مع المره ذاك اليوم جا قزرها عندك ههههههههههههههههههههههه يفكر انك فاضي له طول الوقت

الحياه ماترضي احد متزوج عزوبي غني فقير صغير كبير

لكن اللي يدهورك تفكيرك بالمستقبل وتفكر بالصغيره والكبيره بكل لحظه الحياه حلوه المهم لاتظلم احد في حياتك لان مافيه حاجز بين دعوة المظلوم عند الله انتبه وقم بواجباتك الدينيه وعش حياتك

الانشطه والفعاليات للعزابي كثير جدا اكثر من المتزوج لان عنده وقت متفرغ فيه
صدقني انك بنعمه عظيمه

كلامك في السطر الثاني منبعه خاطئ

أنت في وقتك الحالي مسؤول عن نفسك في المستقبل، حتى لو أنجبت أطفال مو من مسؤوليتهم يعولونك ويقوموا فيك..

إنما أقصى أنواع البر والإحسان للوالدين خدمتهم في الكبر، لو كانوا مايقدروا ايش راح تسوي؟
وإذا أنت حاليا عزابي (ونفترض السبب لأنه حدودك الحالية كافية فقط لتعيل وتكفي نفسك) ايش احتمالية أن أبناءك يطلعوا ناجحين بشكل أنهم يقدروا يعيلوا أنفسهم ويعيلوك؟

استغل شبابك عشان نفسك، حتى توصل لمرحلة أنه وقت ضعفك وكبرك مارح تحتاج أحد ومالك يخدمك..

متى ما جمعت المبلغ الكافي بقدم عالزواج

ادواتك واسلحتك ماراح تبقى بنفس الفعالية

في اعتقادي فالمرحلة العمرية هذي، الوحدة أو الشعور بالوحدة إذا ماكان في علاقات اجتماعية مستقرة، الغالب بيكون تزوج وانشغل في حياته الجديدة.

المشكلة كيف تتكيف مع العزوبية وعندك احتياج جسدي وعاطفي وخصوصاً الجسدي


عن نفسي شكلي بتزوج وبخش بجدار والشكوى لله لان لو بجلس كذا 10 سنوات قادمة ما اتوقع الاوضاع تضبط


ملاحظة عمري 29

اكلك زين
رياضي
ما تاخذ علاجات

صدقني وضعك بالسليم لين 60 وممكن تصقع 90 وانت بشبابك اذا حافظت على هـ الـ 3 اشياء فوق واذا الله أحيانا

قسم بالله ما ذقت الاستقرار النفسي والعاطفي والجسدي إلا بعد الزواج
يكفي أنها تعطيك الثقة والحافز في تطوير وضعك المادي وفي الإنجاز لأن عائلتك وأطفالك مسؤولية لك وبيصيرون حافز إضافي للإنجاز عشان تحقق لهم حياة كريمة.

اللي يقول مكتفي بنفسي إذا كان مستقر عاطفياً وبعيد عن العادة السرية أو الإباحية وناوي يركز على دراسة أو مشروع أتفق معك لكن خلاف ذلك صدقني يمكن تتزوج بعد عشر أو عشرين سنة ووقتها المشاكل اللي كنت خايف منها مكن تصير لك كمان وأصلاً وقتها بذاك العمر تأثيرها بيكون أكثر من لو كنت شاب وتوك ببداية حياتك والكل بيصبر عليك.

السبب الوحيد اللي أعتبره مبرر للتأخير هو عملية الاختيار لأن الاختيار الجيد للزوجة ذات الدين والخلق والمتزنة نفسياً وناضجة مهم جداً جداً وممكن تكون سبب في تضبيط وضعك ودعمك بينما العكس المرأة الغير ناضجة أو التافهة (أعتذر عالكلمة ولكن صاروا كثير مع تأثير السوشال ميديا) النوع ذا لو كنت مليونير أو مهما كنت راح تنكد حياتك وتشعر معها بالتوتر والإحباط

الوضع الطبيعي وسنة الله في خلق الانسان هو الزواج وبه يكمل نص الدين ويستقر الانسان


لكن بالنسبه لي ما تفرق، أنا أصلاً واحد ماني قادر اتحمل نفسي عشان اتحمل مسؤولية زوجة وبيت وعيال


اذا فيه سبب واحد ممكن يجبرني على الزواج هو بس حساد في وجيه اللي فقروا الشعب وخلوا الشباب قاعدين بدون زواج ومن وراهم أعداء المسلمين اللي ما يبغون عددهم يزيد

حساد فيه وجيه اللي فقروا الشعب؟؟؟؟

مين هم؟

عمري 40 و عزوبي و الحمدالله مرتاح بحياتي

لان الوضع يخوف ماهي مثل اول

هذا يتابع مشهورة و هي تتابع مشهور و تبدا الشك و مشاكل

و الطلاق كثرت و الخيانة كثرت

اما اللي يقول مين يعول عليك بعدين لا تخاف معك الله و ان الله عارف نيتك زواج بس مو بيدك شي و خايف من مستقبل

الزواج ماهي مثل اول

شوفو حولكم و تعرفون مين اقصد و بالذات تيك تك (( يخليك توسوس وتقول عزوبي ارحم لي ))

امك
ابوك
موجودين
عيش عزززززابي وانبسط
سفريات شباب اخوياء

الوقت هذا مو وقت زواج

نسب الطلاق تخوف

واللي مرررة ناوي يتزوج ومصممم

اااااجل الخلف اقل شيء 5 سنوات

تختبرها وتعرف مويتها