وعليكم السلام ورحمة الله وبركاته

اولا هل عنده تامين

ثانيا هل انت تامينك شامل

ثالثا في حالة ان الخصم لا يحمل تامين وانت تامينك ضد الغير

والمرور يتصل عليه ولم يرد قسم المرور يعمل عليه ايقاف خدمات

فقط والله يعينك على المرمطة

وشكرا لك وانتظر الرد ان وجد

كونهم يتصلوا على الشخص هذا يعني ان صاحب الخطأ ما عنده تأمين .. لان لو عنده تأمين المعاملة تحول مباشرة لقسم التأمينات .. حاليا هم يتصلوا عليه عشان يجي يدفع كاش حق التقدير.



ومن جد الله يعينه على المرمطة بسبب الشخض الثاني غير مؤمن .. نفس القصة صارت لنا قبل حوالي سنة .. شهر كامل ف الاسبوع امشي مرتين على الاقل المرور .. ناس المرور ما قصروا بس الشخص الثاني اللي كان يماطل واقامته منتهية من سنتين يعني اصلا خدماته واقفة فما كانت تفرق معاه في شي .. بس الحمدلله في النهاية اخذنا حقنا

صار معي قبل كذا
صدمني شخص ماعنده تأمين وجاء نجم وسوى التقرير و ارسلوه للمرور
ورحت راجعت المرور ودقو على اللي صدمني يجي يدفع المبلغ خلال ٣ ايام او راح يتم ايقاف خدماته

وفعلا جاء ودفع المبلغ


خلاصة الكلام اطلب من المرور يعملون ايقاف خدمات للشخص اللي صدمك عشان يجي يدفع المبلغ

هذا الي حيصير باذن الله

249Falcon كتب:

كونهم يتصلوا على الشخص هذا يعني ان صاحب الخطأ ما عنده تأمين .. لان لو عنده تأمين المعاملة تحول مباشرة لقسم التأمينات .. حاليا هم يتصلوا عليه عشان يجي يدفع كاش حق التقدير.



ومن جد الله يعينه على المرمطة بسبب الشخض الثاني غير مؤمن .. نفس القصة صارت لنا قبل حوالي سنة .. شهر كامل ف الاسبوع امشي مرتين على الاقل المرور .. ناس المرور ما قصروا بس الشخص الثاني اللي كان يماطل واقامته منتهية من سنتين يعني اصلا خدماته واقفة فما كانت تفرق معاه في شي .. بس الحمدلله في النهاية اخذنا حقنا

كيف حصلت حقك علمنا؟

ادخل على حالة الحادث في نجم وتظهر لك معلومات الطرف الآخر "الموقع وليس التطبيق"
بيظهر لك معلوماته كامله وهويته في خانه ماني متذكرها صراحة بس اتوقع استعلام عن حوادثي او شيء زي كذا ويظهرون لك سجل الحادث كامل مع تفاصيل المركبات وهوية الطرفين
تاكد اذا ماعنده تامين او لا / ومنها تقدر تحصل على بياناته كاملة وترفع فيه في ناجز

اخذت تقرير نجم لمركز تقدير .. اصدروا لي فاتورة تقدير لاسعار القطع مع شغل اليد.

رحت ختمتها في المرور .. وبعدها انتظرت الشخص يدفع المبلغ .. في البداية كان يتماطل و يقول ما معه الحين .. بس اخرتها جا دفع .. بعدها شرطي المرور اعطاني المبلغ وقفل البلاغ .. وختم على تقرير نجم + تقدير ..

بعد كذه الخيارات بيدك بعد اخذت حقك:

1- تاخذ التقارير المختومه من نجم وتقدير وتوديها لشركة التأمين (حقتك) وتعطيهم المبلغ اللي دفعه لك الشخص اللي صادمك ويضبطوا لك السيارة في الوكالة ..

2- تمشي تصلحها لحالك .. تحط الفلوس في جيبك .. براحتك .. انا عن نفسي صلحتها لحالي في ورشة اتعامل معها ووقرت حوالي 2500 ريال من من المبلغ اللي اخذته .. اعرف خويي قبل 4 سنين صار له نفس سالفتي وأخذ حول 10 الف ريال كاش من الشخص الثاني وما صلح السيارة .. بعد حوالي 5 شهور تقريبا جا واحد دعمه في نفس المنطقة بالضبط وكان مؤمن .. صلحها على حساب تأمين الشخص الاخر :38:

عذراً بتعبك شوي معي

لو سمحت كم المدة تقريباً منذ الحادث ووقت إقفال البلاغ ؟

شاكر تعاونك .

ما اذكر بالضبط بس حوالي 30 يوم .. يعني 29 او 28 .. ف هالحدود

اذا معه تأمين بيحولونك على تأمينه، واذا مامعه بيتصلون عليه 3 مرات واذا ماحضر ترفع عليه بناجز وتطالبه

أشكرك جداً على ردك

سبب سؤالي لك أن أعرف في خلال كم تقريباً تنتهي المشكلة ومدة شهر أعتقد نوعاً ما تعتبر جيدة .

العسكري يسوي عليه تعميم
انت تكمل اوراقك وتقدر الحادث
ولو طال الزمن التعميم يخليه يجيك راكع يسدد
سالفتك راح تطول للأسف

قول للعسكري هذا قاعد يماطل ياليت تعمم عليه بعض العسكر مسوي حنين قوي اذا رفض روح للضابط

نظام اول والله كان أحلى صار لي حادث في 2014 وكل شوي اتصل ويماطل وخلال 4 أيام يتصل خويه يقول سحبو خويي الحبس تعال نعطيك فلوسك ولما جيت المرور حاول يبتز وبلعناه العافيه انا وولد عمي ونقهم نق

ما أدري ليه بالحق الخاص صار ايقاف خدمات وبس

المفترض اساسا جزء من راتبه يروح سديد لي لين يسدد كامل المبلغ مثلها مثل البنوك والقروض او يجي الله لا يهينه يسددها كامل واللي عاجز لظروف يمشي زي الاوادم الله لا يهينه مو يهايط بالسرعه والتشطيفات

والله يالغالي دخلت وفحطت بالموقع ماحصلت خانه تظهر معلوماته للاسف

تمام تمام ان شاء الله الاحد براجع المرور وافيدكم بالجديد

تقريبا عام 1440

مارد الطرف الثاني ثلاث مرات كل يوم يدق عليه مره وحده
توقف خدماته وبعد 6 شهور تسوي أمر قبض من نفس المرور

بس يقولون أن أمر قبض موقف لآني يوم سويت أمر قبض أشهر بسيطه ومسكوه وأضطر يسدد

انا بعطيك سالفة صارت معي بالتفصيل الممل مشابهة لمشكلتك. صارت العام الماضي. وسحبت الطرف الثاني للمحكمة وأخذت حقي غصب. بعطيك التفاصيل لانها سهلة ويمكن بعض الناس يكون عندهم التباس بالموضوع. انا صراحة تبين لي ان حقين المرور أنفسهم بعض المرات مايعرفون الأجراءات النظامية والقضائية

الطرف الثاني رجع علي وانا واقف والغلط عليه 100%. ماعنده تأمين والسيارة مو بأسمه. بأسم عمه. جاء نجم وخلص الأجراءات كلها. انا رحت للمرور وكلموه اول مرة مارد. جيتهم بعد أسبوع وكلموه ورد عليهم وقالهم يبي يتواصل معي. هنا تبداء الحفلة. انا حقي تقريبا حسب تقديرات الحوادث 4000. الرجل قام يماطل معي ويبيني أنزل له بالمبلغ علشان عنده ظروف وكذا. المهم نقاش طويل مالك فيه. انا وصلت معه حتى 2000 ريال تقديرا لظروفه. في النهاية قالها لي من الاخر بعطيك 500 ريال وبس. تخيل من 4000 الى 500 ريال.

علاوة على ذلك. الولد بجيح مرة. يقول لي ماراح تستفيد شى اذا سويت ايقاف خدمات علي لأنهم راح يمنعوني من السفر بس وانا ماني مسافر!! المهم انتهى الموضوع بيني وبينه وشفت لازم اخذ الموضوع قانونيا أحسن.

باختصر عليك الموضوع مرة. الزبدة رحت لمكتب خدمات ودفعت 50 ريال وخليتهم يرفعون صحيفة دعوى في ناجز. بخصوص رقم هوية الشخص كيف تجيبها. فيه شئ اسمه اللجنة العليا للمرور. أتوقع اسمهم كذا. هم اللي لازم تكلمهم ويعطونك خطاب في حالة رفعت قضية مرورية على طرف ثاني يكون في الخطاب رقم هوية الطرف الثاني. في حالتي كان رقم هوية الولد في تقرير نجم موجودة لكن رقم هوية عمه صاحب السيارة غير موجودة. أموري مشت قضائيا لانه هو المدعي عليه مو عمه.

اصلا اخر خطوة في رفع صحيفة دعوى في ناجز في مطالبة تعويض حادث سيارة . انك ترفق وثائق كثيرة من بينها اللي اذكره.

هوية المدعي. رخصة المدعي. اتوقع استمارة السيارة بعد . بوليصة التامين لسيارتك. خطاب نجم. تقديرات الحوادث. خطاب اللجنة العليا للمرور (هذا اللي انت تحتاجه).

المهم ترا الأجراءات القضائية سهلة وسريعين في الامور هذي. تخيل والله رفعت صحيفة الدعوى يوم السبت. الأثنين عند المحكمة. الأربعاء جلسة صلح. طبعا الأمور هذي يكون فيها جلسة صلح وتتفقون على انهاء الموضوع ويتم رفع وثيقة الصلح ولازم توافق على بنود وثيقة الصلح عن طريق ناجز. طبعا جلسة الصلح تتم اونلاين عن طريق برنامح Team حق ميكروسوفت.

في جلسة الصلح طلبت المسوؤلة من الطرف الثاني انه يدفع المبلغ كاش او تقسيط. قالها خليني افكر وارد عليك( يبي يماطل مرة ثانية) قالت له لا لازم تعطيني قرار نهائي علشان وثيقة الصلح تتم وترفع. ترا اذا مالتزم بما جاء في وثيقة الصلح وماطل. يتم اصدار طلب تنفيذ قضائي ويسحب المبلغ من حسابه غصب. يعني الدعوة مافيها كلام ثاني.

وبس هذا موضوعي بشئ من التفصيل.

ادخل موقع نجم، بعدين خدماتي بعدين طباعة النماذج والاشعارات، واختر رقم الحادث واختر تقرير تحديد المسؤولية

بتلقى في اول صفحة المعلومات بهذا الشكل