وعليكم السلام ورحمة الله وبركاته.
وش الفائدة تدرس بكالرويس اي شيء ؟؟
الله يعافيك انا مفتهم انو البعض يكون ماخش جامعة او يكون متاثر من الناس الي يقولو الجامعة " صعبه ".
ولكن صدقني الوضع سهالات دامك انسان جدي وتراها الجامعة الالكترونية وعن بعد وكل امة لا اله الا الله داخلين ويتخرجون والامور طيبة .
فلذلك انا انصحك تخش علوم حاسب.
بخصوص الضمان اتوقع ايوه تكون معفي

*ضغطت شكراً بلغلط*

اي لا تدرس الا شي ممكن تستفيد منه مثل ادارة اعمال او حاسب

والانجليزي لغه سهله خذلك دوره شهرين والسلام

انت بس لا تحط فكرة انك تخلصها بأسرع ما يمكن يعني خذ كورس واحد او اثنين كل فصل وبكذا ما بيصير عليك ضغط مذاكره وبتجيب معدل عالي

اذا تبغى الشهاده بس (لان مثلاً بتجيك علاوه او ترقيه) فادخل الشي الي تحبه

الي اعرفه فيه اعفاء لتبع الضمان في الالكترونية + اذا انت بسبب مرور خمس سنوات فاكثر ما تقدر تقدم فجامعتي الامام محمد بن سعود شالوا هذا الشرط

أعتذر من الجميع توقعت راح يجيني إشعار إنه فيه ردود بس كنت أخش ولا أحصل إشعار وأطلع من الموقع..



علوم الحاسب حلو مرة بس فيها ضغط مو طبيعي وأعرف كم واحد خش فيها وغير كذا منهجها إنجليزي بالكامل أنا يا الله قلت أتفرغ شوي للجامعة بس مع المنهج الإنجليزي والتخصص نفسه لازم أفرغ وقتي له وذا الشي صعب علي..

بس عطني أسبابك عن الإعلام الرقمي ليه تشوفه أي كلام؟ أنا أشوفه بطل وينفع لوظايف كثيرة وبرضو تقدر تبدع فيه لو بتشتغل شغل حر..

شوف الوظايف اللي تقدر تقدم عليها بعد التخرج..

https://seu.edu.sa/satsc/ar/bachelors-programs/...



ذي التخصصات يبيلها مجهود ووقت ومنهج إنجليزي ولا أدري راح يقبلوني فيها في المفاضلة أو لا لأن الثانوي 40% والقدرات 30% والستيب 30% وما فيني همة زي زمان للمذاكرة صراحة لكن بفكر زيادة في الموضوع وأبحث عنه ممكن أغير رأيي في التخصص..



وش نظام الدراسة عندهم مثل الالكترونية عن بعد وحضوري ولا حضوري بالكامل؟ ومتى التسجيل وكم الرسوم..

أتوقع الإمام محمد بن سعود حضوري بالكامل وهذا مستحيل بالنسبة أخش فيها..

--------
تحديث:

لفت إنتباهي في الجامعة الإلكترونية تخصص الصحة العامة وتخصص المعلوماتية الصحية هل لها علاقة بالطب وإيش رايكم فيها؟

valvatorez كتب:

أعتذر من الجميع توقعت راح يجيني إشعار إنه فيه ردود بس كنت أخش ولا أحصل إشعار وأطلع من الموقع..



علوم الحاسب حلو مرة بس فيها ضغط مو طبيعي وأعرف كم واحد خش فيها وغير كذا منهجها إنجليزي بالكامل أنا يا الله قلت أتفرغ شوي للجامعة بس مع المنهج الإنجليزي والتخصص نفسه لازم أفرغ وقتي له وذا الشي صعب علي..

بس عطني أسبابك عن الإعلام الرقمي ليه تشوفه أي كلام؟ أنا أشوفه بطل وينفع لوظايف كثيرة وبرضو تقدر تبدع فيه لو بتشتغل شغل حر..

شوف الوظايف اللي تقدر تقدم عليها بعد التخرج..

https://seu.edu.sa/satsc/ar/bachelors-programs/...



ذي التخصصات يبيلها مجهود ووقت ومنهج إنجليزي ولا أدري راح يقبلوني فيها في المفاضلة أو لا لأن الثانوي 40% والقدرات 30% والستيب 30% وما فيني همة زي زمان للمذاكرة صراحة لكن بفكر زيادة في الموضوع وأبحث عنه ممكن أغير رأيي في التخصص..



وش نظام الدراسة عندهم مثل الالكترونية عن بعد وحضوري ولا حضوري بالكامل؟ ومتى التسجيل وكم الرسوم..

أتوقع الإمام محمد بن سعود حضوري بالكامل وهذا مستحيل بالنسبة أخش فيها..

--------
تحديث:

لفت إنتباهي في الجامعة الإلكترونية تخصص الصحة العامة وتخصص المعلوماتية الصحية هل لها علاقة بالطب وإيش رايكم فيها؟

يحليلك يخوي مو اي شيء تشوفه بقوقل والنت يعني حقيقي ، شوف الميدان شوف الخريجين وش قاعدين يسوون وش تحسب mbc كم بالنسبة توظف ناس فرش ، ولا تلفازا ولا ثمانية .
الناس اغلبهم الي تشوفهم ماخدين ذا التخصص ي انه مانقبلو الا فيه ي انو بس يبون بكالرويس عشان ترقية لا اكثر ولا اقل بالعقل والمنطق يعني.

طيب ليش خايف من الانجليزي؟ أنصحك تطور لغتك لإنه سواءا دراستك أو شغلك تطلبها، المهارة ستفيدك في حياتك

طيب إنت حددت التخصص على القنوات وإنه يكون للمذيع والإعلام بس وماله فايدة غيرة للقنوات
..مو معقولة

من بحثي له تقدر تكون مسوق مبيعات أو منسق دعايات للمطاعم أو للمواد الغذائية مثل نستله والمراعي وغيرهم والمجال واسع مو محصور على الإعلام..

إذا على الوظايف فكل شي بيد الله ويا كثرهم خريجين إدارة الأعمال والهندسة والتخصصات القوية ولا حصلوا وظايف للحين وإشتغلوا بغير شهايدهم..

مو خايف لكن ما أبغاه في دراستي راح يضغط علي بشكل كبير وأنا عارف نفسي الصدق ما راح أتحمل الضغط مع الدوام وكذا..

أفضل أتعلمه لحاله بعيد عن الدراسة ولا أكون مربوط فيه إلزامي..

بس بفكر في الموضوع زيادة

تخصصات غير مطلوب
والان اي واحد اعلامي حتى لو بدون شهادة

فيه تخصصات فيها اكتفاء مثل طب الاسنان والاشعه والمختبرات والتمريض والتخصصات التربوية

ولغة انجليزية تخصص غير مفيد لان كل الوظائف محاسبة او هندسة او طب تشترط انجليزي وهكذا

نصيحة لاتسجل بالجامعة بس حتى تكون مسجل وانك تدرس ترى تندم تضيع عمرك بدون فائدة

حاول تلقى ادارة اعمال او محاسبة او تخصصات الحاسب

هي المستقبل

تبي تقنع نفسك اقنع نفسك براحتك :mrgreen:

التخصصات الصحية بالعكس كلها مرغوبة وكم واحد توه تخرج ذي السنة تمريض وعلطول توظف والسنة اللي راحت واحد من المعارف خريج طب أسنان وتوظف..المجال الصحي مستحيل يكون فيه إكتفاء والطلب عليه عالي..

تخصصات الحاسب أنا معاك مستقبلها كويس بس إدارة الأعمال والمحاسبة فيها إكتفاء ويا كثر اللي خريجين إدارة أعمال وعاطلين..

نشوف وش اللي ربي كاتبه إن شاء الله تتيسر..




عارف إنك بتقول كذا وإني أقنع نفسي بس جد إنت حصرت الإعلام الرقمي بالإذاعة والقنوات بس..