صراحة، القدرة مفيدة وممكن تستفيد منها في حياتك، لكن ما اتخيل أحد يوظفك بس عشانها

اذا دعمتها باللغة الإنجليزية وتدرست تخصص إداري راح تبدع

ماتاكل عيش كل الناس الحين الي معاهم بي سي معاهم ذي المهارة.
الله يوفقك يارب العالمين ويسهل لك دربك

محل خدمات الكترونية

بتطلع خير ان شاء الله

عليكم السلام ورحمة الله وبركاته

اذا الوظيفة تستدعي الكتابة مثل البرمجة اكيد بتفيدك

وعليكم السلام ورحمة الله وبركاته،
اولا الف مبروك التخرج ومنها للأعلى والله يوفقك.

المهارة اللي عندك ممتازة لو طبقتها بمجال يستفيد منها.

مثلا انصحك تاخذ فكرة عن تخصصات كلية الحاسبات لأن تتضمن فيها البرمجة ولو انت كاتب سريع وتعرف تفكر بنفس السرعة بتخلص مهام بوقت قليل.


لكن عشان لا اكذب عليك المهارة ذي لا تعني اي شيء اذا انت انسان ما تعرف تبرمج او تفكر بطريقة برمجية.

ميزة قوية
أذكرها في السيرة الذاتية بالبنط العريض
لكن!
تكون واثق إنك قدها بالأداء اللي تذكره في السيرة الذاتية (كما قلت هنا 150 كلمة في أقل من دقيقتين وعمياني) وأحسن
مب إذا جوا يختبرونك، خرت

ومن المهم أن تتميز بالاحترافية واللياقة والكياسة وقلة الثرثرة
ما يبونك تكتب المستندات الطويلة المهمة وانت ثرثار تنقل كل الحكي للناس
يبونك تكون مثل الصندوق الأسود حق الطيارات، يسجل معلومات الطيارة ولا ينكشف إلا للمختصين

بصراحة الأفضل انك ترفع سقف طموحك
لا أرى أنها مهارة في هذا الزمن

النقطة الأولى ذكرت انك تبتغى تتوظف قبل دخول الجامعة والأفضل تركز بالجامعة وتشوف كيف الوقت وترتيب الدراسة وهل تستطيع العمل اثناء الدراسة
فخلي الجامعة شيء أساسي والوظيفة شيء ثانوي

الشي الثاني ما ابي احطمك ولكن الشهادة العلمية هي الأساس قبل يسالونك عن أي شيء بتلاقي شروط الوظيفة جامعي (للوظائف الكويسة) وحاليا حتى بعض الوظائف البسيطة يطلبون جامعي وشهادة الثانوي ما توكل عيش ولا راح تستفيد من سرعة الكتابة
اما سؤال للاستفادة منها بوظيفة اثناء الدراسة فمكاتب خدمات الطلاب ممتازة جداً لان لديهم اعمال كثيرة ومطلوب ان تكون سريع الكتابة فيها

مهارة حلوه سكيرتارية ادارية متميزة

اشوفها مهارة مطلوبة لو كنت بتقدم على شركات الطباعة والنشر والبحوث
وكذلك شركات الدعاية والاعلان والإعلام خصوصا لكتابة الاسكربت والمقالات والأخبار

لو عندك المهارة باللغتين عربي وانجليزي بتكون افضل وأفضل

تفيدك مثلا في بعض الوظائف مثل كاتب ضبط

تكتب بسرعة عند القاضي أو المحقق

اخي هذه المهارة ان صح تسميتها بتفيدك في كل شي في حياتك
فما بالك بالوظيفة

ما تحتاج وظيفة كاتب لاجل تفيدك
اي وظيفة حاليا لها علاقة بالكمبيوتر من قريب او بعيد
راح تحتاجها


شفت كثير مدراء وموظفين ومعلمين في قطاعات
للاسف اغلبهم حتى الفارة ما يقدر يحركها بسهوله


لكن للاسف بعض القطاعات لا تعترف بكلمة خبرة او اتقان
ويهمهم الشهاده او الدورة مقارنة بالخبرة


واحد اعرفة قدم على وظيفة في شركة شحن
لما سوو معاه مقابله يتكلم اللغة افضل من اللي سوا معه المقابلة

بس قالوا له لازم شهاده
راح مركز تدريب قالوا لغتك الانجليزية تمام
بس لازم تدرس من جديد لانك ما تعرف القواعد


انا درست عن طريق معهد وتعلمت الطباعة
واعرف شخص لا درس ويطبع بيد واحده اسرع مني
:angry1:

واعتقد ان هالشي لا يعتبر مهارة
بقدر ما يفترض ان يكون شيء الزامي لاي موظف

بما ان اغلب التحول الان الكتروني وتقني والارشفة صارت على السحابات اعتقد فيه قطاعات كثير تستفيد من هذي الميزة

لكن لو تعززها بشيء من فن انك تكتب خطاب او تقارير معينه وامور اخرى، اعرف مدراء الى الان يرسل الخطاب لموظف عنده يعدله فيه

فيه في جميع المجالات تقريباً اللي اعرفها وظيفة اسمها معد تقارير او كاتب تقارير، سواء يومية واسبوعية وشهريه، وتكون طبعاً احنا في مجال البناء، تقارير صادرة من ثلاث اطراف المالك والاستشاري والمقاول، وبعض المشاريع العملاقه يكون لكل قسم كاتب تقارير خاص فيه، لكن لازم عندك خبرة سابقة في المجال، وصدقني في حالتي انا لا يوجد كاتب تقارير، فعليا التقرير الاسبوعي فقط ياخذ مني نص يوم عمل اعطل عملي علشان اجهزة، فاكيد لو فيه شركة احترافبة راح توفر شخص مختص للموضوع هذا فقط، عكس حالنا، وقيد شفت المسمى هذا معلن له وظائف.

بالتوفيق للجميع