وعليكم السلام


فكرتك حلوة ودخلت مزاجي , بس ننتظر أحد الأخوة اللي فاهم فيها وعنده خلفية كافية ودراية عنها ينورنا ويفيدنا هل تحتاج تصاريح وكم يكلف المشروع التوتال بالكامل من أ - ي القارب ولوازمه وغيره ?

وعليكم السلام
القوارب فيهم رزق وبتحديد التاجير بالساعه

انا كان عندي قارب واهم شي بالقارب اللي بتخذه يكون مجهز

والتصريح الابحار اسهل الان عن طريق برنامج زاول عن طريق الجوال تصرح وتضيف اللي معك

و اي استفسار انا بالخدمه

على خبري لازم مالك القارب هو من يشغله تأكد من هالمعلومه

أحس كثير 1500 حتى لو 8 أشخاص و 6 ساعات
خلال ال6 ساعات وش الفعاليات اللي تقدمها؟ صيد سمك وسباحة بس؟ يكفيها 3 ساعات بالكثير

لو نقول 750 8 أشخاص 3 ساعات تكون معقولة أكثر

ولو تقدر تضيف فعاليات أخرى أفضل بعد

عادي تضيف احد معك يكون مثل الشركاء معك بالقارب

فيه واحد تكلم عن سبب غلا الرحلات البحريه هذي :
القارب الصغير هذا تعبيته بنزين تكلف بالالاف
اجرة الموقف غاليه ورسوم اخرى نسيت اسمها

الله يوفقك يا اخوي ، صيد السمك لازم يكون له رخصة من وزارة البيئة والمياه والزراعة ، والله أعلم

انا اقول رح عند حقين الرحلات البحرية وشف لك ولد حلال
واسأله عن كل اللي في خاطرك
يعطيك الزبده وتعرف وش اللي لك واللي عليك

هنا بالبوابة السوالف سهلة
وش ذا الرحلة اللي ربحها 1500 ريال ههههه

هو ياخذ من الشخص 1500
فيها اجرة التصاريح
اجرة الموقف
تكلفة الوقود
ممكن يوفر لهم اداوت صيد
تختلف من صاحب قارب الى اخر
ماهو ربحها 1500
هي عموما غاليه لكن حسب ما شفت في منتدياتهم
ان الموقف في مرسى القوارب يتم تأجيره عليه . نفس فكرة ايجار وقوف الطائرات في المطارات
(( المطارات تملكها هئية الطيران المدني ووجود الطائرة على اي ارضية مطار الناقل الجوي يدفع اجار ويختلف من مطار لمطار ويختلف كذلك من بوابة لبوابة ))
التصاريح لها رسوم
كل قارب له نطاق معين في البحر مايتجاوزه حسب امكانيات وتجهيزات القارب
ملزوم صاحبه بتوفير ادوات سلامه وسترات نجاه واجهزة تحديد مواقع واجهزة اتصال لاسلكي .
الوقود بعض القوارب نشوفه بسيط لكن تانكيه يتعبى بالفين ريال
وقد يكون هناك غيرها من المصارريف

والله ياكثرها مرمية داخل الحواري اكلها الصداء ، زيك فكرة ثم ابتلش فيها

الردود الي فوق شكلهم ماهم من جده ولا قد طلعو قارب عموماً الاسعار صحيحه والمواقف على حسب ماسمعت مجانيه من الدوله والبنزين 350 ريال او 400 ريال على حسب ماسمعت بس التانكي كبير
والله يرزقك ان شاء الله سوي بحث اعمق واتوكل على الله ولا تسمع كلام المحبطين الي ماعندهم سالفه